ISAYA 21:3 - Biblia Ilagho Jiboie Kwa Wandu Wose

³ Malagho nighiwonie kwa mawono agho ghanioboshere na kunivavira, ngawawa sa muka ukumbagha lufu kwa kuva; agho nighisikire, ghanikambirie chongo, nafwa waya hata sidimagha kuzighana.

ISAYA 21:3 Referans Kwoze

ISAYA 13:8

nawo wichafwa ngolo. Wandu wose wichangilwa ni wowa na kuwawa karakara na muka wawuyakufungua. Wichazighanana weni na weni kwa wowa, wilushire mawushu.

ISAYA 26:17

Derekoghe karakara na muka uko na kifu, ukumbagha lufu ngelo yake yavika; huwo niko derekoghe kwa wundu ghwako ee BWANA.

ZABURI 48:6

Wikawadwa ni kusughusika aho, wikapatwa ni luwawo sa lwa muka ukumbagha lufu lova.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.

JEREMIA 48:41

mizi ichawuswa, na ngome richawadwa. Ngolo ra mang'oni gha Moabu ituku ijo richawuya sa ngolo ya muka ukumbagha lufu lova.

ISAYA 16:11

Kwa huwo niaililia Moabu na muzi ghwa Kir-heresi.

HABAKUKI 3:16

Nasikire agho malagho, ngasughusika; na memu yapo ikasughusika kwa wowa. Maindi ghapo ghikateweleka, ngawoka kutighina. Nichaweseria mboaeri ituku jivike, ingelo Mlungu uchaawikaba wandu wawuyadikaba.

JEREMIA 50:43

“Mzuri wa Babuloni wasikire malagho gharo mikonu yake ikateweleka; ukangilwa ni luwawo, sa lwa muka ukumbagha lufu lwa kuva.

JEREMIA 49:22

Olenyi mbari imu ichajoka shwa iangue sa indu, na kughorua mawawa ghake aighu ya Bozra, ipate kuikaba; na ngolo ra mang'oni gha Edomu ituku ijo, richatika-tika sa muka ukumbagha lufu kwa kuva.”

ISAYA 16:9

Kwa huwo nichalila seji Jazeri ulilagha, kwa wundu ghwa zabibu ra Sibma; nichamdiria mbori rapo ee Heshboni na Eleale, kwa kukaia makuwido gha matunda ghenyu, na kuboilwa konyu kwainjwa ni wuda.

ISAYA 15:5

Ngolo yapo ialilia isanga ja Moabu, wandu wake wiakimbiria isanga ja Soari na Eglathi-shelishia, wamu wiajokeria na mshoromoto ghwa Luhithi wikilila, na wamu wiaghenda wikilila kwa wasi cha Horonaimu.

WUKUMBUSO 28:67

Kwa wundu ghwa wowa mchaakaia nagho aighu ya agho mchaakaia mkighiwona, mchakaia mkighamba nakesho, ‘Ndoe iswali!’ Na luma lwa kenyi mchaghamba, ‘Ndoe ielali!’

JOHANE 16:21

Iji muka wakakufungua, wadakaia na wasi angu ngelo yake ekumba lufu yameria kuvika; ela iji mwana wameria kuvalwa wadaliwa luja luwawo lose kwa kuboilwa, angu mundu wavalwa wurumwengunyi.

JEREMIA 4:19

Luwawo lubirie! Luwawo lubirie! Niaghala-ghala kwa ulo luwawo! Ai kondenyi ngolonyi kwapo! Ngolo yapo yaawuyakaba icho kisha, sidimagha kunyama kima; kwa kukaia naawuyasikira lwaka lwa tarumbeta, lwaka lwa wuda.

JEREMIA 6:24

Wandu wa Jerusalemu waghamba, “Dasikire agho malagho na mikonu yedu ikadateweleka. Dapatwa ni luwawo lubaa sa lwa muka ukumbagha lufu.