JAKOBO 4:17 - Biblia Ilagho Jiboie Kwa Wandu Wose

¹⁷ Mundu umanyagha kubonya hachi, nao ndeibonyagha, kwake uo ni kaung'a.

JAKOBO 4:17 Referans Kwoze

JOHANE 9:41

Jesu ukawizera, “Ngera modeeka vitungure, kumangu ndemsikiragha kutanywa kungi; ela idana angu mwaghamba, ‘Dawuyawona,’ huwo muadua na kutanywa konyu.”

JOHANE 13:17

Ngera mwaghimanya agha, mwarasimilwa mkaghibonya.

JOHANE 15:22

Ngera serechieghe na kughora nawo, kumangu ndewiwadie kaung'a; ela idana ndewiwadie jekudederia kwa wundu ghwa kaung'a yawo.

2 PETRO 2:21

Angu ekaiagha nicha kumangu wisereimanyireghe iyo chia ya hachi jingi, kuchumba kuimanya ima wiwue nyuma, na kughusigha ghuja momu ghuelie ugho werenekeloghe.

WAROMA 1:32

Hata ngera waichi wori Mlungu walaghirie kukaia awo wibonyagha maza iro yawifwana kufwa, ndewiwuyeribonya tu, ela warumiriana na awo wiribonyagha wori.

WAROMA 7:13

Welee, icho chiboie nicho chiwurie chikaniredia kifwa sena? Hata kutini. Ela ni kaung'a ibonyere huwo; ikaniredia kifwa kwa kutumia icho chiko chiboie, eri ipate kuwoneka seji iko kaung'a loli. Niko huwu kwa chia ya ugho momu, kaung'a yawonyerwa seji iko izamie nandighi loli-loli.