ISAYA 17:3 - Biblia Ilagho Jiboie Kwa Wandu Wose

³ Ngome ya Israeli ichainjwa na wuzuri ghwa Dameshki ghuchasia, na masighariko gha wandu wa Siria wichasowelwa ishima sa wandu wa Israeli, ini BWANA wa majeshi naghamba.”

ISAYA 17:3 Referans Kwoze

HOSEA 9:11

Kudima kwa Israeli kuchainjika sa nyonyi yaburuka; ndekuchaakaia na kuva wana angu kukaia na kifu, hata kungilwa ni kifu.

ISAYA 8:4

kwa kukaia, imbiri mwana uhu usemanyire kuwanga ‘Aba’ angu ‘Mao,’ mali ra Dameshki na vilambo viwadilo wunyika va Samaria vichadukwa ni mzuri wa Ashuru.”

ISAYA 7:16

Angu imbiri ya uo mwana kumanya kulegha mawiwi na kusaghua mecha, isanga ja awo wazuri wawi kwawuyawiobua jichasighwa iduu.

ISAYA 7:8

Kwa kukaia muzi m'baa ghwa Siria ni Dameshki, na m'baa waro ni Mzuri Resini. Na kwa wundu ghwa Israeli andenyi ya miaka mirongo irandadu na misanu, wichakaia wameria kusaghisika wisekaie mbari sena.

AMOSI 8:14

Awo wandu wighemagha kwa milimu ya Samaria, wikighamba, ‘Kwa mlungu ghwa Dani’ angu ‘Kwa mlungu ghwa Beer-sheba’ wandu awo wichaghwa hata ndewiichaawuka sena.”

HOSEA 10:14

Kwa huwo izungu ja wandu wa wuda jichacha aighu ya wandu wenyu, na ngome renyu rose richanonwa. Ichakaia seji Mzuri Shelmani orenonieghe muzi ghwa Beth-abeli ngelo ra wuda; weke mao na wana wawo wikabwaghwa.

HOSEA 8:8

Israeli oofwanana na wandu wa iro mbari; ooka aghadi kwawo sa nyungu ibarikie.

HOSEA 3:4

Wandu wa Israeli wichakaia wisewadie mzuri angu m'baa ungi kwa matuku mengi; wiseko na kufunya vizongona, hata nguro ya wueli, hata milimu na fwana na naivera.

HOSEA 1:6

Nao Gomeri ukapata kifu sena, ukava mwana wa waka. BWANA ukamzera Hosea, “Mmbange ‘Usekundo,’ angu sichaakaia na lukundo kwa wandu wa Israeli wei niwifuye wughoma.

HOSEA 1:4

BWANA ukamzera Hosea, “Mmbange irina jake Jezreeli, angu yasighwa ngelo ndinieri, nani nichamkaba Mzuri Jehu kwa wundu ghobwagha wandu Jezreeli, nani nichaghumeria wuzuri ghwa wandu wa Israeli.

ISAYA 17:4

BWANA ukaghamba, “Ngelo ichacha na wubaa ghwa Israeli ghuchasia, na wuzuri ghwake ghwa mali ghuchawuya wukiwa.

ISAYA 16:14

Ela idana BWANA waghamba, “Andenyi ya miaka idadu kukatia gi, wubaa ghwa Moabu ghuchasia; hata ngera weko wengi saki, ela awo wichaakia ni watini, sena wichakaia wanyonge.”

ISAYA 10:9

Nakabie muzi ghwa Kalno sa muzi ghwa Karkemishi; na muzi ghwa Hamathi sa muzi ghwa Arpadi; na muzi ghwa Samaria sa Dameshki.

2 WAZURI 17:6

Mwaka ghwa ikenda ghwa Hoshea, niko mzuri wa Ashuru uwadie muzi ghwa Samaria, ukadwa Waisraeli wunyika hata Ashuru na kuwiwika muzi ghwa Hala, kaavui na Moda ghwa Habori, isanga ja Gozani hata na andenyi ya mizi ya Wamedi.

2 WAZURI 16:9

Mzuri wa Ashuru ukamsikira, ukaghujokia muzi ghwa Dameshki ukaghuwada; na kudwa wandu waro wunyika hata Kiri; ukam'bwagha Rezini.

ISAYA 25:2

Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.