JEREMIA 12:10 - Biblia Ilagho Jiboie Kwa Wandu Wose

¹⁰ Wabonyi nguma wengi wa kighenyi wamerie mbuwa yapo ya mizabibu, wikaiwadia na maghu ghawo, na kujibonya isanga japo jiboie jiwuye kireti kiduu.

JEREMIA 12:10 Referans Kwoze

JEREMIA 23:1

BWANA waghamba, “Ni bugha kwa awo winonagha na kusaghisa wandu wapo.”

ISAYA 63:18

Wandu wako wielie werekaieghe na Andu Kwako kwa Wueli kwa ngelo vui, na wamaiza wedu wikakufasha na kukunona.

JEREMIA 6:3

Wazuri na majeshi ghawo wichacha kulwa nagho; wichadunga hema rawo kughumaria chia rose, na kula mundu andu kwake.

JEREMIA 3:19

BWANA waghamba, “Yakaiagha nicha saki ngera nedekuwika aghadi ya wana wapo, eri nikuneke isanga jighokie; na ifwa jiboie kuchumba ja mbari rose. Neregheshereghe kuchaniwanga Aba kuseko na ugho wundu ghwa kughaluka na kusigha kughendanya nani.

WUFUNUO 11:2

Ela kuseipime iyo waza iko shighadi ya hekalu, kuseipime; angu yamerie kunekwa iro mbari, nawo wichaghuwadia-wadia ugho muzi ghwa wueli kwa meri mirongo ina na iwi.

LUKA 21:14

Kaienyi mmange ngolonyi konyu msecheja wasi, wei mchatumbulia wada;

JEREMIA 39:3

Jerusalemu iendawadwa, wabaa wose wa mzuri wa Babuloni wikacha na kusea kidombo andenyi ya Mbenge ya Ghadi na ghadi, chiaimweri na Nergali-shareza, Samgari-nebo, Sarsekimu na Nargali-shareza umu, na wabaa wazima wose wa mzuri wa Babuloni.

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

ISAYA 43:28

Kwa huwo ngawiinjira ishima wabaa wa Andu kwa Wueli, ngamfunya Jakobo upate kutoteshwa putu, na Israeli upate kusholelwa.”

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

EZEKIELI 34:2

“Mwana wa mdamu, funya wulodi aighu ya walisha wa Israeli kuwizere kukaia ini Bwana MLUNGU naghamba huwu: Ni bugha kwa walisha wa Israeli wikulishagha weni! Welee, ndeiwifwane walisha kulisha ng'ondi?

DANIELI 8:13

Niko ngasikira malaika umu ukimkotia mmbao, “Agha mawono gha vizongona vekora va ituku ituku, na makosa ghishekeriagha kusowekelwa na uko kuisigha Hekalu, na majeshi kufashwa-fashwa ghidwa ngelo ing'ane wada?”

ZEKARIA 7:14

Ngawifunya sa kudukwa ni kiremba ngawisaghisa aghadi ya mbari ra wandu wa masanga gha kighenyi. Iji isanga jiboie jikasighwa iduu jisena wandu.”

ISAYA 3:14

BWANA wawitanya waghosi, na wabaa wa wandu wake wawizera, “Ni inyo mjie mbuwenyi ra mizabibu, vindo muwisokie wakiwa veko nyumbenyi konyu.

JEREMIA 25:37

Maranu gha sere ghichasaghiswa kwa wundu ghwa agho machu ghibirie gha BWANA.

JEREMIA 25:38

BWANA wasighie andu kwake sa shimba isighie mbanga yake, isanga jawo jawurie iduu, kwa wundu ghwa wuda ghwa mkorongi, na kwa wundu ghwa agho machu ghake ghibirie.”

EZEKIELI 34:5

Kwa huwo reresaghisikieghe, angu riserewadieghe mlisha ungi; rikawuya vindo va nyamandu rose ra isakenyi.