ISAYA 6:8 - Biblia Ilagho Jiboie Kwa Wandu Wose

⁸ Ngasikira lwaka lwa BWANA lukighamba, “Nimduma ani; nani ukufunyagha kughenda kwa wundu ghodu?” Niko ngaghamba, “Neko aha, nidume ini.”

ISAYA 6:8 Referans Kwoze

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

MABONYO GHA WADUMI 22:21

Nao ukanizera, ‘Ghenda; angu nichakuduma kula kwa wandu wa mbari zima.’”

ISAYA 65:1

Mlungu ukaghamba, “Nerekoghe tayari kuwitumbulia wandu wiserenilombieghe jingi, na kukufunukua kwa wandu wiserenilolighe. Ngaizera iyo mbari iserejiwangieghe irina japo kwa malombi, ‘Neko aha, ola neko aha.’

MABONYO GHA WADUMI 20:24

Ela ini sitalie irangi japo kukaia kindo chingi kwapo anduangi, ikakaia tu nadima kuimeria kazi na wudumiki Bwana Jesu uninekie ghojishuhudia Ilagho Jiboie ja mvono ghwa Mlungu.

KUZOYA 1:26

Niko Mlungu ukaghamba, “Ndedim'bonye mdamu kwa fwana yedu cheni, ufwanane na isi, wipate kukaia na nguma aighu ya samaki ra baharinyi na aighu ya nyonyi ra mbeonyi; aighu ya mfugho rose, na aighu ya ndoenyi kose putu, na kula shimandu iavuagha andoenyi.”

KUZOYA 11:7

Idana ndedisee diwitasanyire kiteto chawo, eri wisesikirane madedo weni na weni.”

EZEKIELI 1:24

Hata iji rerekoghe rikighenda, neresikireghe lwaka lwa mawawa ghawo sa lwaka lwa machi mengi, sa lukuwa lwa Uo Uwadie Ndighi Rose; ndoghoi yaro sa lwaka lwa ijeshi. Ngelo rakaia kimusi, rikakucha mawawa ghawo.

1 WAZURI 22:20

BWANA ukakotia moni ukaghamba, ‘Wele nani udimagha kumkalia Ahabu, uwonejoka wudenyi aja Ramoth-gileadi upate kufwa?’ Umu ukatumbulia huwu, na mzima ukatumbulia huwu.

EZEKIELI 10:5

Lwaka lwa mawawa gha makerubi loresikiroghe hata waza ya shighadi, sa lwaka lwa Mlungu Uo-Uwadie-Ndighi-Rose ingelo wakadeda.

KUZOYA 3:22

Nao BWANA Mlungu ukaghamba, “Ola uhu mundu wakaia sa umu odu kwa kumanya mecha na mawiwi. Lindienyi usecheghorua mkonu ghwake na kuwaya matunda gha mudi ghwa irangi wori na kuja, uchedua moyo kwa kala na kala.”

MABONYO GHA WADUMI 9:4

Ukaghwa andonyi, ukasikira lwaka lukimzera, “Sauli, Sauli! Kwaki kunikorongagha?”

MABONYO GHA WADUMI 26:19

“Kwa wundu ugho ee Mzuri Agripa, sereleghieghe kughisikira agho mawono gha mlungunyi anduangi;

1 SAMUELI 3:4

BWANA ukammbanga Samueli, “Samueli! Samueli!” Ukadika “Neko aha!”

EZEKIELI 9:1

Niko ngasikira Mlungu ukiwanga kwa lwaka lubaa ukighamba, “Soghodenyi kaavui inyo wandu weghukaba ughu muzi; kula mundu udo iswagha jake jenona.”

KUZOYA 22:1

Nao nyuma ya maza iro, Mlungu ukamtima Abrahamu ukaghamba, “Abrahamu!” Nao ukadika, “Neko aha.”

KUZOYA 22:11

Ela malaika wa BWANA ukammbanga kufuma mlungunyi ukighamba, “Abrahamu! Abrahamu!” Ukadika, “Neko aha.”

2 SAMUELI 1:7

Nao iji orezighanireghe nanyuma, ukaniwona ukaniwanga; ngadika ‘Neko.’