JAKOBO 5:6 - Biblia Ilagho Jiboie Kwa Wandu Wose

⁶ Mwatanya na kum'bwagha mundu wa hachi, nao ndetangalanagha nenyo anduangi.

JAKOBO 5:6 Referans Kwoze

JAKOBO 4:2

Mwabonya bea, ela ndemuwiepata kindo chingi; kwa wundu ugho mwabwagha. Mwabonya iriso, ela ndempatagha; kwa wundu ugho, mwalwa na kubonya wuda. Ndemuvine kwa kukaia ndemlombagha.

MABONYO GHA WADUMI 8:32

Na maandiko orekoghe ukighishoma ni agha: “Orekoghe sa ng'ondi ighenjwagha kubwaghwa, na sa mwana wa ng'ondi ukaiagha kima imbiri ya uo umdumbuagha mafuri ni huwo koni ndereghorieghe ilagho jingi anduangi.

MATHAYO 5:39

Ela ini namzera, kusakemlipia uo mundu ukukoseragha. Mundu ukakukaba na lui idumbu jako ja kiwomi, kumghalusire ijo ja kawi wori.

ISAYA 53:7

“Orekorongeloghe na kutirirwa, ela ndereghorieghe ilagho jingi; Orenyameghe kima kara kara na mwana wa ng'ondi ughenjwagha kichinjonyi, ee, seji ng'ondi ikaiagha kima imbiri ya uo mundu uidumbuagha mafuri; nderetumbulieghe ilagho jingi anduangi.

WAEBRANIA 10:38

Ela mhachi wapo, uchadua moyo kwa irumirio; nao ngera wawuya nyuma, ngolo yapo ndeichaaboilwanya nao anduangi.

MABONYO GHA WADUMI 22:14

Nao ukaghamba, ‘Mlungu wa weke aba wakusaghue kumanye lukundo lwake, kummbone uja Mhachi, na kusikira lwaka kufuma momunyi kwake;

JAKOBO 2:6

Ela inyo mwamsowia ishima uo mkiwa. Welee, awandu weni wiko na mali siwo weni wawuyamkoronga, wikimmbwada na kumghenja kotinyi?

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.

MATHAYO 27:20

Wakohani wabaa na waghosi werewishingirieghe wandu wimlombe Baraba, na Jesu utotesho.

MATHAYO 21:38

Ela iji awo walimi wammbona uja mwana, wikaghamba weni na weni, ‘Uhu ni mundu wa ifwa. Nndokonyi dim'bwaghe ifwa jipate kuwuya jedu.’

ISAYA 5:23

awo wimlekeriagha mmbiwi angu wawituwa, na kumuima mloli hachi yake.

1 PETRO 4:18

Na sena seji iandikilo, “Ikakaia mundu wa hachi uakia kwa wasi, uo mundu usemuobuagha Mlungu na mkaung'a wichawoneka hao?”