JEREMIA 10:10 - Biblia Ilagho Jiboie Kwa Wandu Wose

¹⁰ Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

JEREMIA 10:10 Referans Kwoze

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ZABURI 76:7

Oho BWANA kwadaobolwa ni wandu wose; kukajokwa ni machu lee, nani udimagha kukaia kimusi imbiri kwako?

NAHUMU 1:6

Nani udimagha kukaia moyo ukajokwa ni machu? Nani udimagha kughirumaghia machu ghake ghibirie? Machu ghake ghadilwa sa modo, na magho ghabarika imbiri yake.

ZABURI 42:2

Nakaia na kau ya Mlungu, uo Mlungu uko moyo. Niendammbona Mlungu lii?

ZABURI 100:5

BWANA ni mucha; lukundo lwake lwadua kwa kala, na wuloli ghwake ghwadua vivalwa vose.

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.

ZABURI 31:5

Nakuwika mikonunyi kwako; oho kwanikombue ee BWANA, Mlungu wa loli.

ZABURI 10:16

BWANA ni mzuri kwa kala na kala, watasi milimu wichatota isangenyi kwake.

ZABURI 18:7

Niko ndoenyi kukatatarika na kunenganenga, misingi ya mighondi wori ikasughusika na kuzingizika; kwa kukaia BWANA orejokeloghe ni machu.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

WAEBRANIA 10:31

Ni ilagho jeobosha kughwa mikonunyi kwa Mlungu uko moyo.

1 TIMOTHEO 1:17

Idana kwa uo Mzuri wa ngelo rose, useidagha, usewonekagha, Mlungu uekeri, ndejikaie ishima na wubaa kwa kala na kala. Amen.

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

MABONYO GHA WADUMI 14:15

“Wele nga wandu, kwaki m'bonyagha huwu? Nechi isi de wadamu karakara na inyo; nesi daamredia Ilagho Jiboie, mpate kufuma na kurisigha iri maza ra duu, mumghalukie Mlungu uko moyo, uo oreumbieghe mlungunyi na ndoenyi, na bahari, na vose viko andenyi yaro.

MALAKI 3:2

Ela nani udimagha kurumaghia ituku ja kucha kwake? Nani udimagha kukaia moyo ngelo wawoneka? Kwa kukaia uchakaia sa sabuni ieleshagha, sa ghuja modo ghwa mchani vuma ghueleshagha vuma.

HABAKUKI 3:6

Ukakaia kimusi ndoe yadasughusika; ukazighana tu, mbari ra wandu radasughisika. Mighondi mibaa ya kokala ikasaghasika, na mighondi mitini ya kokala ikaneng'ena, iyo mighondi oreiselieghe kokala.

MIKA 1:4

Mighondi ichasagha aisi ya maghu ghake sa sungu yakabishirwa modo; ichasea cha vololonyi, seji machi ghiseagha andu kwa lughongo lwa kimusi.

ZABURI 146:6

uo uumbie mlungunyi na ndoenyi, bahari na vose viko andenyi yaro. Uo wadakatisha malaghiro ghake;

ZABURI 145:13

Wuzuri ghwako ni ghwa kala na kala, na nguma rako radua vivalwa hata vivalwa. BWANA ni mloli kwa malagho ghake ghose, nao ni mucha kwa mabonyo ghake ghose.

ZABURI 114:7

Sughusika imbiri ya BWANA ee ndoenyi, sughusika imbiri ya Mlungu wa Jakobo,

ZABURI 104:32

Wadazighana ndoenyi, nao kuasughusika; wadaadada mighondi, nao iafukia mosi!

ZABURI 97:4

Chuhehia rake raghulangalishira wurumwengu; ndoenyi kwawona na kusughusika.

ZABURI 93:2

Kifumbi chako cha nguma chamangishiro kufuma kala ee BWANA, oho ko wa kala na kala.

ZABURI 90:11

Nani uichi ndighi ra machu ghako? Nani umanyagha lubio lwako seji kuobolo?

