JEREMIA 10:8 - Biblia Ilagho Jiboie Kwa Wandu Wose

⁸ Wose wakaia wakelu wisena akili, wifundishwagha ni milimu ya midi!

JEREMIA 10:8 Referans Kwoze

ZEKARIA 10:2

Wandu weelaghaya sa ng'ondi wikilola njama kwa milimu; walaghui wiaghora malagho gha tee; wandu wamu wiafasiri ndodo ra tee relaghasha; waja wasi kwa kusowa kilongozi.

JEREMIA 10:14

Kula mundu uawoneka usewadie akili hata kumanya kungi, kula mchani dhahabu wafwa waya kwa wundu ghwa iyo milimu yake. Fwana rake ni rekalia, nderiwadie miruke andenyi yaro anduangi.

HABAKUKI 2:18

Mlimu ghoko na fwaidaki? Ni kilambo chimu tu chibonyero ni mdamu chisedimagha kukughoria ilagho jingi ela tee nduu. Chabonyeragha fundi waro ilaghoki jiboie eri uchirumirie, mlungu ghusedimagha kudeda!

ISAYA 44:19

Ndekuwadie mndungi umanyagha, hata ungi utambuagha ughambe, “Nusu ya ughu mudi naghukorieghe, na maka gharo ngaocha nagho mkate, hata nyama wori naocha ngaja; yakaia wada sena nibonye iji ilagho ja wuchafu? Welee, nighoghomie kilingo cha mudi?”

ISAYA 41:29

Ola i milungu yose ni ya duu, ndeiwadie kazi ingi; milungu yawo echana ni kazi nduu.”

ZABURI 135:18

Awo wandu wiibonyagha na kuirumiria, ndewifwanane nayo.

ZABURI 115:8

Awandu wiibonyagha na awo wiirumiriagha, wichafwanana nayo.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

JEREMIA 2:27

awo wighuzeragha mudi, ‘Oho ko aba,’ na igho, ‘Oho ko mao.’ Kwa kukaia waghalukie na mbai kufuma kwapo, hata ndewikunde kunizighana; ela wikapatwa ni wasi waghamba, ‘Wuka kudikire!’

HOSEA 4:12

Waawuyalomba kipande cha mudi chiwineke mafunuo! Mzata ghwawighoria malagho wikunde kughimanya! Wanisighie ini Mlungu wawo, wikanugha milungu mizima seji muka usighagha mumi na kuwuya malaya.

ISAYA 44:18

Wandu awo ndewiichi ilagho jingi, hata ndewimanyagha; kwa kukaia meso ghabwaghilo wisewone, na akili rawo rafue ndewitambukilwagha.

JEREMIA 3:9

Orewonieghe wumalaya kukaia ilagho jiangue kwake, ukanona isanga kwa kubonya wulaki ghotasa magho na midi.

JEREMIA 5:4

Niko ngaghamba, “Awa ni wandu wakiwa, ndewiwadie akili ringi; kwa kukaia ndewiichi chia ya BWANA iyo sharia ya Mlungu wawo.

JONA 2:8

Awandu witasagha milimu ya duu, wadasigha kukaia waloli kwako.