ISAYA 21:1 - Biblia Ilagho Jiboie Kwa Wandu Wose

¹ Agha ni malagho aighu ya kireti cha baharinyi. Wuwiwi ghuchacha karakara na kiremba kibaa chiwetagha Negebu.

ISAYA 21:1 Referans Kwoze

ISAYA 14:23

Nichaghubonya ugho muzi ghuwuye malalo gha kiseseghede na kubuka vichi; nani nichaguinja kwa mfwagio ghototesha; ini BWANA wa majeshi naghamba.”

JEREMIA 51:42

Babuloni yamilwa ni bahari, yafinikirwa ni mivo-mivo yaro irurumagha.

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

ZEKARIA 9:14

Niko BWANA uchafutuka aighu ya wandu wake, na kukumba mawanu ghake sa luhehia; BWANA Mlungu uchakaba tarumbeta, na kughenda andenyi ya kikulughulu cha kusinyi.

ISAYA 17:1

Agha nigho malagho aighu ya Dameshki. “Dameshki ndeichaakaia muzi sena, ela ghuchawuya maghacho.

DANIELI 11:40

“Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.

EZEKIELI 31:12

Waghenyi, awo wizamie nandighi wa iro mbari ra wandu, wichaghudema na kughusigha. Mbashu richaghuya mighondinyi na mavongonyi, na mbonge raro richachika-chika a medenyi isangenyi; wandu wose wa ndoenyi wichasigha kukaia aisi ya kiju chake.

EZEKIELI 30:11

Uo na wandu wake wikwanye wioboshagha iro mbari kuchumba, wicharedwa wipate kunona ijo isanga; nawo wichabwagha wandu kwa lufu aho Misri, na isanga jichachulwa ni wafu.

AYUBU 37:9

Mbeo ya kiremba yadaacha kufuma kusinyi, na mbeo isukagha yadacha kufuma kaskazinyi.

ISAYA 5:28

Mawanu ghawo ghakalie, na ndana rawo rafungilo; kochokocho ra farasi rawo rakurie sa magho, na magurudumu gha magare ghawo ghiamara sa kikulughulu.

EZEKIELI 1:4

Na iji nerekoghe ngizighana, ngawona kiremba kibaa cha mbeo chikiweta chia ra kaskazinyi, na iwingu ibaa jiko na mwengere ghujimarie chia rose; na modo ghukikumba lumu ngelo rose, na ghadi na ghadi ya ugho modo, kilambo chimu cherekoghe chiking'ala-ng'ala sa shaba.

EZEKIELI 38:9

Kuchawuka na kucha sa kiremba, na sa ikungughu ibaa kujifinikira isanga; kuchawichea na masikari ghako ghose, na wandu wengi mkwanye.”

ISAYA 13:13

Kwa huwo nichasughusa mlungunyi, na ndoenyi kuchasughusika hata kufume andu kwaro, ngelo Ini BWANA wa majeshi nichaawonyera machu ghapo ghibirie.

ISAYA 14:1

BWANA uchakaia na wughoma kwa wandu wa Israeli, na kuwisaghua sena; nao uchawiwunja isangenyi jawo jeni, na waghenyi wichacha kukaianya nawo.

ISAYA 14:14

Nichajoka ighu niide mawingunyi, nichakaia karakara na Uo-Uko-Aighu-Nandighi.’

ISAYA 47:1

BWANA waghamba, “Sea, kusee kidombo a terinyi ee muzi ghwa Babuloni; seria andonyi kuseko na kifumbi cha nguma, ee muzi ghwa Wakaldayo! Kwa kukaia ndekuchaawangwa sena, ughokie, ufwano.

JEREMIA 51:1

BWANA waghamba huwu, “Olenyi nichareda mbeo enona aighu ya Babuloni na wandu waro;

JEREMIA 51:51

Nenyo mwaghamba, ‘Isi daawuyafushwa waya, angu dimenyero na kufushwa waya; kwa kukaia wandu wa kighenyi wachee, na kungia andenyi ya andu kwa wueli, andenyi ya Hekalu.’