JEREMIA 1:15 - Biblia Ilagho Jiboie Kwa Wandu Wose

¹⁵ Olenyi nichariwanga mbari ra mawuzuri gha kaskazinyi, nawo wichacha, na kula umu wawo uchawika kifumbi chake cha nguma aho andu kongiria kwa mbenge ya Jerusalemu, wikibonya wuda na kughumara wurigha ghwaro, wikilwa na mizi yose ya Juda.

JEREMIA 1:15 Referans Kwoze

JEREMIA 43:10

nao kuwizere kukaia ini BWANA wa majeshi uo Mlungu wa Israeli naghamba nichamdumiria mdumiki wapo Nebukadnezari uo mzuri wa Babuloni, nao uchawika kifumbi chake cha nguma aighu ya agha magho kwaghivisa, nao uchadunga hema yake ya kiwuzuri aighu yaro.

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

JEREMIA 4:16

Ghorienyi iro mbari ra wandu kukaia m'maiza waawuyacha; tangazirenyi Jerusalemu huwu, “Wamaiza wawuyacha kufuma isanga ja kula, nawo wiakema aighu ya mizi ya Juda;

JEREMIA 39:3

Jerusalemu iendawadwa, wabaa wose wa mzuri wa Babuloni wikacha na kusea kidombo andenyi ya Mbenge ya Ghadi na ghadi, chiaimweri na Nergali-shareza, Samgari-nebo, Sarsekimu na Nargali-shareza umu, na wabaa wazima wose wa mzuri wa Babuloni.

JEREMIA 10:25

Machu ghako ndeghikaie aighu ya iyo mbari ya wandu wisekuichi oho, na kwa awo wandu wisejiwangiagha irina jako; kwa kukaia wamerie kuwibwagha wandu wa Israeli, wawibwaghie na kuwimeria putu, hata isanga jawo jeesighwa iduu.

ISAYA 22:7

Vololo righokie ra Juda rachulwa ni magare, na wajoki farasi wakaia kimusi mbengenyi ya Jerusalemu.

KILILO CHA JEREMIA 5:11

Waka wedu wadidikilo aighu ya Mghondi ghwa Sioni ghoni; wai wedu wadidikilo andenyi ya mizi ya Juda.

JEREMIA 44:6

Kwa huwo nerejokeloghe ni machu ghapo na kubia kwapo aighu ya mizi ya Juda, na chienyi ra Jerusalemu, nayo ikasighwa miduu seji iwonekagha idime.

JEREMIA 34:22

Olenyi nichawilaghira, nani nichawiwunja kwa ughu muzi wipate kulwa nagho, wighusime, na kughukora. Nichaibonya mizi ya Juda iwuye miduu isene wandu.”

JEREMIA 33:10

BWANA waghamba huwu, “Mwawuyaghamba wei isanga iji jeesighwa iduu jisene mundu hata nyamandu; ela sena, andenyi ya ihi mizi cheni ya Juda na chia ra Jerusalemu, ireni riko nduu risewadie wandu hata nyamandu, luchasikirika sena

JEREMIA 25:28

“Wikalegha kunywa icho kikombe kufuma mkonunyi kwako kuwizere, BWANA wa majeshi waghamba huwu: ‘Suti mchinyo!

JEREMIA 10:22

Sikirenyi malagho ghacha! Ndoghoi ya wandu wichagha kufuma kaskazinyi, wipate kuibonya mizi ya Juda iwuye miduu, andu kokailwa ni mizozo.

JEREMIA 6:22

BWANA waghamba huwu, “Olenyi wandu wichacha kufuma isanga ja kaskazinyi, mbari mbaa yanyavurika kufuma isanga ja kula nandighi ja ndoenyi kubonya wuda.

JEREMIA 5:15

“Ola nawuyareda aighu yenyu inyo wandu wa Israeli, mbari ya wandu ifumagha kula. Ni mbari imange, mbari ya kala, kiteto chawo msechimanyagha, hata msedimagha kuelelwa ni agho wighoragha.

JEREMIA 4:6

Wusirenyi kiweto chekimbiria Jerusalemu, kimbirienyi wusalama msemuke; kwa kukaia naawuyareda wuwiwi kufuma kaskazinyi, kunoneka kubaa nandighi.

JEREMIA 13:20

Wusira meso ghako kuwone wamaiza wako wikicha kufuma kaskazinyi ee, Jerusalemu; awo wandu wako korenekeloghe weko hao, ee awo wandu wako korekukasireghe nawo?

JEREMIA 34:1

BWANA oreghorieghe nani ingelo Nebukadnezari mzuri wa Babuloni, chiaimweri na ijeshi jake, na mawuzuri ghose gha ndoenyi ghiko aisi yake werekoghe wikilwa na Jerusalemu na mizi yake yose.

JEREMIA 46:24

Wandu wa Misri wichafushwa waya, wichangirwa mikonunyi kwa wandu wifumagha noko cha kaskazinyi.”

EZEKIELI 32:30

“Wabaa wa kaskazinyi wose putu weko aho, na Wasidoni awo weresereloghe aho kwa waya, chiaimweri na awo werebwaghiloghe, angu werewikumbieghe wandu wowa kwa wundu ghwa kudima kwawo; nawo walala wisemwichi Mlungu chiaimweri na awo werebwaghiloghe wudenyi. Waserwa kwa waya chiaimweri na awo wiseagha andenyi ya icho Kina.

JOELI 2:20

Nichajiinja ijeshi ja zighe rifumie kaskazinyi, nani nichawinga rimu cha kireti. Ifungu ja imbiri jichangia Bahari ya Chumbi, na ifungu ja nyuma jichangia Bahari ya Mediterania. Gharia raro richanuka. Nichawitotesha kwa wundu ghwa agho ghose wim'bonyere.

ZEKARIA 6:6

Igare jerekokotwagha ni farasi ra chilu, jadaghenda cha isanga ja kaskazinyi aho Babuloni; ijo ja farasi ra chokwa jadaghenda cha isanga ja magharibi, na ijo ja farasi ra maboli gha fusi fusi jadaghenda cha isanga ja kusinyi.