ISAYA 19:4 - Biblia Ilagho Jiboie Kwa Wandu Wose

⁴ nani nichawingira Wamisri mikonunyi kwa bwana mkorongi, nawo wichabonyerwa nguma ni mzuri ubirie, ini Bwana, Uo BWANA wa majeshi naghamba.”

ISAYA 19:4 Referans Kwoze

ISAYA 20:4

niko koni mzuri wa Waashuru uchaawidwa Wamisri na Waethiopia wubarishonyi watini na wabaa wiko duu na maghu maduu, mashimba ghawo ghikiwoneka; Wamisri wipate kufushwa waya.

EZEKIELI 29:19

Kwa huwo, ini Bwana MLUNGU naghamba huwu: Olenyi nichamneka Nebukadnezari isanga ja Misri, nao uchawada mali raro na kuridwa wunyika, ripate kuwuya malipo gha iyo kazi ikurie ibonyero ni ijeshi jake.

JEREMIA 46:26

Nichawingira mikonunyi kwa awo wandu wikunde kuwibwagha, ee, kwa Nebukadnezari mzuri wa Babuloni na wabaa wake. Konyuma Misri ichakailwa ni wandu sa kala.

ISAYA 19:2

BWANA waghamba, “Nichawinyavurisha Wamisri, nawo wichalwa weni na weni, wichalwa mundu na mruna, na mundu na mmbao. Muzi kwa muzi na wuzuri kwa wuzuri.

ZABURI 31:8

hata ndekunisighie nisimo ni wamaiza wapo, kwanibonya nighende nicha.

1 SAMUELI 23:7

Sauli ukasikira kukaia Daudi wachee Keila. Nao Sauli ukaghamba, “Mlungu wamngira mikonunyi kwapo; waendangia muzi ghuko na mbenge ra vuma na kukurughia andenyi!”

EZEKIELI 30:12

Nani nichaomera Naili, na kuneka wandu wawiwi ijo isanga. Nichainja kula kilambo chiko andenyi ya ijo isanga jipate kusighwa iduu, kwa kutumia mikonu ya waghenyi; ini BWANA naghora ilagho ijo.”

NAHUMU 3:10

Ela sena wandu wa Thebesi wikadwalwa wunyika; wana wake watini werekoghe wikikabwa na kubwaghwa kutuonyi kwa kona ya kula chia. Wandu wake wikumikie wa ishima werefungiloghe na minyororo, wikawaghwa kwa kukabilwa kura ni awo wandu werewidwaeghe wunyika.

ISAYA 20:3

BWANA ukaghamba, “Sa iji mdumiki wapo Isaya waghenda duu, na maghu maduu, kwa miaka idadu kukaia alama na mashiniko aighu ya Misri na Ethiopia;