ISAYA 21:2 - Biblia Ilagho Jiboie Kwa Wandu Wose

² Nawonie mawono gha malagho ghikurie: mundu osoka, waawuyasoka; na mtoteshi, waawuyatotesha. Inyo majeshi gha Elamu, kabenyi muzi; inyo majeshi gha Media, ghurughaienyi muzi. Mlungu uchaghumeria wasi ghose ghuredelo ni Babuloni.

ISAYA 21:2 Referans Kwoze

JEREMIA 49:34

BWANA oreghorieghe nani aighu ya Elamu, iji Zedekia orezoyagha kubonya nguma.

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

ISAYA 24:16

Kufuma kutua kwa ndoenyi, dasikira chumbo ra makaso; ni chumbo remkasa Uo Mhachi. Ela ini nawuyaghamba, “Naawuyasia, ni bugha kwapo naawuyasia! Kwa kukaia Mkalii waawuyanifunya kwa mikalo, waawuyanifunya kwa mikalo.”

ZABURI 60:3

Kwawibonyere wandu wako wikapatwa ni wasi m'baa; daawuyatatarika sa wandu winyue divei wikawongia.

WUFUNUO 13:10

Ikakaia mndungi wawikilo udwalo wunyika, uchadwalwa wunyika ngera mndungi wabwagha kwa lufu, uchabwaghwa kwa lufu. Aha niko jikundikie irumaghio na irumirio ja waeli.

DANIELI 5:28

PERES: kutambua kwaro wuzuri ghwako ghwamerie kuwaghwa na kunekwa Wamedi na Wapashia.”

DANIELI 8:20

“Iyo bauru kuiwonie iko na mbembe iwi, ni wazuri wa Waamedi na wa Pashia.

KILILO CHA JEREMIA 1:22

“Kuwitanye kwa wundu ghwa mawiwi ghawo; wikabe seji kunikabie kwa wundu ghwa kaung'a rapo. Nasirimika kwa wasi, na ngolo yapo yakaia mkongo.”

JEREMIA 51:53

Hata ngera Babuloni wakujosa hata mlungunyi, na kuagha ngome rake rimange koighu, ela sena nichamdumia wandu wemtotesha, ini BWANA naghamba.”

JEREMIA 51:44

Nani nichamkaba Beli ghuja mlungu ghwa Babuloni na kumdaisa ivo vindo uvimilie; wandu wa iro mbari ndewichaamchea sena, wurigha ghwa Babuloni ghameria kughwa.

JEREMIA 51:11

Kalishenyi mawanu, mmbwade ngao! Ini BWANA narinyavurishire roho ra wazuri wa Wamedi, kwa kukaia makusudi ghapo aighu ya Babuloni ni kutotesha ugho muzi; angu icho nicho kisasi chapo kwa wundu ghwa Hekalu yapo.

JEREMIA 50:34

Mkomboli wawo oko na ndighi, irina jake ni BWANA wa majeshi. Loli ucharizighana maza rawo, upate kureda kuhora ndoenyi; ela kwa wandu wikaiagha Babuloni, uchawisowia kuhora.”

JEREMIA 50:14

“Kupangenyi mmbeni aighu ya Babuloni inyo wandu mlwagha kwa ndana, mughurughaie ugho muzi; mughulase, hata msesighe iwanu jingi, kwa kukaia ghwabonyere kaung'a aighu yapo ini BWANA.

JEREMIA 45:3

“Ee Baruku, koreghambieghe, ‘Ni bugha kwapo kwa kukaia BWANA wanichuria wasi aighu ya kuwawa kwapo, nasirimika kwa wundu ghwa kuruma kwapo, hata siwadie kuhora kungi anduangi.’

JEREMIA 31:25

Angu nichaihoresha iyo roho isirilo, na kula roho idumbukagha nichaighudisha.”

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

ISAYA 47:6

Wandu wapo werenivavirieghe ngolo, ngawilusha wandu wa ifwa japo; ngawingira mikonunyi kwako, na oho ndekorewifuyeghe wughoma hata kutini; kukawingira waghosi ghongolo ilemere nandighi.

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 22:6

Majeshi ghafuma Elamu ghameria kucha wiko na ndana na mawanu, wajoka magare na farasi; na Kiri wawada ngao.

MAKATANISHO 13:15

Maghesho ghiboie ghadam'bonya mundu urumirilo, ela kusowa wuloli kwadareda kunoneka.

ZABURI 79:11

Sikira kuruma kwa wafungwa, na kwa ndighi rako mbaa, kuwikire awo witanyiro kufwa.

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

1 SAMUELI 24:13

Na sa iji koni ikatanisho ja wandu wa kala jighorie, ‘Wuwiwi ghwadafuma kwa Wawiwi,’ kwa huwo ini sichaakubonya kiwiwi anduangi.

2 WAZURI 17:6

Mwaka ghwa ikenda ghwa Hoshea, niko mzuri wa Ashuru uwadie muzi ghwa Samaria, ukadwa Waisraeli wunyika hata Ashuru na kuwiwika muzi ghwa Hala, kaavui na Moda ghwa Habori, isanga ja Gozani hata na andenyi ya mizi ya Wamedi.

ZABURI 25:3

Mundu ukusuwiriagha oho, ndefushwagha waya jingi; ela wandu wa mikalo wichafushwa waya.

ZABURI 119:158

Ngawona wandu wisene irumirio niazamilwa, angu wiseghiwadiagha malaghiro ghako.

DANIELI 5:9

Nao mzuri Belshazari ukasumbuka nandighi, na fwana yake ikaghaluka, hata wabaa wake wa isanga wikasowa jebonya.

KUZOYA 10:22

Wana wake ni: Elamu, Ashuru, Arpakishadi, Ludi na Aramu.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 14:4

mchamseka mzuri wa Babuloni mkighamba; “Mkorongi watua! Lung'eto lwa kubia kwake lwasia!

ISAYA 14:7

Wurumwengu ghose ghwahora na kunyama, na kula mundu uabora na kuboilwa.

JEREMIA 25:25

wazuri wose wa Zimri, wazuri wose wa Elamu, na wazuri wose wa Media;

JEREMIA 49:35

BWANA Mlungu wa majeshi ukaghamba huwu, “Olenyi nichawibwagha wandu wa Elamu wose wilwagha na ndana wikusaghikagha nawo;

DANIELI 8:2

Ngawona mawono seji neeka andenyi ya muzi m'baa Susa ghuko andenyi ya isanga ja Elamu, niko kimusi kaavui na Moda ghwa Ulai.