JEREMIA 10:5 - Biblia Ilagho Jiboie Kwa Wandu Wose

⁵ Milimu yawo ni sa fwana returusa, riwikilo mbuwenyi ya marenge; nderidedagha na ni suti riduko kwa kukaia nderidimagha kughenda. Kusakeriobua, nderikubonyagha ilagho jingi jizamie hata nderibonyagha ilagho jingi icha anduangi.”

JEREMIA 10:5 Referans Kwoze

ISAYA 46:7

Waghuduka ugho mlungu maweghenyi kwawo, waghenda na kughukaisha kimusi andu kwaro; nagho ndeghudimagha kuinjika aho. Mndungi ukaghulilia, ndeghutumbuliagha; hata ndeghudimagha kumkira kufuma kwa wasi ghwake.

1 WAKORINTHO 12:2

Inyo mwamanya angu iji morekoghe mserumirie, morelaghashiroghe mkighenjwa chia nyingi kwa kutasa milimu isededagha.

1 WAKORINTHO 8:4

Wokoni na kuja vindo vifunyiro kizongona kwa milimu, isi damanya angu “Milimu si kilambo chingi,” na angu Mlungu ungi mzima ndeuko, ela umweri.

HABAKUKI 2:19

Ni bugha kwa uo mundu uzeragha kilambo cha mudi, “Wuka!” Na igho jisededagha, “Wuka kimusi!” Mlimu ghwadima kukufunukuya ilagho jingi? Ghooshingwa dhahabu na feza, ela ndeghuwadie miruke andenyi yake.

ISAYA 46:1

“Milungu ya Babuloni, Beli na Nebo, iyo erekoghe ikitaswa na kughoghomelwa yasia; yadukwa ni weke punda na ng'ombe, na kurilemeresha nyamandu rasilwa.

ISAYA 45:20

BWANA waghamba, “Kwanyikenyi munisoghodere kaavui, inyo masighariko gha iro mbari ra wandu; awo widukagha iyo milimu yawo ya midi, na kulomba milimu isedimagha kukira, ndewiwadie kumanya kungi.

1 WAZURI 18:26

Nao wikawada ija njau werenekeloghe, wikaiboisa; wikamlomba Baali hata dime ghadi wikighamba, “Ee Baali, kuditumbulie.” Ela ndekorekoghe na lwaka, hata mndungi nderetumbulieghe anduangi. Wikaramarama mbai mbai ya iyo madhabahu wereibonyereghe.

JEREMIA 10:14

Kula mundu uawoneka usewadie akili hata kumanya kungi, kula mchani dhahabu wafwa waya kwa wundu ghwa iyo milimu yake. Fwana rake ni rekalia, nderiwadie miruke andenyi yaro anduangi.

WUKUMBUSO 4:28

Mchatasa milungu ya midi na magho ibonyero ni wadamu; isewonagha, hata kusikira; isejagha hata isenukilwagha.

2 MALAGHO GHA NGELO 25:15

Kwa huwo BWANA ukazamilwa ni Amazia, ukamdumia mlodi ukamzera, “Kwaki kuitasagha milungu ya wandu iyo iseredimieghe kuwikira wandu wake weni kusewisime?”

ISAYA 16:12

Wandu wa Moabu wiakusirisha ndighi weni wikijoka mghondinyi kulomba, aja andu kwawo kotasira; nawo ndewichaatesekia anduangi.