JAKOBO 1:1 - Biblia Ilagho Jiboie Kwa Wandu Wose

¹ Ini Jakobo mdumiki wa Mlungu, na wa Bwana Jesu Kristo, namuandikia inyo mbari ikumi na iwi risaghisikie wurumwengunyi. Namroghua.

JAKOBO 1:1 Referans Kwoze

EZEKIELI 12:15

Na aho, ingelo nawisasara aghadi ya iro mbari ra wandu na masanga, wichamanya kukaia ini ne BWANA.

1 PETRO 1:1

Ini Petro mdumi wa Jesu Kristo, nawiandikia awo wiwingilo na kusaghisika masanga gha Ponto, Galatia, Kapadokia, Asia, na Bithunia.

JOHANE 7:35

Nao vilongozi va Wayahudi wikaghamba weni na weni, “Mundu uhu uchaghenda hao isi disedimagha kuvika? Welee, uchaghenda kwa Wagriki andu wamzedu wiko, upate kuwifundisha Wagriki?

MABONYO GHA WADUMI 8:1

Na Sauli orekoghe ukirumiriana na kubwaghwa kwake. Ituku jija jeni, Ikanisa jerekoghe andenyi ya Jerusalemu, jikazoya kutirirwa nandighi loli-loli; na warumirii wikasaghisika Judea kose na Samaria, wikaasighwa wadumi weni.

MABONYO GHA WADUMI 26:7

ijo mbari redu ikumi na iwi rawuyasuwiria kujipata, sa iji koni wawuyamtasa Mlungu kio na dime. Nani nashitakilwa ni Wayahudi kwa wundu ghwa isuwirio iji ee Mzuri.

MABONYO GHA WADUMI 15:23

wikawiduma na barua ihi: “Isi wanyinyu wadumi na waghosi, damroghua mmbose wanidu wa mbari zima mkaiagha Antiokia, Siria, na Kilikia.

TITO 1:1

Ini Paulo, mdumiki wa Mlungu na mdumi wa Jesu Kristo, kwa wundu ghwa kujimangisha ijo irumirio ja wasaghulwa wa Mlungu, na kumanya kwawo kwa iyo loli, kuko karakara na kuobua kwa Mlungu,

WAGALATIA 2:9

nawo iji wawona seji ninekelo ghuja mvono, Jakobo, Kefa na Johane, wandu weretaliloghe kukaia sa nguro, werediwadieghe mkonu ghwa kiwomi ghwa wungara ini na Barnaba, dipate kughenda kwa wandu wa mbari zima, nawo wighende kwa wandu wishamishiro.

MABONYO GHA WADUMI 15:13

Nao iji wameria kughora agho malagho, Jakobo ukatumbulia, “Wanidu, nisikirienyi.

WUKUMBUSO 28:64

Nao uchamsaghisa aghadi ya wandu wose ndoenyi ii chia na ii chia; na aho mchaidumikia milungu mizima ya midi na ya magho, iyo msereiichighi hata weke ndeyo.

WAROMA 1:1

Ini Paulo, mdumiki wa Jesu Kristo, niwangilo nikaie mdumi na kuwikwa kwa wundu ghojichila Ilagho Jiboie ja Mlungu.

MABONYO GHA WADUMI 21:18

Ituku ja kawi, Paulo ukadidwa kwendamroghua Jakobo; na waghosi wose wa ikanisa werekoghe aeni.

JOHANE 12:26

Uo ose ukundagha kunidumikia, ni suti uninughe ini, na andu nichaakaia ini, nikokoni na mdumiki wapo uchaakaia wori; mndungi ukanidumikia, uo moni uchabonyerwa ishima ni Aba.”

MATHAYO 19:28

Jesu ukawizera, “Namghoria loli, ngelo Mwana wa Mdamu uchaasea kidombo kwa kifumbi cha wubaa ghwake kwa wurumwengu mmbishi, inyo wori mchaviseria vifumbi va nguma ikumi na viwi, mkiritanya mbari ikumi na iwi ra Israeli.

JUDA 1:1

Ini Juda mdumiki wa Jesu Kristo mruna Jakobo, nawiandikia awo wandu wiwangilo, wikundo ni Mlungu uja Aba, na kulindilwa kwa wundu ghwa Jesu Kristo.

2 PETRO 1:1

Ini Simoni Petro, mdumiki na mdumi wa Jesu Kristo, nawiandikia awo wimerie kupata irumirio ja zoghori mbaa jija jeni diko najo kwa chia ya Mlungu odu na Mkiri Jesu Kristo.

WAFILIPI 1:1

Ini Paulo na Timotheo, wadumiki wa Kristo Jesu, namuandikia inyo waeli wose wiko andenyi ya Kristo Jesu aho Filipi, chiaimweri na wazighaniri, na watesia wa ikanisa.

WAGALATIA 2:12

Angu imbiri ya wandu wamu kucha kufuma kwa Jakobo, orekoghe ukijanya na wandu wa mbari zima; ela wiendacha, ukakuwunja nyuma na kukutanya nawo, kwa kuwiobua waja wandu wikundagha wandu wishamisho.