ZABURI 84:2

Nakunde na ndighi kukaia aho! Neko na bea ekaia andu kukaiagha BWANA. Nicham'boria Mlungu uko moyo kwa kuboilwa kubaa.

ZABURI 77:18

Lukuwa lorekabieghe andenyi ya kikulughulu, chuhehia rako rikang'ala-ng'ala wurumwengunyi; ndoenyi kukanyavurika na kusughusika.

AYUBU 9:6

Mlungu wadaisughusa ndoe kufuma andu kwaro, na kuribonya nguro raro rinengenenge.

2 MALAGHO GHA NGELO 15:3

Kwa ngelo ndacha wandu wa Israeli werekoghe wiseko na Mlungu wa loli, wiseko na mkohani owifundisha, hata wiseko na sharia;

1 WAZURI 18:39

Nao iji wandu waghiwona agho, wikaghwa kiwushu-wushu wikaghamba, “BWANA nuo Mlungu; BWANA nuo Mlungu!”

1 SAMUELI 17:36

Mdumiki wako wabwaghie shimba na kibarabara wori; na uhu Mfilisti useshamishiro uchakaia sa imu ya iro nyamandu, kwa kukaia wawuyamenya majeshi gha Mlungu uko moyo.”

1 SAMUELI 17:26

Daudi ukawizera awo wandu werekwanyeghe, “Mundu ukam'bwagha u Mfilisti na kuinjira Israeli ughu waya ubonyerwa kii? U Mfilisti useshamishiro ni kilamboki hata udime kazaruma majeshi gha Mlungu uko moyo?”

WATANYI 5:4

“BWANA, iji oho korefumieghe Seiri, iji oho koreghendieghe kufuma isanga ja Edomu; ndoe ikasughusika, na mlungunyi kukanya, ee, mawingu ghikanya vua.

WUKUMBUSO 5:26

Ni mdamu uao usikire Mlungu uko moyo ukighora aghadi ya modo seji dasikira nao ukakaia moyo?

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

MATHAYO 26:63

Ela Jesu ukanyama kima. Mkohani M'baa ukamzera, “Nakughemesha kwa irina ja Mlungu uko moyo, kudighorie ngera oho nuo Kristo Mwana wa Mlungu.”

MATHAYO 16:16

Simoni Petro ukatumbulia, “Oho ko Kristo, Mwana wa Mlungu uko moyo.”

HABAKUKI 3:10

Iji mighondi erekuwonieghe ikaobua; vua ikanya kufuma mawingunyi; machi mengi ghikaghona ndoenyi nandonyi, na mivo-mivo yaro ikawuka nokoighu.

JOELI 2:11

BWANA wajifunyira momu ijeshi jake, najo ijeshi ja wandu wake wengi wiwadie ndighi jakatisha malaghiro ghake. Ituku ja BWANA ni ibaa jeobosha; nani udimagha kujirumaghia?

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

DANIELI 6:26

Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

DANIELI 4:3

Iro alama rake ni mbaa saki, na mashiniko ghake ghawadie ndighi saki! Wuzuri ghwake ni ghwa kala na kala, nao wadabonya nguma kivalwa hata kivalwa.

JEREMIA 23:36

Ela msigo ghwa BWANA ndemchaaghughora sena anduangi; angu kula ilagho ja mundu nijo jeni msigo ghwake; na inyo mwamerie kughinona malagho gha Mlungu uko moyo, uo BWANA wa majeshi, Mlungu odu.

ISAYA 37:17

Degha madu ghako ee BWANA, kusikire madedo ghose gha Senakeribu ghekusholia oho Mlungu kuko moyo; zighana kuwone ee BWANA seji wawuyabonya.

ISAYA 37:4

Kewada BWANA Mlungu wako wameria kusikira malagho ghaghorwa ni Rabshake agho wadumwa ni bwana wake mzuri wa Waashuru, ghemsholia Mlungu uko moyo; nao ughikemie agho malagho ghake. Kwa huwo, kumlombe Mlungu kwa wundu ghwa masighariko gha wandu wisigharikie.’”

