JAKOBO 1:12 - Biblia Ilagho Jiboie Kwa Wandu Wose

¹² Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

JAKOBO 1:12 Referans Kwoze

1 PETRO 5:10

Nenyo, nyuma ya kutirirwa kwa ngelo ndini, uo Mlungu wa mvono ghose, ummbangie kwa wubaa ghwake ghwa kala na kala andenyi ya Kristo, uchamkatisha moni, na kummangisha, na kumneka ndighi.

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

JAKOBO 5:11

Ola isi dadawiwanga warasimilwa; kwa kukaia ni wandu werekoghe na irumaghio. Mwasikire malagho gha irumaghio ja Ayubu, nenyo mwawonie kutua kwa mpango ghwa Bwana aighu yake, na seji Bwana uko wa ishima na wughoma.

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

1 WAKORINTHO 9:25

Kula mundu ose wa misarigho wadakuzaisira kukumazira moni kwa maza rose. Wabonya huwo, eri wipate kirumbu chiseduagha; ela isi ni kupata kirumbu chiduagha.

1 PETRO 3:14

Ela hata ngera mwatirirwa kwa wundu ghwa hachi, mcharasimilwa. Msakewiobua, hata msakejawasi;

2 TIMOTHEO 4:8

Na idana nawikilwa kirumbu cha hachi, icho nichaanekwa ni Bwana uo Mtanyi wa hachi jija Ituku; hata si ini moni niekeri anduangi, ela uchawineka awo wose wikundagha kuja kuwoneka kwake.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.

1 WAKORINTHO 2:9

Ela sa iji koni iandikilo, “Maza mndungi usereriwonieghe na kurisikira hata kurighesha jingi, niro reni Mlungu uwiboisire awo wimkundagha.”

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

MAKATANISHO 17:3

Feza na dhahabu radatimwa kwa modo; ngolo radatimwa ni BWANA.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.

1 PETRO 4:13

Ela boilonyi kwa kukaia mwakaia wangara wa matiriro gha Kristo; eri mpate kuboilwa na kuzuma ngelo ya kufunukulwa kwa wubaa ghwake.

1 WAKORINTHO 8:3

Ela uo mundu umkunde Mlungu, wamanyikie kwake.

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.

WUKUMBUSO 13:3

msemsikire. BWANA Mlungu onyu waawuyamtumia kumtima eri upate kumanya ngera mwamkunde BWANA Mlungu onyu kwa ngolo renyu rose, na kwa roho renyu rose.

WAEBRANIA 10:32

Ela kumbukenyi matuku gha kala; ngelo io, muendanekwa mwengere, morerumaghieghe kusimana kubaa kwa wasi mungi.

ZABURI 119:71

Ni nicha kwapo angu koreninekieghe ikabo, nipate kukufundisha sharia rako.

WUKUMBUSO 7:9

Kwa huwo manyenyi kukaia BWANA Mlungu onyu, ni Mlungu; nao ni mloli umaziriagha ilaghano na kukaia na lukundo lukatie kwa awo wimkundagha na kuiwadia memu yake hata vivalwa elfu;

WAEBRANIA 6:15

Na huwo, nyuma ya Abrahamu kurumaghia kwa wumboa, orejipatireghe ijo ilaghiro.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

ZABURI 119:67

Imbiri kuseninekie ikabo, nerekoghe ngighenda kisha; ela idana najiwadia ilagho jako.

NEHEMIA 1:5

“Ee BWANA Mlungu wa mlungunyi, oho koko m'baa, nesi dadakuobua na ndighi. Kwadajimangisha ilaghano jako kwa awo wikundagha na kuiwadia memu yako.

WAEBRANIA 11:17

Kwa irumirio, Abrahamu uendatimwa ni Mlungu, oremfunyireghe Isaaka ukaie kizongona; hata ngera orekoghe wapata agho malaghiro, ela ukakaia tayari kumfunya mwana wake wa ititi;

ZABURI 119:75

Namanya ee BWANA kukaia kutanya kwako ni kwa hachi, na angu kwaninekie ikabo kwa hachi.

1 JOHANE 4:19

Deko na lukundo, angu Mlungu orezoeghe ukadikunda.

ISAYA 64:4

Kufuma kon kala uko ndekuwadie mndungi usikire, angu kuwona Mlungu ungi mzima sa oho uwibonyeragha maza awo wimsuwiriagha.

ZABURI 5:11

Ela wose wikukimbiriagha, ndewiboilo; ndewibore kwa kuboilwa matuku ghose. Na oho kuwidederia, Kuwilindie, eri awo wikukundagha; wipate kuboilwa andenyi kwako.

KUFUMA 20:6

ela nawibonyera lukundo maelfu gha wandu, awa winikundagha, na kuiwadia memu yapo.

WAEBRANIA 12:5

Angu mooliwa agho malagho ghemshashira ghighoragha nenyo sa wana? “Mwanwapo, kusakewona ni ilagho itini kuja kukania kwa Bwana, hata kusakefwa ngolo iji wakukaba.

AYUBU 5:17

“Warasimilwa uo mundu ukanilwagha ni Mlungu, kwa huwo kusekemenya iji kwakanilwa ni Uo-Uwadie-Ndighi-Rose.

ZABURI 94:12

Warasimilwa uo mundu kumkaniagha kwa kumkaba ee BWANA, uo kumfundishagha Sharia yako.

KUZOYA 22:1

Nao nyuma ya maza iro, Mlungu ukamtima Abrahamu ukaghamba, “Abrahamu!” Nao ukadika, “Neko aha.”

AYUBU 2:10

Ela Ayubu ukamzera, “Kwaawuyadeda sa muka mkelu. Welee, dadapatagha mecha kufuma kwa Mlungu disepatagha mawiwi?” Kwa agho ghose, Ayubu nderebonyereghe kaung'a kwa Mlungu anduangi.

ZABURI 11:5

BWANA wadawitima wahachi na wawiwi, nao wadazamilwa ni wang'eti.

LUKA 6:22

Mwarasimilwa inyo kasikira wandu wazamilwa ni inyo, na kumlegha, na kumsholia na kujinona irina jenyu, kwa wundu ghwa Mwana wa Mdamu.

WAROMA 5:4

na irumaghio jadareda kumanga, na kumanga kwadareda isuwirio.

2 TIMOTHEO 2:15

Funga ndighi kukuwonyera kumoni kwa Mlungu sa m'bonyi kazi urumirikie, usefushwagha waya kwa kazi yake, ujiwadiagha nicha ijo ilagho ja loli.

1 PETRO 4:14

Mkadedelwa kiwiwi kwa wundu ghwa irina ja Kristo, mwarasimilwa; angu uo Roho wa wubaa, na wa Mlungu oko aighu konyu.