WAGALATIA 1:19

Nani seremmbonieghe mdumi ungi mzima, ela Jakobo moni, mruna Bwana.

MABONYO GHA WADUMI 15:21

Angu kufuma kala Sharia ya Musa eko na wandu awo wimchilagha andenyi ya kula muzi; kwa kukaia yadashomwa andenyi ya sunagogi kula Sabato.”

MABONYO GHA WADUMI 1:13

Hata iji wameria kuvika, wikajoka na kungia chumba cha gorofenyi; andu werekoghe wikikaia: Petro, Johane, Jakobo, Andrea, Filipo, Tomasi, Bartholomayo, Mathayo, Jakobo wa Alfayo, Simoni Zelote, na Juda wa Jakobo.

MATHAYO 13:55

Welee, uhu suo uja mwana wa msaramala? Mae ndewangwagha Maria, na waruna si weke Jakobo, Josefu, Simoni, na Juda?

1 WAZURI 18:31

Ukashoa magho ikumi na awi kunughana na vichuku ikumi na viwi va wana wa Jakobo, uo orewangiloghe Israeli ni BWANA.

WUKUMBUSO 30:3

BWANA Mlungu onyu uchamfuya wughoma. Uchammbunja mfume kwa iro mbari oremsaghisireghe, na kummbunjira mecha ghenyu sena.

WALAWI 26:33

Nani nichamredia wuda na kumsaghisa aghadi ya mbari zima. Isanga jenyu jichawuya kireti, na mizi yenyu ichawuya maghacho.

MABONYO GHA WADUMI 12:17

Ela uo ukawikunyiria kwa mkonu winyame kima, ukawighoria seji Bwana oremfunyireghe kifungonyi. Ukaghamba, “Mghorienyi Jakobo, na wanidu.” Ukafuma aho, ukaghenda andu kuzima.

EZRA 6:17

Wikafunya kwa wundu ghwa kuwika Hekalu wakfu njau ighana jimweri, bauru maghana awi, wana wa ng'ondi maghana ana, na kizongona kwa wundu ghwa kaung'a, oro ikumi na iwi kunughana na mbari ikumi na iwi ra Israeli.

WUKUMBUSO 4:27

BWANA uchamsaghisa aghadi ya wandu wa iro mbari, nenyo mchavuvuka watinieri.

KUFUMA 39:14

Agha magho ikumi na awi gherewikiloghe kunughana na marina ikumi na awi gha wana wa Israeli. Kula igho jerekoteroghe irina ja umu wa wana wa Israeli.

KUFUMA 24:4

Musa ukaandika malaghiro ghose gha BWANA. Nakesho yaro kokio, ukaagha madhabahu kirimbenyi cha mghondi; ukadunga magho ikumi na awi kunughana na mbari ikumi na iwi ra Israeli.

WUFUNUO 7:4

Nani neresikireghe ugho mtalo ghwa awo werekabiloghe muhuri; wandu ighana na mirongo ina na inya elfu, kufuma kwa kula mbari ya wandu wa Israeli.

MABONYO GHA WADUMI 2:5

Na aho korekoghe na Wayahudi wamu werekoghe wikikaia Jerusalemu; wandu wimuobuagha Mlungu, wifumie kula isanga wurumwengunyi.

LUKA 22:30

mpate kuja na kunywa mezenyi kwapo, kwa wuzuri ghwapo; na kusea kidombo vifumbinyi va nguma, mkiritanya iro mbari ikumi na iwi ra Israeli.”

MATHAYO 10:3

Filipo na Bartholomayo, Tomasi na Mathayo orekoghe mmbwadi wushuru, Jakobo mwana wa Alfayo na Thadayo;

ESTA 3:8

Nao Hamani ukamzera mzuri, “Eko mbari imu ya wandu wisasarikie andu kose kwa wuzuri ghwako, nawo weko kula isanga. Wandu awa weko na sharia zima putu risefwanane na sharia ra wandu wazima. Chiaimweri na huwo, ndewinughagha sharia rako; kwa huwo kukeduarumaghianya nawo, ndewikufwanagha kilambo chingi.

KUFUMA 28:21

Aighu ya agho magho gha zoghori ikumi na awi, kuchakota marina ikumi na awi gha wana wa Israeli; ghipate kuwonyera mbari ikumi na iwi ra Israeli.

2 TIMOTHEO 4:21

Nakunde kuche imbiri kwari isezoe. Eubulo wakuroghua; na wokoni Pudene, Lino, Klaudia, na wanidu wose wakuroghua.

MABONYO GHA WADUMI 23:26

“Klaudio Lusia, kwa Felike Mucha, m'baa wa isanga, nakuroghua.

LUKA 6:15

Mathayo na Tomasi, Jakobo wa Alfayo na Simoni uwangwagha Zelote,

MARKO 3:18

Andrea na Filipo, Bartholomayo, Mathayo, Tomasi, Jakobo mwana wa Alfayo, Thadayo, Simoni Mkanaani

WUKUMBUSO 32:26

Kumangu nawitotesha putu, hata mndungi usewikumbuke.