ISAYA 49:3 - Biblia Ilagho Jiboie Kwa Wandu Wose

³ Ukanizera, “Oho Israeli ko mdumiki wapo, ini nichanekwa wubaa kwa wundu ghwako.”

ISAYA 49:3 Referans Kwoze

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

ISAYA 44:23

Borenyi ee mlungunyi, kwa kukaia BWANA wameria kujibonya ilagho ijo; wusirenyi chwaka renyu inyo andu kumilie kwa ndoenyi; na inyo mighondi borenyi kwa kuboilwa, ee, na kula mudi ghwa msidunyi ndeghubore, kwa kukaia BWANA wameria kumkombua Jakobo nao uchakaswa andenyi ya Israeli.

JOHANE 17:4

Nakukasa oho aha ndoenyi, naimeria ija kazi koreninekieghe niibonye.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

ISAYA 52:13

BWANA waghamba, “Olenyi mdumiki wapo uchawona nicha, uchakumwa na kujoswa ighu; nao uchakaia ighu na ndighi.

JOHANE 17:1

Nao iji Jesu wameria kughora malagho agho, ukazighana aighu mlungunyi ukaghamba, “Aba, ngelo yameria kuvika; mkase Mwana wako, na Mwana wako wori ukukase oho.

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

WAEFESO 1:6

upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.

JOHANE 15:8

Aba uchakaswa mkava matunda mengi, nenyo mchawoneka kukaia moko wanughi wapo.

JOHANE 12:28

Aba, jikase irina jako.” Nao lwaka lukacha kufuma mlungunyi, “Nameria kujikasa sena nichajikasa.”

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

ISAYA 43:21

Wandu nerewiumbieghe kwa wundu ghwapo, eri wipate kueresha makaso ghapo.”

2 WATHESALONIKE 1:10

iji wacha Ituku jija kukaswa ni waeli wake, na kushinikilwa ni wose wimerie kurumiria; kwa kukaia inyo moreghurumirieghe wushuhuda ghodu.

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 41:8

“Ela inyo wandu wa Israeli mo wadumiki wapo kivalwa cha Jakobo neremsaghueghe, kivalwa cha Abrahamu mghenyi wapo.