ISAYA 24:3 - Biblia Ilagho Jiboie Kwa Wandu Wose

³ Ndoenyi kuchanoneka putu na kumerelwa, kwa kukaia BWANA wajighora ilagho iji.

ISAYA 24:3 Referans Kwoze

ISAYA 24:1

Olenyi BWANA uchaikaba ndoe, na kuiboya isigho nduu; uchaivurugha na kuwisaghisa wandu wikaiagha andenyi yaro.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

MIKA 4:4

Kula mundu uchakaia na sere aisi ya mzabibu na mtini ghwake, hata ndekuwadie mndungi uchaamuobosha; angu BWANA Uwadie-Ndighi-Rose walaghira.

EZEKIELI 36:4

kwa huwo ee mighondi ya Israeli, sikira seji ini Bwana MLUNGU nighambagha aighu ya mighondi mibaa na mitini, mavongo na vololo, andu kusighilo kuduu, na mizi ya kireti iwurie madiwo na kusekwa ni wandu wa mbari riko mbai-mbai;

ISAYA 22:25

Ngelo iyo, icho kikosi cherekomereloghe chichasughusika na kukuka, na ugho wulemeri ghose ghorekoghe aighu yaro ghuchainjwa angu ini BWANA naghamba.”

ISAYA 21:17

Wandu wa ndana wa Kedari wiko na ndighi, wichasigharika watini; ini BWANA Mlungu wa majeshi naghamba.”

2 MALAGHO GHA NGELO 36:21

Ilagho ja BWANA jereghoreloghe ni Mlodi Jeremia jipate kukatia kwaro, hata isanga jivikie kuboilwa ni sabato raro. Matuku ghose jeresighiloghe iduu jedeeka jikiwadia Sabato hata miaka mirongo mfungade ikatie.

WUKUMBUSO 29:28

Niko BWANA ukawifunya isangenyi kwawo kwa machu na kubia na makai mabaa, ukawikumba noko cha isanga izima seji iko idime.’

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.

JEREMIA 13:15

Deghenyi madu msikire; msakekukasa, angu BWANA wameria kughora.

ISAYA 5:6

Nichaisigha inoneke putu, mizabibu ndeichaaboiswa hata kulimilwa; nayo ichabukwa ni isaka na minjwa. Nichalaghira mawingu ghisenyeshe vua ingi aighu yake sena.”

ISAYA 24:2

Kula mundu uchakabwa. Mkohani uchapatwa ni malagho karakara na wandu; bwana uchapatwa ni malagho karakara na mzumba wake; bibi uchapatwa ni malagho karakara na mwai wake wa kazi. Muuzi uchapatwa ni malagho karakara na mghui; na uo ukopeshagha kara kara na mkopi.

ISAYA 24:4

Ndoenyi kwanyaya na kuoma, wurumwengu ghwaawuyasia na kuoma, na mlungunyi kwaawuyasianya na ndoenyi.

MIKA 2:4

Ngelo iyo ikavika, wandu wichatumia lughano lukaie mfwano ghwa wasi, nawo wichabora lumbo ulu lofwa ngolo kwa agho mughiwonie wikighamba, ‘Dameria kunonwa putu, BWANA wamerie kuwusa isanga jedu, na kujineka wandu wididwae wunyika.’”

ISAYA 42:22

Ela awa ni wandu wiwadilo, wikaiwa, na kufungilwa mirumenyi wose; wangirilo jela, hata ndekuwadie ungi owivuvua, hata oghora Wiwunjenyi!