ISAYA 9:3 - Biblia Ilagho Jiboie Kwa Wandu Wose

³ Oho kwamerie kuichuria iyo mbari ya wandu, na kuchuria kuboilwa kwawo, wawuyaboilwa imbiri kwako seji wakuwidi viro wiboilwagha; seji wandu wiboilwagha wikiwagha vilambo viwadilo wunyika.

ISAYA 9:3 Referans Kwoze

ZABURI 119:162

Nawuyaboilwa ni ilagho jako, seji mundu uwadagha vilambo vingi wunyika.

1 PETRO 1:8

Inyo mwamkunde, hata ngera ndemumbonie; nenyo hata ngera ndemuwuemmbona idana, mwamrumiria kwa kuboilwa kubaa kuseghorekagha.

ISAYA 26:15

Ela oho kwamerie kuchuria iyo mbari ya wandu ee BWANA, kwamerie kuchuria iyo mbari yedu; kwamerie kuichura mano yedu na idana kwaawuyakaswa.

ISAYA 66:10

Boilonyi chiaimweri na Jerusalemu, ee, inyo mmbose mghukundagha ugho muzi; zumenyi chiaimweri nagho kwa kuboilwa inyo mmbose morekoghe mkighulilia.

ISAYA 65:18

Ela boilonyi mzume kwa kala na kala kwa wundu ghwa agho nighiumbagha; kwa kukaia niaiumbia Jerusalemu maboilo, na wandu waro wichachulwa ni iseko.

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

1 SAMUELI 30:16

Nao iji Daudi waghenjwa ukawikua waja wandu wasasarika isangenyi kose, wikija na kunywa na kuvina kwa wundu ghwa ivo vilambo vingi wavidwa wunyika kufuma isanga ja Wafilisti, na isanga ja Juda.

LUKA 11:22

Ela ukacha mundu mzima uwadie ndighi kumchumba uo, nao umkabe na kumsima, wadamsoka ghaja maswagha ghake ukusaghikagha nagho, na kuriwaghanya mali rake waridwa wunyika.

ZABURI 4:7

Oho kwangirie kuboilwa kubaa ngolonyi kwapo kuchumba awo, ingelo wapata viro vawo na divei yawo kwa wungi.

WAFILIPI 4:4

Boilonyi andenyi ya Bwana matuku ghose; naghamba sena, Boilonyi.

ZEKARIA 10:8

“Nichawiwanga wandu wapo na kuwikwanya chiaimweri. Nichawikombua na kuwibonya wichurikie sa kala.

ZEKARIA 8:23

Matuku agho wandu ikumi kufuma kwa mbari ra wandu wichammbwada Myahudi nguwo wikighamba, ‘Nndoko dikanye; dasikire Mlungu oko andwamweri nenyo.’”

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

HOSEA 4:7

“Sa iji inyo wakohani mwawuyachurikia, ni huwo koni mwawuyachuria kunibonyera kaung'a. Kwa huwo nichaghalusa ishima jenyu jiwuye waya.

JEREMIA 31:7

BWANA waghamba huwu, “Borenyi kwa kuboilwa, kwa wundu ghwa Israeli, wusirenyi chwaka kwa wundu ghwa m'baa wa iro mbari ra wandu; ghorenyi, m'bore makaso, mghambe, ‘BWANA wamerie kuwikira wandu wake, agho masighariko gha Israeli.’

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 61:7

Mchanekwa ishima mando awi wulalo ghwa ugho waya morekoghe nagho, mchachulwa ni kuboiwa kwa ifwa jenyu wulalo ghwa uko kumenywa konyu; kwa huwo mchakaia na mafungu awi isangenyi konyu, nenyo mchakaia na kuboilwa kwa kala na kala.

ISAYA 55:12

“Mchasigha Babuloni kwa kuboilwa, nenyo mchalongozwa cha shighadi kwa sere; mighondi mibaa na mitini ichawoka kubora imbiri konyu, na midi yose iko mlambenyi ichakaba chui.

ISAYA 54:1

BWANA waghamba, “Bora ee Jerusalemu, kuko sa muka uko kolowi, bora nandighi kwa kuboilwa, oho jingi kusekumbie lufu! Wana wako wichakaia wengi, kuchumba wa muka ulowolo.

ISAYA 35:2

jichafunya mboi kwa wungi, na kuboilwa; jikizuma na kubora. Ijo ikara jichaghoka sa mighondi ya Lebanoni, na kuboa sa mbuwa ra Karmeli na Sharoni. Wandu wose wichaghuwona wubaa ghwa BWANA na ndighi ra Mlungu odu.

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ZABURI 107:38

Wadawirasimia wandu wake wichurikie kwa wungi, na mfugho rawo nderisighagha ripunguo.

NEHEMIA 9:23

Korewinekieghe kivalwa kingi sa nyerinyeri ra mlungunyi. Kukawibonya wijikaie isanga korewilaghirieghe weke ndee kukaia wichajipata.

WATANYI 5:3

“Sikirenyi inyo wazuri, deghenyi madu inyo wana wa wazuri; nicham'boria BWANA, uo Mlungu wa Israeli.

MABONYO GHA WADUMI 8:8

Kukakaia kuboilwa kubaa andenyi ya muzi ghuja.

AYUBU 12:23

Wadabonya mbari ra wandu rikaie mbaa, sena wadarisaghisa; wadarizeghesha, sena wadariinja noko.

ISAYA 65:14

Wadumiki wapo wichabora wikiboilwa ngolonyi, ela inyo mchakema mkiwawa ngolonyi; nenyo mchalila mkikaia na luwawo lubaa rohonyi.

WALAWI 26:13

Ini ne BWANA Mlungu onyu, uo oremfunyireghe kufuma isanga ja Misri, eri msekaie wazumba wawo. Namerie kudumbua vifungo va ghongolo renyu, na kum'bonya mghende mghorokie.

WATANYI 7:22

Hata iji wandu wa Gideoni werekabieghe iro tarumbeta maghana adadu, BWANA ukabonya majeshi gha wamaiza widemane weni na weni. Agho majeshi ghikakimbia hata Beth-shita kulangaya cha Serera hata mpaka ghwa Abel-mehola kaavui na Tabathi.

WATANYI 8:12

Awo wazuri wawi wa Midiani, Zeba na Zalimuna wikakimbia, ela ukawiwinga na kuwiwada awo wazuri wawi Zeba na Zalimuna, na ijeshi jose jikangilwa ni wowa.

ISAYA 10:26

Na ini BWANA wa majeshi nichawikaba na kiboko chapo sa iji koni nerewikabieghe Wamidiani aja lwalenyi lwa Orebu; nani nichawikaba seji nereiwusirieghe zobo yapo aighu ya bahari na kuwikaba Wamisri.

ISAYA 14:5

BWANA waghuchikanya mzata ghwa wawiwi, ugho mzata ghwa wabonyi nguma;