ISAYA 53:4 - Biblia Ilagho Jiboie Kwa Wandu Wose

⁴ “Kwa loli oredukieghe matiriro ghedu na wasi ghodu, nesi dikamtala wei ookabwa na kukorongwa ni Mlungu.

ISAYA 53:4 Referans Kwoze

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

MATHAYO 8:17

Orebonyereghe agho kukatisha agho ghereghoreloghe ni mlodi Isaya: “Uo moni oreghidwaeghe manyonge ghedu, na kughiinja makongo ghedu.”

WAGALATIA 3:13

Kristo oredikombueghe kufuma kwa njowe ya Sharia, kwa kuwuya njowe uo moni; angu yaandikilo, “Ndewado ni njowe kula mundu unyonyoreshwagha mudinyi”,

1 JOHANE 2:2

nao nuo wushano ghwa kaung'a redu; hata si kwa wundu ghwa kaung'a redu reni riekeri anduangi, ela na ra wurumwengu ghose wori.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

WAEBRANIA 9:28

huwo koni Kristo, umeria kufunywa indo jimweri uriduke kaung'a ra wengi, uchawoneka indo ja kawi; si kwa wundu ghwa kulwa na kaung'a, ela upate kuwikira awo wose wawuyammbesera kwa kufunga ndighi.

JOHANE 19:7

Wayahudi wikamtumbulia, “Isi deko na sharia, na kunughana na sharia iyo yamfwana ufo, angu orekubonyereghe moni kukaia Mwana wa Mlungu.”

ZABURI 69:26

Wamkoronga uo kumkabie, waja malagho gha luwawo lwa awo kuwishoghunue.

MATHAYO 26:37

Nao ukawidwa Petro na waja wana wawi wa Zebedayo, ukazoya kuja wasi na kusumbuka.

WAROMA 4:25

nao orebwaghiloghe kwa wundu ghwa mawiwi ghedu, na kurukishwa kwa wundu ghwa kutalwa kukaia na hachi kodu.

WALAWI 16:10

ela iyo fwandi yawonyerwa ni kura kukaia ya Azazeli, ichafunywa iko moyo kwa BWANA ipate kubonya mapatano; kwa kuilekeria ighende noko cha kireti kwa Azazeli, ikidwa kaung'a ra wandu.

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MITALO 7:15

mwanwanjau umweri, bauru imweri, mwana wa ng'ondi wa womi umweri wa mwaka ghumweri, kwa wundu ghwa kizongona chekora,

MITALO 7:45

mwanwanjau umweri, bauru imweri, mwana wa ng'ondi wa womi wa mwaka ghumweri kwa wundu ghwa kizongona chekora,

ZABURI 69:8

Nawurie mundu wa kighenyi kwa wanidu, na muchi kwa wanidu wa mao.

ZABURI 69:27

Kuwiwikie mtalo ghwa kaung'a rawo rose, wisepate ifungu jingi ja kukia kwako.