JAKOBO 4:9 - Biblia Ilagho Jiboie Kwa Wandu Wose

⁹ Mkuwone moko wasinyi mlile na kukema mchungu. Seko renyu righaluso kukema mchungu, na kuboilwa konyu kuwue kuwawa.

JAKOBO 4:9 Referans Kwoze

MATHAYO 5:4

Warasimilwa awo wiko na wasi, angu awo wichahoreshwa.

MAKATANISHO 14:13

Ngolo yadima kukaia na luwawo mundu ukiseka, na kuboilwa kukasia wasi ghuandelia.

LUKA 6:25

Ni bugha konyu inyo mghudagha idana, angu mchasikira njala. Ni bugha konyu inyo msekagha idana, angu mchakaia na wasi na kulila.

ZABURI 119:67

Imbiri kuseninekie ikabo, nerekoghe ngighenda kisha; ela idana najiwadia ilagho jako.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

EZEKIELI 7:16

Na wandu wangi wisigharikagha na kufufunuka, wichakaia aighu mighondinyi sa mbughi ra vololonyi, wikikulilia weni kwa wundu ghwa makosa ghawo.

LUKA 16:25

“Ela Abrahamu ukamtumbulia, ‘Mwanwapo, kumbuka seji korekoghe kukikaia ndoenyi; korepatireghe maza rako ndicha, na Lazaro wokoni orepatireghe rizamie, nao idana uo aha wahoreshwa na oho kuatirirwa.

AYUBU 30:31

Zeze yapo eewuya elila ifwa, na msherembe ghwapo ghwaawuyatumilwa ni awo wililagha.

LUKA 6:21

Mwarasimilwa inyo muko na njala idana, angu mchaghudishwa. Mwarasimilwa inyo mlilagha idana, angu mchaseka.

KILILO CHA JEREMIA 5:15

Ngolo redu reesirilwa ni kuboilwa; kuvina kodu kooghaluswa kukaia wasi.

JEREMIA 31:13

Niko aho wai wichavina kwa kuboilwa, wandu wa irika na waghosi wichaboilwa, nichawihoresha na kughamba kulila kwawo kuwuya kuboilwa na wasi ghwawo ghuwuye maseko.

JEREMIA 31:9

Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

MCHILI 2:2

Ngawona kukaia kuseka ni wukelu, na maboilo ndeghiredagha wucha ghungi.

ZABURI 119:71

Ni nicha kwapo angu koreninekieghe ikabo, nipate kukufundisha sharia rako.

ZABURI 119:136

Niadikwa ni mbori sa machi, angu wandu wisewadiagha sharia yako.

NEHEMIA 8:9

Nao iji wandu wasikira malagho gha Sharia, wikawoka kulila. Ela Nehemia uo orekoghe m'baa wa isanga, na Ezra mkohani na mwalimu wa sharia, na Walawi awo werekoghe wikifasiri sharia, wikawizera wandu wose, “Idime ni ituku jielie kwa BWANA Mlungu onyu, msekaie na wasi hata kulila.

MATHAYO 21:41

Wikamtumbulia, “Uchawitirira na kuwibwagha; na mbuwa ya mizabibu uchaipangisha wazima, awo wichaadima kumpatira makuwido gha zabibu kwa kimu charo.”