JAKOBO 1:10 - Biblia Ilagho Jiboie Kwa Wandu Wose

¹⁰ na uo uko na mali, ndekukase kwa kuserwa kwake; angu uchaida sa mboi ya nyasi.

JAKOBO 1:10 Referans Kwoze

1 PETRO 1:24

Angu, “Mimbi yose ni sa nyasi, na wubaa ghwaro ghose ni sa mboi ya nyasi; nyasi radanyaya, na mboi raro radapotoka.

1 JOHANE 2:17

Na wurumwengu ghuaida andwamweri na bea raro; ela uo ubonyagha lukundo lwa Mlungu uadua kwa kala.

AYUBU 14:2

Wabuka sa mboi, na kuoma; waida sa kiju nao ndeduagha luma.

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

MATHAYO 5:3

“Warasimilwa awa wimanyagha weko wakiwa rohonyi; angu wuzuri ghwa mlungunyi ni ghwawo.

1 WAKORINTHO 7:31

na awo wawuyabonya maza ra ndoenyi, wikaie sa wisewueribonya. Kwa kukaia wurumwengu ughu seji ghuko ghwaawuyaida.

ZABURI 103:15

Irangi ja mdamu jeeka sa nyasi, wazoghua na kuwoneka sa mboi ya mlambenyi;

JAKOBO 4:14

nenyo ndemmanyagha gha kesho. Kwani irangi jenyu niki? Nechi jeeka sa ikungughu jiwonekagha kapindi, nao sena jilaghaye.

MATHAYO 6:30

Ikakaia Mlungu wadarirusha huwo mboi ra mlambenyi riko idime sena kesho riakorwa, ndechaam'bonyera nicha kuchumba inyo wandu wa irumirio itini anguwada?

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

ISAYA 40:6

Lwaka lwa mndumu lwaghamba, “Ghora malagho!” Nani ngakotia, “Nighora malaghoki?” “Ghora kukaia wadamu wose ni karakara na nyasi, na kuboa kwaro ni sa mboi ra mlambenyi.

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ZABURI 102:11

Matuku ghapo gheeka sa kiju cha luma lwa kenyi, neeka sa nyasi riomie.

ZABURI 37:2

Kafwani koni wichasoweka sa nyasi, na kunyaya sa miwalwa mmbishi.

ZABURI 39:6

Mdamu wadamara-mara sa kirerendi ukikuemeka duu. Wadatumbanya mali, usemanyagha nani uchaariwusa.

ISAYA 40:7

Nyasi radanyaya na mboi radapotoka; ingelo BWANA uweteshagha mbeo. Loli wandu wose ni karakara na nyasi.