ISAYA 2:4 - Biblia Ilagho Jiboie Kwa Wandu Wose

⁴ Uchareda kutanya aghadi ya mbari ra wandu, na kudumbua njama ra wandu wengi, wichachana chufu rawo riwue maghembe, na mafumu ghawo ghiwue miundu, mbari nderichaalwa sena, hata nderichaakufundisha kulwa wuda sena anduangi.

ISAYA 2:4 Referans Kwoze

MIKA 4:3

Uchatanya aghadi ya wandu wa mbari nyingi na aghadi ya wandu wiwadie ndighi kula na kaavui. Wichachana chufu rawo riwuye maghembe, na mafumu ghawo ghiwuye mindu. Mbari nderichaalwa reni na reni, hata nderichaakufundisha kulwa wuda sena anduangi.

HOSEA 2:18

“Ituku ijo nichabonya ilaghano na nyamandu, nyonyi, na shimandu riavuagha andoenyi, kukaia nderichaabonya wandu wapo ilagho jingi. Wokoni nichainja ndana rose na chufu relwa wuda isangenyi na wandu wapo wichakaia banana.

ZEKARIA 9:10

BWANA waghamba, “Nichainja magare gha wuda kufuma Israeli, na farasi kufuma Jerusalemu; na ndana ra wuda richanonwa. Mzuri onyu uchabonya sere ikaie aghadi ya mbari ra wandu; na nguma yake ichaera kufuma bahari hata bahari, na kufuma Moda ghwa Eufrate hata kutua kwa ndoenyi.”

ISAYA 32:18

Wandu wapo wichakaia nicha isangenyi, na nyumba rawo richakaia na sere, andu kuhorie kwa kima.

ZABURI 46:9

Wadabonya wandu wisighe wuda ndoenyi kose; wadachikanya ndana, na kunona mafumu; wadakora ngao kwa modo.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

JOELI 3:10

Chanenyi maghembe ghenyu ghiwuye chufu, na miundu yenyu iwuye mafumu; hata uo uko mnyonge ndeghambe “Ne ing'oni.”

1 SAMUELI 2:10

Wamaiza wa BWANA wichadumbulwa vipande vipande, uchawikaba na lukuwa kufuma mlungunyi BWANA uchatanya ndoenyi kose, uchamneka mzuri wake ndighi, na kumchuria ndighi uo msaghulwa wake.”

ZABURI 82:8

Choo kughutanye wurumwengu ee Mlungu, angu wandu wose ni wako.

WUFUNUO 19:11

Niko nerewonieghe mlungunyi kwarughulwa, ngawona farasi ya chokwa, na uo orejokieghe wawangwa Mloli, na Mhachi, nao wadatanya kwa hachi, na kubonya wuda.

MABONYO GHA WADUMI 17:31

Angu wawikie ituku jechaghutanya wurumwengu kwa hachi, kwa mundu uo oremmbikieghe; nao wawiwonyera wandu wose wuloli ghwa ilagho ijo kwa kumrukisha mundu uo kufuma kwa wafu.”

ISAYA 9:5

Kula chadu cha mundu wa wuda, na kula nguwo iwadie bagha, ichakorwa sa mbande.

ZABURI 110:6

Uchatanya wandu wa mbari zima, na kubwagha wandu wengi aghadi kwawo, uchawisima wabaa wa ndoenyi kose.

ZABURI 96:13

imbiri ya BWANA iji wacha kubonya nguma ndoenyi. Uchawibonyera nguma wandu wiko wurumwengunyi kwa hachi na loli.

ISAYA 32:17

Kazi ya hachi ichakaia kureda sere, nayo ichareda wumboa na kurumirikia kwa kala na kala.

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

JOELI 3:12

“Suti mbari zima wikuwike tayari kusea cha Vololo Etanya. Ini BWANA nichasea kidombo aho nipate kutanya mbari rose ra wandu wimarie mbai mbai.

ZABURI 46:10

Waghamba, “Sighenyi kulwa munimanye kukaia ne Mlungu. Ne m'baa aghadi ya mbari ra wandu, ne m'baa ndoenyi!”

ISAYA 42:3

mrangi ghufashikie ndechaaghuchikanya, hata wutambi ghufukiagha mosi ndechaaghurimisha; ela uchareda kutanya kwa hachi.

HOSEA 2:20

Nichamangisha ilaghiro japo na kukubonya kukaie wapo; na oho kuchanirumiria kukaia BWANA.