ISAYA 40:2 - Biblia Ilagho Jiboie Kwa Wandu Wose

² Kudede malagho gha wuhoreshi kwa Jerusalemu, wighorienyi kukaia wuda ghwawo ghwasirie; mawiwi ghawo ghamerie kulekwa, kwa kukaia BWANA wawikabie mando awi, kwa wundu ghwa kaung'a rawo.

ISAYA 40:2 Referans Kwoze

ZEKARIA 9:12

Wuyenyi inyo m'barishiro muko na isuwirio, wuyenyi andu konyu kwa wubanana. Naghamba nichamlipa marasimio mando awi.

ISAYA 61:7

Mchanekwa ishima mando awi wulalo ghwa ugho waya morekoghe nagho, mchachulwa ni kuboiwa kwa ifwa jenyu wulalo ghwa uko kumenywa konyu; kwa huwo mchakaia na mafungu awi isangenyi konyu, nenyo mchakaia na kuboilwa kwa kala na kala.

HOSEA 2:14

“Kwa huwo nichamghenja cha kireti sena, na oho nichadedanya nao kwa lukundo.

WUFUNUO 18:6

M'bonyerenyi sa iji koni uo orebonyereghe, na kumlipa mando awi kwa wundu ghwa mabonyo ghake; mranganyirenyi ngwaro yake, irudie mando awi, kuchumba seji orebonyereghe.

JEREMIA 16:18

Nani nichalipia mawiwi ghawo na kaung'a rawo mando awi, kwa kukaia wamerie kujinona isanga na gharia ra milimu yawo izamie, na kuchura ifwa ja isanga japo wuchafu.”

ISAYA 44:22

Namerie kuinja makosa ghako sa iwingu, na kaung'a rako sa ikungughu; wuya kwapo, kwa kukaia namerie kukukombua.”

ISAYA 43:25

Ini ne Mlungu, uo uinjagha makosa ghako kwa wundu ghwa irina japo, nani sichaarikumbuka kaung'a rako sena anduangi.

HABAKUKI 2:3

Kwa kukaia ngelo ya agho mawono kukatia ndeivikie; ela ngelo yaro iacha. Ikafwana kumuka, kuiweserie; angu loli ichacha ndeichaamuka anduangi.

JEREMIA 29:11

Angu naichi mipango niko nayo cha konyu, ni mipango ya sere, iseko ya wuwiwi, nipate kumneka isuwirio ngelo ra kutua.

ISAYA 35:4

Wizerenyi awo wandu wiko na wowa, “Kaienyi na ndighi, msakeobua! Olenyi Mlungu onyu uchacha kulipia kisasi, uchacha na malipo ghake, upate kumkira.”

MABONYO GHA WADUMI 1:7

Ukawizera, “Si aighu enyu kumanya malagho gha ngelo na vimu uviwikie uja Aba kwa nguma yake anduangi.

DANIELI 11:35

Wamu wa awo wiko na hikima wichabwaghwa; na ilagho ijo jichawibonya wielesho kuchumba; wiele cho, hata kukatia kwa ngelo ra kutua; angu ngelo iwikilo ndeivikie kande anduangi.

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

WAGALATIA 4:4

Ela iji ngelo yakatia, Mlungu oremdumieghe Mwana wake ukavalwa ni muka, nao orevaloghe aisi ya Sharia,

ISAYA 49:25

Hee loli, waghamba BWANA, “Wandu widwalo wunyika wa mundu uwadie ndighi, hata wafungwa wa mng'eti wichakombolwa. Kwa kukaia nichalwa na awo wilwagha na oho, nani nichawikira wana wako.

ISAYA 33:24

Ndekuchaakaia na mndungi isangenyi ughoragha wei, “Neeka mkongo”; kwa kukaia wandu wichaakaia aho, wichalekelwa mawiwi ghawo.

ZABURI 32:1

Warasimilwa uo mundu ufuilo wughoma kaung'a rake, na kulekelwa makosa ghake.

ZEKARIA 1:15

nani neko na machu mabaa nandighi aighu ya mbari ra wandu wawuyakaia kima kwa sere; kwa kukaia ingelo neremaziriagha machu ghapo kwa wundu ghwa wandu wapo, awo wedechuria kuwikoronga.

DANIELI 12:9

Ukanitumbulia, “Ghenda chia yako Danieli, kwa kukaia malagho agha ni ngasu ikabilo mhuri hata kukatia kwa ngelo.

DANIELI 12:4

Ela oho Danieli, kucha icho chuo, kukabe mhuri aighu yaro hata ngelo ya kutua. Wandu wengi wichaghenda ii chia na ii chia wikilola kuchuria kumanya.”

