JAKOBO 1:22 - Biblia Ilagho Jiboie Kwa Wandu Wose

²² Ela mkaie wabonyi wa ijo ilagho, msakekaia wasikiri waduu mkikukalia mmbeni.

JAKOBO 1:22 Referans Kwoze

WAROMA 2:13

Angu si awa wiisikiragha Sharia wiko na hachi imbiri ya Mlungu anduangi, ela ni awa wikatishagha Sharia niwo wichaatalwa kukaia na hachi.

JOHANE 13:17

Ngera mwaghimanya agha, mwarasimilwa mkaghibonya.

JAKOBO 4:17

Mundu umanyagha kubonya hachi, nao ndeibonyagha, kwake uo ni kaung'a.

1 JOHANE 2:3

Huwu niko didimagha kukaia na wuloli kukaia damwichi Mlungu, iji daiwadia memu yake.

LUKA 11:28

Ela uo ukaghamba, “Ela warasimilwa kuchumba awa wijisikiragha ilagho ja Mlungu na kujiwadia.”

MATHAYO 12:50

Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”

WAKOLOSAI 3:17

Nenyo mkakabonya ilagho ijo jose, kwa madedo angu kwa mabonyo, bonyenyi kula ilagho kwa irina ja Bwana Jesu, mkimfunyira Mlungu Aba chawucha kwa uo.

WUFUNUO 22:7

Nani ola niacha kafwani. Warasimilwa u mundu ughiwadiagha malagho gha wulodi ghwa chuo ichi.”

1 JOHANE 3:7

Wanake watini, mndungi usakemkalia; uo ubonyagha hachi, ni mhachi seji koni Kristo uko mhachi.

JAKOBO 1:26

Ngera mndungi wakuwona moni kukaia wa dini, nao ndelumaziriagha lumi lwake, dini yake ni ya duu; nao waawuyakukalia moni.

WAGALATIA 6:7

Msekalikie, Mlungu ndesekwagha; angu icho chose mundu uchiwagha, nicho cheni uchaachikuwida wori.

3 JOHANE 1:11

Mkundwa, kusesunge wuwiwi, ela kusunge wucha. Uo ubonyagha nicha ni wa Mlungu; uo ubonyagha kiwiwi, ndemmbonie Mlungu anduangi.

WAGALATIA 6:3

Angu mndungi ukaghesha wei oko kindo chimu, nao useko kindo chingi, uakukalia moni.

1 WAKORINTHO 6:9

Huwu ndemmanyire angu wawiwi ndewichaapata ifwa ja wuzuri ghwa Mlungu? Msakekalilwa; walaki, watasi milimu, wandu wiselagha na waka wa wandu, womi wikubonyagha weni sa waka, na womi wikanyagha na womi sa waka,

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

1 JOHANE 1:8

Dikaghamba wei ndediwadie kaung'a ingi, diakukalia diweni, na iyo loli ndeiko andenyi kodu anduangi.

WAFILIPI 4:8

Kutua wanidu, maza iro rose riko ra loli, iro rose riko ra ishima, iro rose riko ra hachi, iro rose rielie, iro rose riboie; ikakaia riko ringi ra sare ndicha, ikakaia ghuko wucha ghungi, ikakaia chiko kilambo chingi chifwanagha kukaswa; ririkanyenyi aighu ya maza iro.

1 WAKORINTHO 15:33

Msakekalilwa, “Wungara ghwa madedo ghizamie ghwadanona tabia ndicha.”

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

2 PETRO 2:13

na kupata matiriro kwa wundu ghwa mabonyo ghawo ghizamie. Wadaboilwa ni kubonya karamu ra lwafuo nadime. Wachua maboli na makosa, nawo wareda maza ra waya iji warangana nenyo karamunyi konyu.

TITO 3:3

Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.

OBADIA 1:3

Lukaso lwako lookukalia, Muzi ghwako m'baa ghooka na ngome riaghilo na magho ghikurie; nyumba yako eeka aighu mghondinyi; niko kwawuyaghamba, ‘Nani udimagha kunighusha andonyi?’

ISAYA 44:20

Kubonya huwo ni sa kuja ivu tu, walaghashwa ni maghesho gha wukelu; hata ndedimagha kukukira moni, angu kughamba, “Ado ughu mlimu nawuyawadia na mkonu ghwapo ghwa kiwomi wei ni mlungu si tee.”

1 WAKORINTHO 3:18

Mndungi usakekukalia moni. Ngera mndungi aghadi konyu waghesha wei oko na hikima ya ngelo iri, ndewuye mkelu, eri upate kukaia na hikima.

2 TIMOTHEO 3:13

ingelo wawiwi na wandu wa kisha wichaachuria kubonya mawiwi kuchumba; wikikalia wandu nawo weni wikikalilwa.

JEREMIA 11:6

Nao BWANA ukanizera, “Ghora agha malagho ghose mizinyi ya Juda, na chienyi ra Jerusalemu kughambe; Sikirenyi malagho gha iji ilaghano, mughibonye.

JAKOBO 4:11

Msakedediana kiwiwi mmbeni na mmbeni wanidu. Uo umzughunukiagha mruna angu kumtanya waaghora kiwiwi aighu ya Sharia, na kuitanya Sharia. Na kukaitanya Sharia, ndekuwueisikira; ela kwaawuya mtanyi waro.