ISAYA 48:8 - Biblia Ilagho Jiboie Kwa Wandu Wose

⁸ Jingi ndekorerisikireghe hata kurimanya, kufuma konkala uko madu ghako ndeghifungukie, kwa kukaia nerekumanyireghe kukaia mundu wa mikalo na kufuma kuvalwa kwako korekoghe mundu olegha mawonyero.

ISAYA 48:8 Referans Kwoze

ZABURI 58:3

Wandu wawiwi weelaghaya kufuma kifunyi; wadakosa na kughora tee kufuma kuvalwa kwawo.

MALAKI 2:11

Wandu wa Juda wachikanyire ilaghiro jawo kwa Mlungu, na kubonya ilagho jizamie Jerusalemu na isangenyi kose. Juda wailushire Hekalu ya BWANA uikunde; wandu wake wikalowua waka wa kighenyi witasagha milimu.

HOSEA 5:7

Wasowie kukaia waloli kwa BWANA; wana wawo si wake wangi. Wose wichatoteshwa chiaimweri na isanga jawo kafwani.

JEREMIA 6:10

Nani ngaghamba, “Malaghiro agha nimzera angu nimghoria ani udimagha kusikira? Ola madu ghawo ghafindikikie, ndeghidimagha kusikira; hata ilagho ja BWANA kwawo jakaia sa madukano, ndejikundikie kwawo; hata ndejiwiboiagha anduangi.

WAEFESO 2:3

Na isi diwose derekoghe na bea ra mumbi aghadi kwawo, dikinugha bea ra mumbi na ra maririkanyo; na kwa asili, derekoghe aisi ya machu gha Mlungu, karakara na wandu wose.

JEREMIA 5:11

Kwa kukaia wandu wa Israeli na wandu wa Juda, waleghie kukaia waloli kwapo putu.”

JEREMIA 3:20

Ela kwa loli kwaleghie kukaia mloli kwapo kara kara na muka useko mloli kwa mumi ee Israeli.”

ISAYA 50:5

Bwana MLUNGU wanifungue madu ghapo, ngasikira; nani sereleghieghe, hata serewurieghe nyuma anduangi.

ISAYA 48:4

Ini nakuichi kwaghilikie, na singo yako yakurie sa chuma, na wushu ghwako sa shaba;

ISAYA 46:8

“Ririkanyenyi na kuritambua maza iri, ripimenyi akilinyi konyu inyo mkosagha.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 21:2

Nawonie mawono gha malagho ghikurie: mundu osoka, waawuyasoka; na mtoteshi, waawuyatotesha. Inyo majeshi gha Elamu, kabenyi muzi; inyo majeshi gha Media, ghurughaienyi muzi. Mlungu uchaghumeria wasi ghose ghuredelo ni Babuloni.

ZABURI 51:5

Ini ne mkaung'a kufuma kuvalwa kwapo; ne mkaung'a kufuma naamwa kifunyi kwa mao.

ZABURI 40:6

Oho ndekuna haja ya vizongona na mafunyo ghangi; ela kwaniboisire mumbi. Ndekukunde vizongona vekora hata vizongona kwa wundu ghwa kaung'a anduangi.

HOSEA 6:7

“Ela werejinonieghe ilaghano japo sa Adamu, ndewerekoghe waloli kwapo anduangi.

JEREMIA 5:21

Sikirenyi malagho agha inyo wandu wakelu msewadie akili ringi; wandu muko na meso, ela msewonagha.

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

ISAYA 42:25

Niko huwo BWANA ukawidiria machu ghake ghibirie, na ugho wuda ghubirie; werekoreloghe ni machu ghake, ela awo ndeweremanyireghe gherewikorieghe, hata ndeweretalieghe anduangi.

ISAYA 47:11

Ela wuwiwi ghuchakuchea aighu kwako, kusechaadima kughughiria. Kutota kuchakuchea, kusechaadima kukukombua. Kunoneka kuchakuchea aighu yako shwa wori kusemanyire.

ISAYA 48:7

Nderibonyekie kala nicharibonya idakoni jingi ndekunisikire, kwaarisikira idime kusecheghora wei, ‘Ola iri nererimanyireghe.’

ISAYA 57:4

Nani mwawuyamsarighia? Nani mwawuyamuasamia na kumfunyira chumi? Welee, inyo si wana wa makosa, kivalwa cheghora tee?

HOSEA 7:9

Ndewiwuemanya wei uko kusuwiria kwa wandu niko kwawisoka ndighi rawo; waghosia na ndighi, ela ndewiwuemanya.

WUKUMBUSO 31:16

Niko BWANA ukamzera Musa, “Ola oho kwalighisa kufwa, na awa wandu wichasigha kukaia waloli kwapo kwa kuitasa milungu ya kighenyi ya ijo isanga andu wighendagha kukaia, nawo wichanisigha na kujinona ilaghano japo nerejibonyereghe nawo.

WUKUMBUSO 31:18

Na loli ituku ijo nichaghaluka noko nisewiwone kwa wundu ghwa mawiwi ghawo, angu wighalukie na kuitasa milungu mizima.