ISAYA 26:10 - Biblia Ilagho Jiboie Kwa Wandu Wose

¹⁰ Mmbiwi ukadawirilwa ndechaakufundisha hachi; uchabonya mawiwi andenyi ya isanga jiko icha, hata ndewonagha ugho wubaa ghwa BWANA.

ISAYA 26:10 Referans Kwoze

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

WUFUNUO 2:21

Neremnekieghe ngelo upate kuhea, ela waawuyalegha kuhea wulaki ghwake.

MIKA 2:10

Wukenyi mghende; ndemmbwadie wubanana ghungi aha sena. Kaung'a renyu rabonyere andu aha kunoneke.

JEREMIA 2:7

Nerewiredieghe andenyi ya isanga jinorie, wipate kuja matunda na manori gharo. Ela wiendacha werejinonieghe isanga japo, wikajibonya ifwa japo kukaia wuchafu.

MCHILI 3:16

Aighu ya agho, nawonie wurumwengunyi kukaia, andu loli na hachi ifwane ikaie, ghorekoghe wuwiwi.

MAKATANISHO 1:32

Wandu wisemanyagha wiabwaghwa ni kulegha hikima, na wukelu ghwawo ghuchawitotesha.

ZABURI 106:43

BWANA orewivuvueghe wandu wake mando mengi, ela weresaghueghe kumlegha, na kughenda ndenyi kaung'enyi.

WUKUMBUSO 32:15

“Wandu wa BWANA werewurieghe wazuri wa mali, ela waleghi; werejieghe vindo wikabanda na kusisina. Weremsighieghe Mlungu Muumbi wawo, na kumlegha mkiri wawo uwadie ndighi.

KUFUMA 9:34

Ela iji Farao wawona angu vua na vua ya magho na lukuwa vasia, ukabonya kaung'a sena; ukakurisha ngolo yake, uo moni na wadumiki wake.

KUFUMA 8:15

Ela iji Farao orewonieghe angu maza rakaia baa, ukaikurisha ngolo yake sa iji koni BWANA oreghorieghe; hata nderewisikireghe Musa na Haruni anduangi.

HOSEA 13:6

Ela iji morejieghe mkaghuda andenyi ya isanga ja ilaghiro, morekujosereghe ngolonyi konyu mkaniliwa.

HOSEA 9:3

Wandu wa Israeli ndewichaakaia isangenyi ja BWANA, ela wichawuya cha Misri na kuja vindo viseelie aho Ashuru.

JEREMIA 31:23

BWANA wa majeshi, uo Mlungu wa Israeli waghamba huwu, “Ngelo nichaawiwunja wandu isangenyi kwawo, wichatumia agha malagho sena andenyi ya isanga ja Juda na andenyi ya mizi yawo, ‘BWANA ndeghurasimie ugho mghondi ghwa wueli ghwa Jerusalemu, aho andu kwa wueli ukaiagha.’

ISAYA 27:13

Na ngelo iyo tarumbeta mbaa ichakabwa, na awo werelagharieghe isanga ja Ashuru, na awo werewingiloghe cha isanga ja Misri, wichacha kumtasa BWANA aighu ya mghondi ghuelie Jerusalemu.

ISAYA 24:5

Ndoenyi kwanoneka kwa wundu ghwa wandu wake, kwa kukaia warinona sharia na kulegha memu yake; nawo wajichikanya ijo ilaghano ja kala na kala.

ISAYA 5:12

Andenyi ya karamu rawo wawika vinubi, zeze, kayamba, pung'a, na chofi; nawo ndewitalagha mabonyo gha BWANA, hata kazi ra mikonu yake.

ISAYA 2:10

Ngia mbangenyi kukuvise mrumenyi, kupate kukaia kula na machu gha BWANA; na wubaa ghwa nguma yake.

ZABURI 143:10

Oho ko Mlungu wapo; nifundishe kubonya lukundo lwako; kaia mucha kwapo, kunilongoze kwa chia ndicha. Roho wako mucha ndenighenje kwa chia ya kara kara.

1 SAMUELI 15:17

Nao Samueli ukaghamba, “Hata ngera kwawuyakumenya kumoni, na kukuwona ndekufwane, ela uko nechi ni oho kumoni m'baa aighu ya vichuku va Israeli BWANA odekushinga mavuda kukaie mzuri aighu ya Israeli.

ISAYA 32:6

Mkelu wadadeda wukelu ghwake, na maghesho ghake ghadakaia aighu ya wuwiwi. Wadamsholia Mlungu na kuwisigha awo wisewadie vindo wikaie njala na awo wisewadie machi wikaie kau.

MATHAYO 4:5

Nao Ibilisi ukamdwa Jesu hata Jerusalemu ghuja muzi ghwa wueli; ukammbika koighu hekalunyi,

KUFUMA 9:30

Elaima sena namanya angu oho na wandu wako mwaduagha msemuobuagha BWANA Mlungu anduangi.”

ZABURI 69:27

Kuwiwikie mtalo ghwa kaung'a rawo rose, wisepate ifungu jingi ja kukia kwako.

ISAYA 32:7

Mundu wa mikalo ni mmbiwi, wadaghesha malagho gha wuwiwi, upate kumkita mkiwa kwa mikalo yake, hata ngera malombi gha uo mkiwa ni gha hachi.

2 WAZURI 13:6

Elaima sena ndewerekutanyireghe na kaung'a ra nyumba ya Jeroboamu, iro orewishekerieghe Waisraeli kungia kaung'enyi; wikachuria kukaia andenyi yaro. Hata ndewereinjireghe ija fwana ya mlungu ghwa waka Ashera aja Samaria.)

MCHILI 8:11

Wandu waawuyabonya makosa kwa kukaia wisewuyetanywa shwa-shwa kwa wundu ghwa agho makosa wighibonyere.

ISAYA 1:21

Yakaie wada muzi ghorekoghe mloli, kuwuya sa ilaya; ugho ghorechuloghe ni loli! Hachi erekoghe andenyi kwake, ela idana ghwachulwa ni wabwaghi.