ISAYA 48:4 - Biblia Ilagho Jiboie Kwa Wandu Wose

⁴ Ini nakuichi kwaghilikie, na singo yako yakurie sa chuma, na wushu ghwako sa shaba;

ISAYA 48:4 Referans Kwoze

MABONYO GHA WADUMI 7:51

“Inyo wandu mghilikie mseghalukagha, ngolo renyu na madu ghenyu gheeka sa gha watasi milimu, matuku ghose mwadamtangala Roho Mweli, sa iji koni weke ndeyo werekoghe wikibonya.

KUFUMA 32:9

Nawiichi angu ni wandu wighilikie wiseghalukagha.

MAKATANISHO 29:1

Uo ukanilwagha mando malazi, ukichuria kughilika, uchanoneka shwa hata ndechaadima kuboiswa anduangi.

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

WUKUMBUSO 31:27

Angu naichi seji mghilikie; wandu msesikiragha. Kamanya mwawuyamlegha BWANA niko moyo dikwanye, ni kuchumba saki iji nafwa!

KUFUMA 33:5

Kwa kukaia BWANA orekoghe wamlaghira Musa uwizere huwu, “Inyo mo wandu mghilikie, ngaghendanya nenyo kwa ngelo vui tu, nichammeria. Idana injenyi putu mapambo ghenyu gha zoghori, ima nimanye seji nichaam'bonya.”

ZABURI 78:8

Ndewichaaghilika na kulegha sa weke wawae, awo wiserekoghe na irumirio jimange kwa Mlungu hata kukaia mloli kwake.

ZABURI 75:5

Nadawizera wisighe kukujosa na kudeda kwa lubando wikukasire.”

KUFUMA 33:3

Muaghenda isanga jinorie nandighi; ela ini sichaaghendanya nenyo, nichemmeria chienyi; kwa kukaia inyo mo wandu mghilikie.”

ISAYA 46:12

“Nisikirenyi ini, inyo mkurilo ni ngolo, nisikirenyi inyo muko kula na kukia.

2 MALAGHO GHA NGELO 36:13

Sedekia ukamlegha mzuri Nebukadnezari uo oremghemeshereghe kwa irina ja Mlungu. Ukaghilika na kukurisha ngolo yake usemghalukie BWANA, uo Mlungu wa Israeli.

WAEBRANIA 3:13

Ela mshashirane mmbeni na mmbeni kula ituku jiwangwagha “Idime”, eri mndungi onyu usekechakaia ughilikie kwa wukalo ghwa kaung'a.

DANIELI 5:20

Ela iji orekujosereghe ngolonyi kwake, na kukurisha ngolo yake ukikukasa, oreinjiroghe kufuma kifumbinyi chake cha nguma.

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

JEREMIA 3:3

Kwa huwo mishushure ya vua yamerie kughirilwa na vua ya kwari kusoweka. Sena kwadazighana sa ilaya, hata ndekune waya.

2 MALAGHO GHA NGELO 30:8

Idana mseghilike sa weke ndeyo, ela mkufunye kwa BWANA, mche Andu kwake kwa Wueli, ukueleshere kwa kala na kala, mumdumikie BWANA Mlungu onyu; eri machu ghake mabaa ghimuinjikie.

2 WAZURI 17:14

Ela ndeweresikireghe, wikakaia wighilikie sa weke ndee, awo wiseremrumirieghe BWANA Mlungu wawo.

WUKUMBUSO 10:16

Kwa huwo, kufuma idana, m'bonyo wawishi ngolonyi konyu, mseduo mghilikie.

NEHEMIA 9:28

Ela nyuma ya kupata kuhora, wikakubonyera kaung'a sena, kukawisigha wikabo ni wamaiza wawo sena. Ela sena iji weherieghe na kukulomba kuwikire, koresikireghe aho mlungunyi, na ngelo kwa ngelo kukawivuvua kwa wundu ghwa ugho wughoma ghwako m'baa.

EZEKIELI 2:4

Wokoni awa ni wandu wishughunukie, sena wighilikie. Ini naawuyakuduma kwa awo wandu, na oho kuchawizera, ‘Bwana MLUNGU waghamba huwu,’

KUFUMA 9:7

Farao ukaduma; nao ikawoneka kukaia nyamandu ingi ya Waisraeli ndeerefueghe anduangi. Ela Farao ukaikurisha ngolo yake, hata nderewisighieghe awo wandu wighende anduangi.

ISAYA 30:9

Ngelo rose wakaia waleghi na wandu weghora tee; wandu wisedimagha putu kusikira malaghiro gha BWANA;