ISAYA 26:6 - Biblia Ilagho Jiboie Kwa Wandu Wose

⁶ Maghu ghawadia ugho muzi, agho maghu gha wakiwa, milambo ya wandu wisewadie kindo chingi.

ISAYA 26:6 Referans Kwoze

WAROMA 16:20

Na Mlungu uo uredagha sere uchamfasha Shetani aisi ya maghu ghenyu kafwani. Mvono ghwa Bwana Jesu Kristo ndeghukaie andwamweri nenyo.

LUKA 10:19

Olenyi namneka nguma rekanyanga aighu ya choka na vishushe, na kurisima ndighi rose ra uja m'maiza, hata ndekuwadie kindo chingi chichaam'bonya ilagho jingi anduangi.

JOSHUA 10:24

wikawireda kwa Joshua. Nao Joshua ukawiwanga wandu wa Israeli, ukawilaghira wabaa wa majeshi awo wereghendanyeghe ukighamba, “Choonyi mmbadie singo ra awo wazuri.” Wikacha na kuwadia singo ra awo wazuri.

WUFUNUO 2:26

Uo usimagha na kuribonya kazi rapo hata kutua, nichamneka kubonya nguma aighu ya iro mbari,

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

1 WAKORINTHO 1:26

Ririkanyenyi kuwangwa konyu wanidu; kunughana na seji wurumwengu ghuko, si wengi wenyu werewangiloghe wiko na hikima, angu kudima, hata wandu wikumikie anduangi.

MALAKI 4:3

Ituku nichaakatisha agho, mchawifasha-fasha wawiwi aisi ya maghu ghenyu.

ZEFANIA 3:11

Ngelo iyo, ndemchaafushwa waya wei morenileghieghe. Nichainja wandu wose werekukasagha na kukuduka, nenyo ndemchaanilegha sena aighu ya mghondi ghwapo ghwa wueli.

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

JEREMIA 50:45

Kwa huwo sikira mpango ghwapo ini BWANA nighubonyere aighu ya Babuloni, na makusudi ghapo nighibonyere aighu ya isanga ja Wababuloni. Loli wana wawo watini wichadwalwa noko, na kula umu uchaoboshwa.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

ISAYA 37:25

Kwaghambie wei kwakotere visima kukanywa machi, na kedi kwawadirie isanga ja Misri hata kukaomera meda yose kwa maghu ghako.

ISAYA 25:10

BWANA uchaghulindia ughu mghondi, na wandu wa Moabu wichawadilwa sa nyasi andenyi ya kina cha mboleo.

ISAYA 3:15

Yakaia wada inyo kuwiwonia wandu wapo na kuwikita wakiwa? Ini BWANA Mlungu wa majeshi naghamba.”

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.

ISAYA 3:14

BWANA wawitanya waghosi, na wabaa wa wandu wake wawizera, “Ni inyo mjie mbuwenyi ra mizabibu, vindo muwisokie wakiwa veko nyumbenyi konyu.

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

ISAYA 28:3

Nao uchawadia na maghu ghake ugho wuzuri ghukukasire ghwa wawongeri wa Israeli;

ISAYA 29:19

Wandu wikuserie wichapata maboilo kufuma kwa BWANA, na wakiwa wichamkasa Uo Mlungu wa Israeli kwa kuboilwa.

2 WAZURI 9:33

Jehu ukawizera, “Mpotuonyi uo muka.” Nao wikampotua, na bagha rimu rake rikatarikia wurigha, na aighu ya farasi. Nao wikaida wikimfasha-fasha.