ISAYA 3:11 - Biblia Ilagho Jiboie Kwa Wandu Wose

¹¹ Ni bugha kwa mmbiwi angu uchapatwa ni mawiwi, nao uchalipwa kara kara na kazi rake.

ISAYA 3:11 Referans Kwoze

MCHILI 8:13

ela nderikaiagha nicha kwa mmbiwi. Irangi jawo ni sa kiju; wichafwa wakoo, angu wisewuemsikira Mlungu.

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

ZABURI 62:12

na lukundo lukatie. Oho BWANA kwadamlipa mundu karakara na kazi yake.

ZABURI 28:4

Kuwilipe karakara na kazi rawo, kunughana na kuzama kwa mabonyo ghawo; kuwilipe karakara na seji wibonyere, kuwineke mafungu ghawo ghiwifwanagha.

ISAYA 65:20

Ndekuchaakaia na mwana ungi ufwagha uko mkoo, hata mghosi ungi ndechaafwa usekatishire matuku gha wughosi ghwake; kwa kukaia mwana uchazoghua uvike miaka ighana, ima uchefwa; na mghosi ufwagha usevikie miaka ighana, uchatalwa kukaia mkaung'a uwadilo ni njowe.

ISAYA 48:22

“Ndekuwadie sere ingi kwa wawiwi,” waghamba BWANA.

MAKATANISHO 1:31

Kwa huwo mchaja matunda gha mighendo yenyu na kukatwa ni mipango yenyu cheni.

2 WAKORINTHO 5:10

Angu isi diwose, suti dikaie kimusi imbiri ya kifumbi cha kutanya cha Kristo; eri kula mundu upate malipo gha agho oreghibonyereghe ngelo uko mumbinyi; ikaiagha ni mecha, angu mawiwi.

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

2 MALAGHO GHA NGELO 6:23

kusikire kufuma mlungunyi, kutanye wadumiki wako; kukimlipa mkosi seji imfwanagha, na kumdederia mhachi kwa kumlipa kunughana na hachi yake.

AYUBU 10:15

Ngakaia na makosa ni bugha kwapo! Ngakaia mhachi, sikukasagha; kwa kukaia nichazighana makorongo ghapo, na kufwa waya.

MAKATANISHO 12:14

Mundu wadapata mecha kunughana na madedo ghake, sa iji koni upatagha mafungu gha kazi yake.

ISAYA 13:11

BWANA waghora huwu, “Nichaghukaba wurumwengu kwa wundu ghwa wuwiwi ghwake, na wawiwi, kwa wundu ghwa wulaghe-laghe ghwawo; kukukasa kose kwa wandu nichakumeria, na kuwisera awo wikudukie.

ISAYA 65:6

“Olenyi ilagho iji jaandikilo imbiri yapo, Sichaanyama kima ela nichalipia, ee nichawikaba kunughana na mawiwi ghawo;

ISAYA 65:7

mawiwi ghawo na mawiwi gha weke ndee, waghamba BWANA; kwa kukaia wakorie marumba aighu ya mighondi mibaa, wikanimenya aighu ya mighondi mitini. Kwa huwo nichawipimia na kuwilipa kwa wundu ghwa mabonyo ghawo gha kala.”

JEREMIA 21:14

Nichakukaba kunughana na mabonyo ghako ghizamie, nichakora modo andenyi ngome yako na kutotesha kula kilambo chiko mbai-mbai yake.”

JEREMIA 31:30

Wulalo ghwa agho, kula mundu uchabwaghwa ni kaung'a rake. Mundu ujie zabibu rake mbishi, nuo moni maghegho ghake ghichaawadwa ni changarari.”

EZEKIELI 2:10

Ukachikuchua imbiri kwapo, nacho chereandikiloghe na imbiri na nanyuma malagho ghelila na kulilia, na bugha.

EZEKIELI 18:20

Mundu ubonyagha kaung'a uchafwa. Mwana ndechaalipilwa kaung'a ra ndee, hata ndee mwana ndechaalipilwa kaung'a ra mwana. Mundu wa hachi uchalipwa gha hachi; na mundu mmbiwi uchalipilwa gha wuwiwi.

EZEKIELI 24:14

Ini BWANA naghamba, agho malagho ghichakatia; nichaghibonya nimoni. Sichaawuya nyuma, hata sichaalekia, angu kughaluka; ela kunughana na chia ra mabonyo ghako, nichakutanya. Ini Bwana MLUNGU naghamba.”

EZEKIELI 33:8

Ngamzera mundu mmbiwi kukaia uchafwa, na oho kuleghe kumghoria uo mundu mmbiwi eri upate kughaluka na kusigha wuwiwi ghwake, uo mundu mmbiwi uchafwa kwa wundu ghwa makosa ghake, ela bagha yake nichaikotia kwako.

MIKA 3:4

Ngelo yaawuyacha; nenyo mchamkemia BWANA ela ndechaamtumbulia. Ndechaasikira malombi ghenyu angu m'bonyere kiwiwi.

MIKA 7:13

Ela ndoenyi kuchawuya ikara kwa wundu ghwa wuwiwi ghwa wandu wawuyaikaia.

MITALO 32:23

Ela mkalegha huwo, mwameria kum'bonyera BWANA kaung'a; nenyo mkaie na loli kukaia kaung'a ichamfunya shighadi.

WATANYI 9:57

wokoni Mlungu ukalipia ghuja wuwiwi ghorebonyeroghe ni wandu wa Shekemu; wikachelwa ni njowe sa iji koni Jothamu mwana wa Jerubaali orewilodereghe.

2 SAMUELI 3:39

Na ini idime nawuya mnyonge, hata ngera nashingilo mavuda nikaie mzuri; awana wa Seruia waniredia wasi m'baa. BWANA ndemlipe m'bonyi kiwiwi kunughana na wuwiwi ghwake.”

1 WAZURI 21:21

BWANA wakuzera, ‘Ola nichareda mawiwi aighu yako. Nichakuinja putu, na wana wako wa womi nichawiinja putu, wikaiagha wa irika angu waghosi.

MAKATANISHO 11:31

Ikakaia mhachi ualipilwa ahaeni ndoenyi, mundu mmbiwi na mkaung'a wilipwa saki!

MAKATANISHO 26:27

Mundu ukoteragha wazima kina, uchachunuka andenyi, na mundu ubingilishiragha wambenyu igho, jichammburia moni.

EZEKIELI 16:59

Bwana MLUNGU waghamba huwu, “Nichakubonyera maza sa iji koni korebonyereghe, angu kwajimenyere ighemi na kujichikanya ilaghano;