JAKOBO 2:6 - Biblia Ilagho Jiboie Kwa Wandu Wose

⁶ Ela inyo mwamsowia ishima uo mkiwa. Welee, awandu weni wiko na mali siwo weni wawuyamkoronga, wikimmbwada na kumghenja kotinyi?

JAKOBO 2:6 Referans Kwoze

MAKATANISHO 17:5

Mundu umsekagha mkiwa, wadamdukana Muumbi wake; uhu uboilwagha ni mundu wapatwa ni ndengwa, ndechaakaia usepatire ikabo.

1 WAKORINTHO 11:22

Ahuwo ndemmbwadie nyumba rejia na kunywa? Angu mwaawuyajimenya ikanisa ja Mlungu, na kuwifusha waya awo wisewadie kindo chingi? Da nimzera wada? Nimkase kwa wundu ghwa agho? Hata! Sidimagha.

MAKATANISHO 14:31

Mundu umkorongagha mkiwa, uamdukana Muumbi wake, ela uhu ummboniagha wughoma, wadam'bonyera Mlungu ishima.

ZABURI 14:6

Inyo wawiwi, mwadainona mipango ya mkiwa; ela BWANA wadamlindia.

JAKOBO 5:4

Olenyi mafungu gha wadumiki wimlimie mbuwa, nenyo mwaghilegherie kwa mikalo, ghaawuyakema; na kililo cha awo wikuwidire, chasikirika kwa Bwana wa majeshi.

JAKOBO 2:3

Ngera mwamneka ishima uja mundu urwae nicha, nao mumzere, “Seria aha tafadhali;” na uja mkiwa mumzere, “Kaia kimusi aja;” angu “Seria andonyi aha maghunyi kwapo.”

MABONYO GHA WADUMI 17:6

Hata iji wawisowa, wikamkurudua Jasoni andwamweri na wanidu wamu, na kuwireda kwa wabaa wa muzi wikikema na kughamba kwa lwaka lubaa, “Awandu wighughalusire wurumwengu, hawa wacha aha;

MABONYO GHA WADUMI 13:50

Ela Wayahudi wikawikumba sheshe waka wa mbari zima wa ishima, wimuobuagha Mlungu, na womi werekoghe vilongozi va muzi. Wikazoya kuwitirira Paulo na Barnaba, na kuwiwinga isangenyi kwawo.

MABONYO GHA WADUMI 8:3

Ela Sauli ukatima kujinona Ikanisa na ndighi; nao ukingia nyumba kwa nyumba, ukawikurudua womi na waka na kuwingira jela.

ZEKARIA 7:10

Msewikoronge waka wakiwa, wana wakiwa, waghenyi wiko aghadi konyu, angu mndungi usowagha. Msekaie na njama em'bonyera mndungi kiwiwi chingi.’

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

MCHILI 5:8

Kukawona wakiwa wikikorongwa isangenyi, na kusowelwa hachi, kuseshinike. M'baa wadazighanwa ni m'baa umu, sena oko m'baa umu aighu yake.

MAKATANISHO 22:16

Mundu umkorongagha mkiwa eri upate kufugha, angu kuneka wazuri wa mali manosi, uchawuya mkiwa.

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 10:14

Ela oho kwawuyawona ee Mlungu, kwawuyazighana wasi na kusumbuka kwawo; koko tayari kutesia. Mkiwa wadakuwika kwako, na oho kwadawitesia wana wakiwa.

JAKOBO 5:6

Mwatanya na kum'bwagha mundu wa hachi, nao ndetangalanagha nenyo anduangi.

MABONYO GHA WADUMI 18:12

Ela iji Galio orekoghe m'baa wa Akaya, Wayahudi werewukieghe kwa ngolo imweri, wikammbwada Paulo na kumghenja kotinyi

HABAKUKI 3:14

Kukamlasa kilongozi wa ijeshi jake na iwanu jako, ijo jeredichieghe sa kikulughulu kudisaghisa, jikiboilwa sa wandu wimkorongagha mkiwa kivisonyi.

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

ZABURI 10:10

Wawighusha wakiwa na kuwifasha kwa ndighi rake.

ZABURI 10:8

Wadawilaliria wandu a mizinyi, na kuwibwagha wandu wisene ikosa a kivisonyi. Wapeleleza wakiwa akivisonyi,

ZABURI 10:2

Wawiwi wawiwinga wakiwa na ndighi kwa lukaso lwawo; kuwibonye wiwado ni midegho yawo icheni wiideghie.

AYUBU 20:19

Kwa kukaia wawikorongie wakiwa kwa kuleghawitala; ukawusa nyumba usereriaghieghe.

JOHANE 8:49

Jesu ukawitumbulia, “Ini siwadie pepo ingi, ela nam'bonyera ishima Aba, nenyo muaninonia ishima.

MAKATANISHO 18:23

Mkiwa wadalomba kwa kuvoya, ela mzuri wa mali wadatumbulia kwa kubia.

MAKATANISHO 22:7

Wazuri wa mali wadawibonyera nguma wakiwa; mkopi ni mzumba wa mkopeshi.