ZABURI 68:11

BWANA orefunyireghe momu, na awo wereereshereghe malagho gharo, werekoghe wengi nandighi;

KUZOYA 21:33

Abrahamu ukawa mkwachu aho Beer-sheba, ukamtasa BWANA Mlungu wa kala na kala.

1 WAZURI 8:60

eri wandu wose wa ndoenyi wipate kumanya kukaia ndeuko Mlungu ungi mzima ela BWANA.

ZABURI 29:10

BWANA waghibonyere machi ghimilie nguma wasea kidombo kifumbinyi cha nguma ukikaia mzuri kwa kala na kala.

ZABURI 68:8

ndoe ikasughusika, mawingunyi kukanyesha vua kwa kucha kwake Mlungu wa Sinai, uo Mlungu wa Israeli.

ZABURI 90:2

Imbiri kuseumbie mighondi angu ndoenyi na wurumwengu, oho korekoghe; sena kuchadua kwa kala na kala.

ISAYA 40:15

Olenyi iro mbari ra wandu ni karakara na itanda ja machi jatonya andenyi ya ndoo, na wandu watalwa sa teri yakakadia sahani ya ratili; na visiwa ni sa teri mkonunyi kwake.

ISAYA 65:16

Eri uo mundu ose ukundagha irasimio isangenyi, ujipate kwa Mlungu wa loli, na uo ose ubonyagha ighemi isangenyi, ujibonye kwa Mlungu wa loli. Kwa kukaia wasi ghwa kala ghwameria kuliwika, na kusoweka putu imbiri kwapo.”

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

JEREMIA 4:24

Nerezighanireghe aighu ya mighondi ngawona yaawuyasughusika, na mighondi mitini yose yawuyaghenda noko imbiri na noko nyuma.

JEREMIA 50:46

Ndoenyi kuchasughusika ngelo esikira kuwadwa kwa Babuloni, na kililo charo chichasikirika kwa iro mbari ra wandu.”

JEREMIA 51:29

Isanga jaawuyasughusika na kuwawa kwa wasi, kwa kukaia mipango yapo ini BWANA aighu ya Babuloni ndeighalukie, nipate kujibonya ijo isanga jisigho iduu jisekailwagha ni wandu.

JOSHUA 3:10

Mchamanya kukaia Mlungu oko aghadi konyu, na angu ndechaalemwa ni kuwifunya Wakanaani, Wahiti, Wahivi, Waperizi, Wagirgashi, Waamori, na Wajebusi kwa chia ihi:

1 MALAGHO GHA NGELO 29:11

Oho koko m'baa na wa ndighi, wa wubaa kukumikie wa kiwuzuri.

ZABURI 9:8

Uchaghutanya wurumwengu kwa loli, na kuwibonyera wandu nguma kwa hachi.

ZABURI 74:12

Ela oho Mlungu, ko Mzuri wapo kufuma kala, kuredagha kukia ndoenyi.

ZABURI 76:8

Kwafunyire momu ghotanya kufuma mlungunyi, ndoenyi kukaobua na kunyama kima,

ZABURI 100:3

Manyenyi kukaia BWANA ni Mlungu, nuo orediumbieghe, nesi de wake; de wandu wake, na ng'ondi ra malisha ghake.

ISAYA 40:28

Wele ndekuichi, angu ndekusikire? Kukaia, BWANA ni Mlungu wa kala na kala, nuo Muumbi wa kutua kose kwa ndoenyi, ndesilwagha jingi hata ndedumbukagha, kumanya kwake ndekulawulwagha.

DANIELI 6:27

Wadakira na kuvuvua, wadabonya alama na mashiniko mlungunyi na ndoenyi. Wamkirie Danieli kufuma kwa ndighi ra shimba.”

NAHUMU 1:5

Mighondi yasughusika imbiri ya BWANA. Mighondi mitini yasagha imbiri yake. Ndoenyi kwasughusika imbiri yake; wurumwengu na vose viko andenyi yaro wori vasughusika.