JAKOBO 1:5 - Biblia Ilagho Jiboie Kwa Wandu Wose

⁵ Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

JAKOBO 1:5 Referans Kwoze

JOHANE 15:7

Mkakaia andenyi kwapo, na malagho ghapo ghikakaia andenyi konyu, mchalomba icho chose mkundagha nenyo mchanekwa.

2 MALAGHO GHA NGELO 1:10

Idana nineke hikima na kumanya eri nidime kuwibonyera nguma; kwa kukaia nani udimagha kuwibonyera nguma awandu wako wiko wengi huwu?”

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

JOHANE 14:13

Icho chose mchaalomba kwa irina japo, nicham'bonyera; Aba upate kukaswa andenyi ya Mwana.

1 JOHANE 3:22

Nesi dikalomba kilambo icho chose diapata kufuma kwake; angu dawuyaiwadia memu yake, na kubonya seji ukunde.

KUFUMA 31:3

nani namchura Roho wa Mlungu, wuya, na kumanya, na wufundi ghwa vilambo va mbari rose;

JAKOBO 5:16

Kwa huwo rumirianenyi kaung'a renyu mmbeni na mmbeni, na kulombiana; mlombiane, mpate kuboiswa. Malombi gha mundu wa hachi ghabonyagha kazi kwa ndighi nyingi.

KUFUMA 31:6

Sena namsaghua Oholiabu mwana wa Ahisamaki, kufuma kwa mbari ya Dani, upate kubonya kazi andwamweri nao. Wandu wose wiko na wuya na akili, nawineka kudima; wipate kubonya vilambo vose nerekulaghirieghe.

JOHANE 4:10

Jesu ukamtumbulia, “Na ngera kodemanya inosi ja Mlungu, na nani uhu ukuzeragha, ‘Nineke machi ninyo,’ kumangu kwamlomba uo ukakuneka machi ghiko moyo.”

1 MALAGHO GHA NGELO 22:12

BWANA ndekuneke suku na kutambukilwa, eri ingelo wakuwika aighu ya Wasraeli, kupate kuwibonyera nguma kwa Sharia ya BWANA Mlungu wako.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

MATHAYO 11:20

Niko Jesu ukazoya kuirasha ija mizi weke mwakilimbiti wengi wibonyero kwawo, angu wandu waro wereleghieghe kuhea.

2 WAKORINTHO 2:16

Kwa wamu ni marumba mecha kufuma kifwa kuchivikia kifwa, na kwa wazima ni marumba mecha kufuma irangi kujivikia irangi. Elaima nani udimagha maza iri?

MARKO 16:14

Kutua, Jesu ukawifutukia waja ikumi na umweri wiko kidombo vindonyi, ukawirasha kwa kulegha kurumiria kwawo na kwa kukua kwa ngolo rawo, angu wiserewirumirieghe waja weremmbonieghe nyuma ya kuruka kwake anduangi.

ZABURI 51:6

Oho kwadakunda loli ya kondenyi; kunifundishe hikima ya ngolonyi.

MAKATANISHO 8:17

Nadawikunda awo winikundagha, na awo winilolagha kwa kufunga ndighi wichaniwona.