JEREMIA 11:6 - Biblia Ilagho Jiboie Kwa Wandu Wose

⁶ Nao BWANA ukanizera, “Ghora agha malagho ghose mizinyi ya Juda, na chienyi ra Jerusalemu kughambe; Sikirenyi malagho gha iji ilaghano, mughibonye.

JEREMIA 11:6 Referans Kwoze

JAKOBO 1:22

Ela mkaie wabonyi wa ijo ilagho, msakekaia wasikiri waduu mkikukalia mmbeni.

WAROMA 2:13

Angu si awa wiisikiragha Sharia wiko na hachi imbiri ya Mlungu anduangi, ela ni awa wikatishagha Sharia niwo wichaatalwa kukaia na hachi.

JOHANE 13:17

Ngera mwaghimanya agha, mwarasimilwa mkaghibonya.

JEREMIA 19:2

mwendanye vololo ya Hinomu kwa kuidiria Mbenge ya Chuwigha, kupate kughora agho malagho nichaakughoria.

JEREMIA 7:2

“Ghenda kukaie kimusi mbengenyi ya BWANA, kughore malagho agha, sikirenyi ilagho ja BWANA inyo wandu wose wa Juda mchagha na kungia iri mbenge kuendamtasa BWANA.

JEREMIA 3:12

Ukaniduma nighende nimzere Israeli huwu: “Wuya ee Israeli kuseko mloli, Sichaakuvaia machu sena, kwa kukaia ini ne wa wughoma, sichaakaia na machu kwa kala anduangi.

ZEKARIA 7:7

Agha malagho nigho gheni BWANA oreghighoragha ukitumia walodi wa imbiri, ingelo Jerusalemu erekoghe nicha ichulo ni wandu; ngelo wandu werekoghe wengi wikikaia mizinyi na mbai mbai yaro, na masanga gha kusinyi, na wurindinyi cha magharibi kirimbenyi cha mighondi.

ISAYA 58:1

BWANA waghamba, “Ghora kwa lwaka lubaa, kusakeleka; wusira lwaka lwako sa tarumbeta, kuwighorie wandu wapo ikosa jawo, na kivalwa cha Israeli kuchighorie kaung'a rawo.

ZABURI 15:5

Uo wadakopesha kuseko fwaida; hata ndetuwagha umzighirie mundu usewadie ikosa. Mundu ubonyagha maza iri, najingi ndechaanyavurika.

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

WUKUMBUSO 4:1

Musa ukawizera wandu wa Israeli, “Msikire sharia rose nimfundishagha; mpate kukaia moyo, mngie na kujiwada ijo isanga BWANA Mlungu wa weke ndeyo umnekagha.

WUKUMBUSO 4:5

“Namfundishire sharia yose na malaghiro, sa iji koni BWANA Mlungu wapo unizerie; mpate kughibonya andenyi ya isanga mungiagha kujiwusa.