JAKOBO 1:3 - Biblia Ilagho Jiboie Kwa Wandu Wose

³ angu mwamanya kutimwa kwa irumirio jenyu kuareda kumanga.

JAKOBO 1:3 Referans Kwoze

WAEBRANIA 10:36

Angu yakundikie mrumaghie, eri mpate kulubonya lukundo lwa Mlungu, na kupata icho mlaghirilo.

WAKOLOSAI 1:11

Mfungisho ndighi kwa kudima kose, karakara nandighi rake ra wubaa, eri mpate kurumaghia kose na wumboa mkiboilwa.

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

WAROMA 15:4

Angu ijo jose jereandikiloghe kala, jedeandikwa jikaie mafundisho kodu; dipate kukaia na isuwirio kwa chia ya kurumaghia na kukumbwa ngolo ni agho Maandiko.

2 PETRO 1:6

na aighu ya kumanya, mchurie kukumazira; na aighu ya kukumazira, mchurie kumanga; na aighu ya kumanga, mchurie kuobua kwa Mlungu;

WAROMA 8:25

Ela ngera dasuwiria icho disewuechiwona, dachiweseria kwa kurumaghia.

WAEBRANIA 12:1

Kwa huwo na isi wori, kwa kukaia damarwa ni iwingu ibaa ja washahidi jing'ane huwu, ndediinje kula kighirio, na iyo kaung'a idikakadiagha na ndighi; dikimbie kwa kurumaghia, kwa kuja kuisana kuwikilo imbiri kodu

2 WATHESALONIKE 3:5

Uo Bwana nderighenje ngolo renyu ritambukilo ni lukundo lwa Mlungu, na uko kumanya kwa Kristo.

2 WATHESALONIKE 1:4

Kwa huwu, dawuyakukasa nenyo andenyi ya makanisa gha Mlungu kwa wundu ghwa kumanga konyu, na irumirio muko najo aghadi ya kutirirwa konyu kose, na wasi mwawuyaghurumaghia.

WAROMA 2:7

Awo wawuyabonya mecha kwa kurumaghia, wikilola wubaa na ishima, na kudua kwa kala, uchawineka irangi ja kala na kala.

LUKA 21:19

Kwa kurumaghia konyu, mchakira marangi ghenyu.

WAEBRANIA 6:12

Msekaie waghadi, ela mkufwananishe na awo wichaajipata ifwa ijo ilaghiro, kwa chia ya irumirio na irumaghio.