Biblia Todo Logo
Bib sou entènèt

- Piblisite -




JEREMIA 10:6 - Biblia Ilagho Jiboie Kwa Wandu Wose

6 Ndekuwadie ungi uko sa oho ee BWANA, oho koko m'baa, na irina jako ni ibaa sena jiwadie ndighi.

Gade chapit la Kopi




JEREMIA 10:6
27 Referans Kwoze  

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?


BWANA ni m'baa, ufwane ukaso nandighi; yafwana uobolo kuchumba milungu yose.


BWANA ni m'baa, wafwana ukaso nandighi mzinyi kwa Mlungu odu, aighu ya mghondi ghwake ghwa wueli.


Wandu wa Israeli, ndekuwadie mlungu ghungi ghuko sa Mlungu onyu, uidagha mlungunyi kwa wubaa ghwake, uidagha aghadi ya mawingu upate kumvuvua.


Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”


BWANA ni m'baa, nao wafwana ukaso nandighi. Wubaa ghwake ndeghumanyikagha.


Iro alama rake ni mbaa saki, na mashiniko ghake ghawadie ndighi saki! Wuzuri ghwake ni ghwa kala na kala, nao wadabonya nguma kivalwa hata kivalwa.


BWANA odu ni m'baa, uwadie ndighi; hikima yake ndeipimikagha.


Kwa huwo koko m'baa ee BWANA Mlungu, hata ndekuwadie Mlungu ungi mzima sa oho, kunughana na agho ghose dighisikire kwa madu ghedu.


oho kuwonyeragha lukundo lukatie kwa maelfu, ela sena kwadawikaba wandu wako kwa wundu ghwa kaung'a ra weke ndee. Ee Mlungu m'baa kuwadie ndighi rose, oho irina jako kuwangwagha BWANA wa majeshi,


Mlungu Mweli ufwananishwa nani? Oko ungi ufwanane nao?


Mzuri ukaghamba, “Munilombie kesho.” Musa ukamzera, “Ndeikaie sa iji koni kwaghamba; eri mpate kumanya angu ndeuko mlungu ungi mzima sa BWANA Mlungu odu anduangi.


Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.


Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.


Rikumbukenyi maza ra kala, mmanye angu ne Mlungu ini, hata ndekuwadie ungi mzima; ini ne Mlungu, hata ndekuwadie ungi ufwanane nani.


“Kunifwananisha na kunikatanisha nani?” Waghamba BWANA, “Kwawuyanifwananisha nani diwone fwanana?


Idana, Mlungu kuchamfwananisha nani? Angu kwadima kughora wafwane wada?


Nani nichaghora kwa ngolo yapo yose, “Nani uko sa oho ee BWANA? Kwadamkira mnyonge na uo umchumbie ndighi, na uo usene kindo chingi, kwadamkira na uo umsokagha.”


“Na idana ee Mlungu odu, koko m'baa na wa kudima! Kwadakatisha ilaghano jako kwa wuloli. Kufuma wazuri wa Ashuru wazoya kudikoronga, hata idana, kwawona datiririlo saki! Wadijishire wasi isi, na wazuri wedu na wabaa wedu, na wakohani wedu, na walodi wedu weke aba wedu na wandu wedu wose datiririlo. Kumbuka seji ditiririlo!


Nerewonieghe kukaia wandu wakaia na wowa. Ngawuka na kuwizera vilongozi, na wabaa, na wandu wazima wose, “Msakewiobua wamaiza wedu. Kumbukenyi seji BWANA uko m'baa, oobosha, muwilue wanyinyu na wana wenyu wa womi, na wa waka, waka wenyu na mizi yenyu.”


Wamaiza wawo waichi kukaia milungu yawo cheni ndeiwadie ndighi; ndeiko na ndighi sa Mlungu wa Israeli.


Ngelo ihi nichareda saka kwako koni, kwa wadumiki wako, na wandu wako; kupate kumanya angu ndekuwadie ungi ndoenyi kose uko sa ini anduangi.


ela kodu isi Mlungu ni umweri, uja Aba, Muumbi wa vilambo vose; nesi kwa wundu ghwake, dadakaia moyo; na Bwana umweri Jesu Kristo, kwa chia yake uo, vilambo vose vereumbiloghe; na kwa chia yake uo, isi dakaia moyo wori.


Mlungu, wa Jakobo, ndedimagha kufwanananishwa naro, kwa kukaia nuo moni uumbie ivo vilambo vose, na Israeli ni mbari ya ifwa jake; irina jake ni BWANA wa majeshi.


BWANA ni m'baa, ufwane ukaso nandighi; wafwana kuobolwa kuchumba milungu yose.


Swiv nou:

Piblisite


Piblisite