JAKOBO 2:14 - Biblia Ilagho Jiboie Kwa Wandu Wose

¹⁴ Wele wanidu, ni fwaidaki mundu kughora wei oko na irumirio, mabonyo ghiseko? Ijo irumirio jake jadima kumkira?

JAKOBO 2:14 Referans Kwoze

LUKA 6:49

Ela uo usikiragha malagho ghapo, nao ndebonyagha anduangi, wafwanana na mundu oreaghieghe nyumba yake andoenyi, kuseko na msingi ghungi; na ghuja moda ghukasalama na kuikaba ija nyumba, ikaghwa andonyi; na kunoneka kwaro, kukakaia kubaa.”

TITO 1:16

Waghamba wei wamwichi Mlungu, ela waawuyamkana kwa mabonyo ghawo; ni wandu wizamie, wileghagha, wisefwanagha kwa kazi ingi ndicha.

2 PETRO 1:5

Kwa wundu ughu ghoni, fungenyi ndighi kuchuria wucha aighu ya irumirio jenyu; na aighu ya wucha, mchurie kumanya;

JAKOBO 2:26

Angu sa iji koni mumbi ghusewadie roho ghwafue, ni huwo koni na irumirio jisene mabonyo, jeeka jifue.

WAEBRANIA 11:17

Kwa irumirio, Abrahamu uendatimwa ni Mlungu, oremfunyireghe Isaaka ukaie kizongona; hata ngera orekoghe wapata agho malaghiro, ela ukakaia tayari kumfunya mwana wake wa ititi;

WAEBRANIA 13:9

Msakelaghashwa ni mafundisho mazima mazima gha kighenyi; angu ni nicha iyo ngolo imangisho kwa mvono ghwa Mlungu, hata si kwa vindo anduangi; ivo visemnekagha fwaida ingi uo mundu unughanagha navo.

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

JAKOBO 2:18

Ela mndumu wadima kughamba, “Oho kwawadie irumirio, nani moni neko na mabonyo.” Niwonyere irumirio jako kuseko na mabonyo, nani nikuwonyere irumirio japo kwa mabonyo ghapo.

MABONYO GHA WADUMI 8:21

Ndekuwadie ifungu hata hachi ingi andenyi ya ilagho iji; angu ngolo yako ndeiko nicha imbiri ya Mlungu anduangi.

MATHAYO 5:20

Nani namzera, ngera hachi yenyu isechumbagha iyo ya walimu wa Sharia na Mafarisayo, ndemchaadima jingi kungia kwa Wuzuri ghwa Mlungu anduangi.

TITO 3:8

Ilagho iji ni ja loli. Nakunde malagho agho kughighore kwa ndighi, eri awo wimerie kurumiria kwa Mlungu wikufunye kwa kubonya kazi ndicha; naro raboie na kukaia na fwaida kwa wandu.

1 TIMOTHEO 1:5

Na malaghiro ghedu isi ni kukunda wikaie na lukundo ulo lufumagha kwa ngolo ielie, na nia iboie, na irumirio ja loli.

1 WATHESALONIKE 1:3

Nesi dawuyaikumbuka imbiri ya Mlungu Aba odu, iyo kazi yenyu ya irumirio, na kufunga ndighi konyu kwa lukundo, na kumanga kwa isuwirio andenyi ya Bwana odu Jesu Kristo.

WAGALATIA 5:13

Angu inyo wanidu morewangiloghe mkaie huru, manyenyi mseghutumie wuhuru ghonyu kwa maza ra mumbi; ela mdumikiane mmbeni na mmbeni kwa lukundo.

1 WAKORINTHO 15:2

najo jawuyamkira, ikakaia mwawuyajiwadia wokoni huwo seji neremchilieghe; isaakaia ngera modejiwusa ighu-ighu.

MABONYO GHA WADUMI 15:9

Hata nderewonyereghe wuchumbano ghungi aghadi ya awo na isi, ela orerieleshereghe ngolo rawo kwa irumirio.

JAKOBO 2:16

na umu onyu uwizere, “Mwende mana, muode modo mghude,” nao ndewinekie ivo vindo viwifwanagha kwa wundu ghwa mumbi, ni fwaidaki?

1 TIMOTHEO 4:8

kwa kukaia, kukuzaisira kwa mumbi kwafwana kutini, ela kuobua kwa Mlungu kwafwana kwa kula chia; angu koko na ilaghiro kwa wundu ghwa irangi iji; na kwa jija jichagha wori.

MABONYO GHA WADUMI 8:13

Hata Simoni wori ukarumiria, nao umeria kubaputizwa ukaduanya na Filipo. Nao ukiwona weke mwakilimbiti wabaa na alama rerebonyeroghe, ukashinika.

JEREMIA 7:8

“Wonenyi seji mrumirie malagho gha tee ghisefwanagha.

1 WAKORINTHO 16:22

Mndungi ukakaia usemkunde Bwana, ndewado ni njowe. Marana tha Choo Bwana odu.

WAROMA 2:25

Kushamishwa kwafwane too iji kwaikatisha Sharia; ela iji kwainona Sharia, kushamishwa kwako ndekufwanagha anduangi.

LUKA 3:11

Ukawitumbulia, “Uo uko na makoti awi, ndemmbaghie uo usewadie jingi, na uo uko na vindo ndebonye wokoni.”

JAKOBO 1:16

Msakekalilwa wanidu nimkunde.