ISAYA 6:9 - Biblia Ilagho Jiboie Kwa Wandu Wose

⁹ Nao ukanizera nighende niwighorie wandu, “Ghenda kuwizere awa wandu: ‘Kusikira mchasikira, ela ndemchaatambukilwa; na kuzighana mchazighana, ela ndemchaawona.’

ISAYA 6:9 Referans Kwoze

LUKA 8:10

nao ukawizera, “Inyo mwanekelo kurimanya ngasu ra Wuzuri ghwa Mlungu, ela kwa wazima radaghorwa kwa mifwano, wikizighana wisewone, sena wikisikira wisetambukilo.

MARKO 4:12

eri, ‘Kuzighana, loli wizighane, ela wisakewona anduangi; na kusikira, loli wisikire, ela wisaketambukilwa anduangi. Eri wisecheghaluka, na kulekelwa kaung'a rawo.’”

JOHANE 12:40

“Mlungu wawifunga meso ghawo, na kurikurisha akili rawo eri meso ghawo ghisepate kuwona, na akili rawo risetambukilo, wisechenighalukia, nipate kuwiboisa.”

WAROMA 11:8

sa iji koni iandikilo, “Mlungu oowineka roho ya wukelu, meso ghisewonagha, na madu ghisesikiragha hata idime.”

ISAYA 29:13

BWANA ukaghamba, “Kwa kukaia wandu awa wacha kunitasa kwa momu ghoni ingelo ngolo rawo riko kula na ini, kunitasa kwawo kwanughana na mizango na mawiko gha wadamu,

ISAYA 43:8

Mlungu waghamba, “Wiredenyi wandu wapo wiko na meso ela ndewiwonagha, awo wiko na madu ela ndewisikiragha.

HOSEA 1:9

BWANA ukamzera Hosea, “Mbange, ‘Si wandu wapo kungi’, kwa kukaia wandu wa Israeli si wapo kungi, na ini se Mlungu wawo kungi.”

WUKUMBUSO 29:4

Ela hata idime, BWANA waduagha usemnekie akili retambukilwa, angu meso ghewona, angu madu ghesikira.

MAKATANISHO 28:5

Wandu wawiwi, ndewiichi kutanya loli, ela awo wimtasagha BWANA, watambukilwa putu.

ISAYA 29:10

Kwa kukaia BWANA wamerie kudia aighu konyu roho ya dilo nyingi, nao wamerie kughitungurisha meso ghenyu inyo walodi msewone, na kufinikira vongo venyu inyo wawoni.

ISAYA 29:14

huwo koni na ini nichawibonyera maza richaawishinua; malagho gha mashiniko ghisedimagha kuvikilwa ni hikima ya wandu wawo; na wandu wawo wa akili wichasirilwa ni kumanya kwawo.”

JEREMIA 5:21

Sikirenyi malagho agha inyo wandu wakelu msewadie akili ringi; wandu muko na meso, ela msewonagha.

EZEKIELI 12:2

“Mwana wa mdamu, oho kwadakaia aghadi ya wandu welegha. Wawadie meso, ela ndewiwonagha; wawadie madu, ela ndewisikiragha, kwa kukaia, awo ni wandu welegha.

ISAYA 28:13

Kwa wundu ugho ilagho ja BWANA jichakaia konyu. Sharia aighu ya sharia, na msitari aighu ya msitari; katini aha na katini aja; mpate kughenda na kughwa, mchike, mmbwado ni mdegho na kudwalwa wunyika.

ISAYA 42:20

Israeli kwawuyawona malagho mengi, ela ndekuwueghizighana; kwawuyasikiria malagho mengi, ela ndeghiwuengia.”