ISAYA 2:10 - Biblia Ilagho Jiboie Kwa Wandu Wose

¹⁰ Ngia mbangenyi kukuvise mrumenyi, kupate kukaia kula na machu gha BWANA; na wubaa ghwa nguma yake.

ISAYA 2:10 Referans Kwoze

JEREMIA 10:7

Nani usekuobuagha oho ee Mzuri wa iro mbari ra wandu? Angu kwafwana oho kuwusa ijo ishima; angu ndekuwadie ungi sa oho, aghadi ya wandu wa akili wa iro mbari, hata aghadi ya mawuzuri ghawo ghose.

2 WATHESALONIKE 1:9

Wichapata ikabo ja kutoteshwa kwa kala na kala, na kuwikwa kula na Bwana na ghuja wubaa ghwa kudima kwake,

LUKA 23:30

Niko wichazoya kuizera mighondi mibaa, ‘Dighuyenyi,’ na ija mitini ‘Difinikirenyi,’

LUKA 12:5

Ela nichammbonyera uo ufwane kuobolwa, muobuonyi uo nyuma ya kubwagha, uko nandighi rekumba jehanamunyi, ee namghoria, muobuonyi Uo.

HOSEA 10:8

Andu kwa ighu kwa wulaghe-laghe, korebonyeroghe kwa wundu ghwa Israeli kutasa milimu kuchanonwa. Kuchabukwa ni minjwa na mtaranganga, nayo ichazoghua na kufinikira madhabahu rawo. Wandu wichaizera mighondi mibaa na mitini, “Dighuenyi mudifinikire.”

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

ISAYA 42:22

Ela awa ni wandu wiwadilo, wikaiwa, na kufungilwa mirumenyi wose; wangirilo jela, hata ndekuwadie ungi owivuvua, hata oghora Wiwunjenyi!

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

ZABURI 90:11

Nani uichi ndighi ra machu ghako? Nani umanyagha lubio lwako seji kuobolo?

AYUBU 31:23

Kwa kukaia nerekoghe ngiobua ikabo ja Mlungu, seredimagha kubonya huwo anduangi.

AYUBU 40:13

Wirike wose chiaimweri andoenyi; kuwifunge andenyi ya wurumwengu ghwa wafu.

ZABURI 145:12

eri wandu wose wipate kumanya mabonyo ghako gha ndighi, na kuboa kwa wubaa ghwa wuzuri ghwako.

ISAYA 25:11

Nawo wichakaia wikighorua mikonu yawo andenyi ya icho kina sa mundu ubung'agha machinyi, ela BWANA uchasera uko kukujosa kwawo hata ngera weko na akili;

JEREMIA 13:9

“Huwo niko nichaanona kukujosa kwa Juda, na uko kukujosa kubaa kwa Jerusalemu.

NAHUMU 3:11

Na oho Nineve wori kuchawongia kulaghalo ni akili, kuchakimbia cha kivisonyi kwendelola andu kokimbiria kwa m'maiza wako.