ISAYA 47:3 - Biblia Ilagho Jiboie Kwa Wandu Wose

³ Kuchashanakulwa nguwo rako kusigho duu, na wandu wichaghuwona wuduu ghwako. Nichalipa kisasi hata sichaasigha mndungi.”

ISAYA 47:3 Referans Kwoze

NAHUMU 3:5

BWANA Uwadie Ndighi Rose waghamba, “Nichakukaba oho Nineve! Nichakufunukua nguwo rako na kuwonyera wuduu ghwako kwa iro mbari, na waya ghwako ghose.

WUFUNUO 16:19

Ugho muzi m'baa ghukawaghanyika mafungu adadu, na mizi ya iro mbari ikanonwa; Mlungu ukaghukumbuka ugho muzi m'baa Babuloni, upate kughubonya ghuangamire icho kikombe cha divei ya machu gha kubia kwake.

WAROMA 12:19

Wakundwa, jingi mselipie ngenga, ela msighie machu gha Mlungu wulalo; angu yaandikilo, “Ngenga ni yapo, ini nichalipa; waghamba Bwana.”

EZEKIELI 16:37

Ola nichawikwanya chiaimweri awo wakundwa wako wose, awo korekoghe kukiboilwanya nawo, awo wose korewikundieghe, na awo kuserewikundieghe; nichawikwanya aighu yako, kufuma kula andu, nani nichawifunukuya wuduu ghwako ghose wipate kughuwona.

JEREMIA 51:56

Mtoteshi wameria kucha aighu ya Babuloni; masikari ghake ghawadwa, na ndana rawo rachikanywa-chikanywa, kwa kukaia ini BWANA ne Mlungu olipia, nani kwa loli nichalipia kisasi.

JEREMIA 51:11

Kalishenyi mawanu, mmbwade ngao! Ini BWANA narinyavurishire roho ra wazuri wa Wamedi, kwa kukaia makusudi ghapo aighu ya Babuloni ni kutotesha ugho muzi; angu icho nicho kisasi chapo kwa wundu ghwa Hekalu yapo.

JEREMIA 51:4

Wichabwaghwa andenyi ya isanga ja Wababuloni na kushoghonolwa chienyi rake.

JEREMIA 13:26

Ini nimoni nichafunukua nguwo rako rivike wushunyi, wuduu ghwako ghupate kuwoneka.

JEREMIA 13:22

Na kukaghora ngolonyi kwako, ‘Kwaki nachelwa ni iri maza rose?’ Ni kwa wundu ghwa wungi ghwa makosa ghako, niko nguwo rako rafunukulwa na oho kukadidikwa.

WUKUMBUSO 32:35

BWANA uchalipia na kuwikaba; ngelo ichavika nawo wichaghwa; ngelo ya mashaka ghawo eko kaavui.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

KUZOYA 3:7

Nao meso ghawo ghikafunukuka, wikatambua angu weeka duu, wikakudungia malemba gha mtini, na kukuboisira weni shuke.

ISAYA 20:4

niko koni mzuri wa Waashuru uchaawidwa Wamisri na Waethiopia wubarishonyi watini na wabaa wiko duu na maghu maduu, mashimba ghawo ghikiwoneka; Wamisri wipate kufushwa waya.

ISAYA 35:4

Wizerenyi awo wandu wiko na wowa, “Kaienyi na ndighi, msakeobua! Olenyi Mlungu onyu uchacha kulipia kisasi, uchacha na malipo ghake, upate kumkira.”

ISAYA 3:17

ini BWANA nichawikaba wai wa Jerusalemu na fwali ra chongo, na kughufunukua wuduu ghwawo.”