DANIELI 9:12

Oho kookatisha malagho ghako, agho koreghighorieghe aighu yedu na aighu ya awo widibonyere nguma, kwa kureda bugha aighu yedu. Kwa kukaia maza ribonyero Jerusalemu nderibonyero andu kungi ndoenyi kose.

DANIELI 9:2

Mwaka ghwa imbiri ghwa kubonya nguma kwake, ini Danieli nerekoghe ngishoma vuo na dini, na kuririkanya malagho gha iyo miaka mirongo mfungade Jerusalemu ichaakaia ighacho kunughana na seji BWANA oremghorieghe.

JEREMIA 17:18

Watiriri wapo ndewifusho waya, kunilindie nisefusho waya. Kuwibonye wichulo ni kiture, ela ini niseobuo kindo chingi. Kuwiredie ituku ja wasi, kuwibonye winoneke mando awi.

2 MALAGHO GHA NGELO 30:22

Hezekia ukapata ngolo ukawikuma Walawi wose, awo werebonyereghe wudumiki ghwa BWANA nicha. Kwa huwo wandu wikaja vindo va ndima kwa matuku mfungade, na kumfunyira BWANA chawucha, uo Mlungu wa weke ndee.

KUZOYA 34:3

Ngolo yake ikarirwa ni Dina mwai wa Jakobo, hata ukamkunda nandighi, ukakaia ukimja malagho ghisingie.

ISAYA 6:7

Ukaniadada momunyi kwapo na ijo ika, ukaghamba, “Ola iji jakuadada momu ghwako; wuwiwi ghwako ghwainjwa, na oho kwafuilwa wughoma.”

ISAYA 14:3

Ngelo BWANA uchaamredia wuhoreshi kufuma kwa wasi ghonyu, na masumbuko ghenyu, na kufuma kwa iro kazi rikurie moredumikishiroghe,

ISAYA 53:5

Ela odeshoghonolwa kwa wundu ghwa makosa ghedu, na kuvonolwa kwa wundu ghwa mawiwi ghedu; orenekeloghe adhabu kwa wundu ghwa kuboiswa kodu na kwa makabo ghake, dereombochokieghe.

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

ISAYA 54:15

Mndungi ukakufunya kulwa na oho, ugho wuda ndeghufumie kwapo; uo ose uchaabonya wuda na oho uchaghwa moni.

ISAYA 54:17

Ndekuwawdie iswagha jingi jiboisiro jelwa na oho jichaasima, na kula mundu uchaakaianya kimusi na oho kutanyonyi kuchamsima. Iji nijo ifwa ja wadumiki wa BWANA, na wudederii ghwawo ghuafuma kwapo.”

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

ISAYA 66:13

Na sa iji koni mwana uhoreshwagha ni mae, huwo koni na ini nichamhoresha, nenyo mchahora andenyi ya Jerusalemu.

JEREMIA 51:10

BWANA waghamba, “Wandu wapo waghamba, ‘BWANA wamerie kudidederia; nndokonyi dighore kazi ra BWANA Mlungu odu andenyi ya Jerusalemu.’”

KILILO CHA JEREMIA 4:22

Ikabo ja Sioni kwa wundu ghwa kaung'a rake jamerie kukata; BWANA ndechaammbika wubarishonyi sena. Ela BWANA uchakukaba oho Edomu. Na kufunukua wuwiwi ghwa mabonyo ghako worinyi.

EZEKIELI 16:42

Huwo nichakatisha lubio lwapo aighu yako, na iriso japo jichasia; machu ghapo ghichahoa, hata ndeghichaajoka sena anduangi.

ZEKARIA 1:13

BWANA ukamtumbulia uo malaika kwa malagho gha mvono ghehoresha ngolo.

KUFUMA 22:3

ela ikakaia chaawadwa nadime, nao chibwagho, bagha yake ichakotelwa.

ZABURI 85:3

Kwasighie kubia kwako kose, kukahoresha machu ghako mabaa.

MCHILI 3:4

ngelo elila na ngelo eseka; ngelo ya wasi na ngelo evina;

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

ISAYA 51:17

Wuka! Wuka kukaie kimusi ee Jerusalemu, oho korenyueghe kikombe cha machu gha Mlungu kufuma mkonunyi kwake; kwachinyue hata kukachiangamira na kutatarika.

HOSEA 2:16

“Niko aho uchaniwanga mumi wake sena ndechaaniwanga Baali wake sena.

ZEFANIA 3:15

BWANA wamerie kuinja ikabo jenyu, wamerie kuwiwinga wamaiza wenyu wose; BWANA, uo mzuri wa Israeli oko andwamweri nenyo, ndemuwuyaaobua mawiwi ghangi sena anduangi.