ISAYA 9:2 - Biblia Ilagho Jiboie Kwa Wandu Wose

² Isanga ja kichuku cha Zebluni na Naftali weresumbukieghe ngelo rimu, ela ngelo ra kutua ra isanga iji jichakaia ja ishima kufuma mashariki ya Mediterania hata isanga jiko kimonu cha Jordani, hata Galilaya ya mbari zima.

ISAYA 9:2 Referans Kwoze

MATHAYO 4:16

Wandu awo werekoghe kirenyi, waghuwona mwengere m'baa. Na kwa awo werekoghe isangenyi na kiju cha kifwa, mwengere ghwalangala kwawo.”

WAEFESO 5:8

angu aho imbiri morekoghe kirenyi, ela idana moko mwengerenyi andenyi ya Bwana; ghendenyi sa wana wa mwengere;

JOHANE 12:46

Ini nachee kukaia mwengere wurumwengunyi, eri uhu unirumiriagha usesigharike kirenyi.

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

LUKA 2:32

Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”

ISAYA 60:19

“Iruwa ndejichaakaia mwengere ghwako ngelo ya nadime, hata mori ndeghuchaakaia mwengere ghwako ngelo ya nakio anduangi; ela ini BWANA nichakaia mwengere ghwako ghwa kala na kala, na ini Mlungu wako nichakaia nuo wubaa ghwako.

ZABURI 107:10

Wamu werekoghe na wasi andenyi ya kira kibaa; wafungwa witirirwagha kwa kufungwa na minyororo,

ZABURI 23:4

Hata ngera naida aghadi ya vololo ya kira chikambie na ndighi, sichaaobua kiwiwi chingi; angu oho BWANA koko andwamweri nani; zobo yako na mzata ghwako, vanilindia.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ZABURI 107:14

Ukawifunya wasinyi andenyi ya kira kibaa, na kudumbua minyororo yawo vipande vipande.

JOHANE 12:35

Jesu ukawitumbulia, “Mwengere ghoko andwamweri nenyo kwa ngelo vui eni. Ghendenyi iji muko na ugho mwengere, msecheserelwa ni kira, angu uo ughendagha kirenyi, ndemanyagha andu ughendagha anduangi.

ISAYA 9:1

Ndekuchaakaia na chia ingi kwawo efufunuka iyo ngelo ya wasi.

AMOSI 5:8

BWANA wabonyere nyerinyeri, Piadisi na Orioni, na kughalusa kira chiwuye mwengere, na mwengere ghuwuye kira. Uwangagha machi gha baharinyi, na kughidia andoenyi, irina jake ni BWANA.

AYUBU 10:21

Nalighisa kughenda isanga ja kira kibaa, nisechaawuya sena;

WATANYI 5:30

‘Kewada ndawadawagha mali waiwada; mwai umweri angu wawi kwa mundu umweri, nguwo ra rangi riwadilo kwa wundu ghwa Sisera, nguwo ra rangi ritolelo riwadilo, vipande viwi va nguwo ra rangi vitolelo, viwadilo kwa wundu ghwa singo ya malkia?’

ZABURI 4:8

Nichalala andonyi kwa sere, na kupata dilo. Ni oho kuekeri ee BWANA, kunibonyagha nikaie banana.