ISAYA 7:4 - Biblia Ilagho Jiboie Kwa Wandu Wose

⁴ kumzere, ‘Kaia meso, kutulie, kuseobuo hata ngolo yako isefo kwa wundu ghwa Mzuri Resini na Wasiria wake, chiaimweri na Peka mwana wa Remalia; angu awo ni sa vilaya va modo vawuyafukia mosi.

ISAYA 7:4 Referans Kwoze

ISAYA 35:4

Wizerenyi awo wandu wiko na wowa, “Kaienyi na ndighi, msakeobua! Olenyi Mlungu onyu uchacha kulipia kisasi, uchacha na malipo ghake, upate kumkira.”

KILILO CHA JEREMIA 3:26

Kwa huwo ni nicha diwesere kwa irumaghio; dimmbesere udikire.

ISAYA 30:15

Angu Bwana MLUNGU, uo Mweli wa Israeli waghambie huwu, “Mkanighalukia na kukusaghika na ini, mchakia; nenyo mchakia na kukaia banana.” Ela mwaleghie,

WUKUMBUSO 20:3

na kuwizera, ‘Sikirenyi ee Israeli, mwalighisa kulwa na wamaiza wenyu: msefo ngolo, angu kungilwa ni kiture, angu kusughusika, hata msakewiobua.

MATHAYO 24:6

Mchasikira gha wuda na wuvoro ghwa wuda; ela msakeobua; angu suti maza iro riche, ela kuja kutua ndekulighisire.

ZEKARIA 3:2

Malaika wa BWANA ukamzera Shetani, “BWANA ndekukemie ee Shetani! Uo BWANA uikunde Jerusalemu ndekukemie. Umundu ooka sa kilaya chafunywa modonyi.”

2 MALAGHO GHA NGELO 20:17

Inyo ndemchaalwa ughu wuda; wadenyi wulalo ghonyu, nenyo mchawona seji BWANA umnekagha wusimi ee wandu wa Juda na Jerusalemu. Msekambo ni chongo; wifumienyi kesho, na BWANA uchakaia andwamweri nenyo.”

AMOSI 4:11

“Neretoteshereghe wamu wenyu seji neretoteshereghe wandu wa Sodoma na Gomora. Awo morevuvukieghe morekoghe sa kamudi kavuvulwa modonyi. Hata huwo saki ndemorenighalukieghe,” waghamba BWANA.

ISAYA 30:7

Wutesia ghufunywagha ni Wamisri ndeghuwadie fwaida ingi putu. Kwa huwo nawinekie Wamisri irina ngawiwanga ‘Choka isena wusungu.’”

ISAYA 10:24

Kwa huwo Bwana, Uo BWANA wa majeshi waghora huwu, “Inyo wandu wapo mkaiagha Jerusalemu, mseobuo awo Waashuru iji wakamkaba sa iji Wamisri werem'bonyereghe.

ISAYA 8:4

kwa kukaia, imbiri mwana uhu usemanyire kuwanga ‘Aba’ angu ‘Mao,’ mali ra Dameshki na vilambo viwadilo wunyika va Samaria vichadukwa ni mzuri wa Ashuru.”

ISAYA 7:8

Kwa kukaia muzi m'baa ghwa Siria ni Dameshki, na m'baa waro ni Mzuri Resini. Na kwa wundu ghwa Israeli andenyi ya miaka mirongo irandadu na misanu, wichakaia wameria kusaghisika wisekaie mbari sena.

1 SAMUELI 17:32

Daudi ukamzera Sauli, “Mndungi usefo ngolo kwa wundu ghwa u Mfilisti; ini mdumiki wako nichaghenda kulwa nao.”

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

ISAYA 41:14

Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

ISAYA 7:1

Ngelo ya Mzuri Ahazi, mwana wa Jothamu, wawae Uzia, mzuri wa Juda, Resini mzuri wa Siria na Peka mwana wa Remalia, mzuri wa Israeli, werechieghe Jerusalemu kubonya wuda, ela ndeweredimieghe kughuwada ugho muzi anduangi.

ISAYA 7:9

Muzi m'baa ghwa Israeli ni Samaria, na m'baa waro ni Mzuri Peka mwana wa Remalia. Kukalegha kurumiria, loli ndekuchaamanga.’”

ISAYA 37:6

Isaya ukaghamba, “Mzerenyi bwana onyu huwu, BWANA waghamba, ‘Kusakeobua kwa wundu ghwa agho malagho kwaghisikira seji nasholelwa ni wadumiki wa mzuri wa Waashuru.

2 WAZURI 15:27

Mwaka ghwa mirongo misanu na iwi ghwa kubonya nguma kwa Uzia mzuri wa Juda, niko Peka mwana wa Remalia orezoyagha kubonya nguma aighu ya Israeli aho Samaria. Ukabonya nguma kwa miaka mirongo iwi.

ISAYA 8:6

“Kwa kukaia wandu awa waleghie machi gha Shiloa ghiseagha mboa, na wulalo ghwaro wiasughusikia Mzuri Resini na Mzuri Peka mwana wa Remalia,

HABAKUKI 2:3

Kwa kukaia ngelo ya agho mawono kukatia ndeivikie; ela ngelo yaro iacha. Ikafwana kumuka, kuiweserie; angu loli ichacha ndeichaamuka anduangi.