ISAYA 16:5 - Biblia Ilagho Jiboie Kwa Wandu Wose

⁵ Niko icho kifumbi cha nguma chichamangishwa kwa lukundo lukatie, na umu wa kivalwa cha Daudi uko mloli uchachiseria, uo utanyagha ukilola hachi, nao ndemukagha kubonya hachi.)

ISAYA 16:5 Referans Kwoze

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

MIKA 4:7

Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”

DANIELI 7:27

Niko wuzuri, na nguma rose na wubaa ghose ghwa agho mawuzuri gha ndoenyi ghichaanekwa waeli, awo wandu wa Uo Uko Aighu Na Ndighi, na wuzuri ghwawo ghuchakaia ghwa kala na kala. Wabonyi nguma wose wa ndoenyi wichawidumikia na kuwisikira.’

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MAKATANISHO 20:28

Hachi na loli yadam'bonya mzuri uduo ukibonya nguma; wuzuri ghwake ghwamazirwa ni hachi.

2 SAMUELI 7:16

Nyumba yako na wuzuri ghwako ghuchamangishwa putu imbiri kwapo ini kwa kala; na kifumbi chako cha nguma nichachimangisha kwa kala na kala.’”

AMOSI 9:11

BWANA waghamba, “Ituku jichacha nani nichaghuwunja wuzuri ghwa Daudi ghoreghueghe sa nyumba ighue na kunoneka. Nichaagha mawurigha gharo na kughimangisha. Nichaghuagha na kughuwika sa iji ghorekoghe imbiri.

ISAYA 55:4

Olenyi nam'bonyere ukaie wushuhuda kwa wandu, kilongozi na m'baa wa wandu.

MAKATANISHO 29:14

Mzuri ukatanya wakiwa karakara, wuzuri ghwake ghuchadua.

ZABURI 99:4

Mzuri wa kudima, oho kwadaikunda hachi; kwaimangishire loli andenyi ya Jakobo, kwaredie hachi na loli.

ZABURI 98:9

angu uacha kughubonyera nguma wurumwengu, Uchawibonyera nguma wandu wiko wurumwengunyi kwa hachi na loli.

ZABURI 96:13

imbiri ya BWANA iji wacha kubonya nguma ndoenyi. Uchawibonyera nguma wandu wiko wurumwengunyi kwa hachi na loli.

ZABURI 89:14

Wuzuri ghwako ghoomangishwa aighu ya hachi na loli; oho kwadabonya maza rose kwa lukundo lukatie na wuloli.

ZABURI 85:10

Lukundo na wuloli richakwana; hachi na sere richasusughana.

2 MALAGHO GHA NGELO 31:20

Huwo niko Hezekia orebonyereghe andenyi ya Juda yose; ukabonya nicha, na kukaia mloli imbiri ya BWANA Mlungu wake.

1 WAZURI 10:9

BWANA Mlungu wako ndekaso! Wawonyera seji uboilo ni oho kwa kukuwika kukaie mzuri wa Israeli. Kwa kukaia Mlungu wawikunde Israeli kwa kala na kala, wakuwikie kukaie mzuri wawo, eri kupate kubonya gha loli na gha hachi.”

2 SAMUELI 23:3

Mlungu wa Israeli waghorie, uo uko mbanga ya Israeli wanizerie, “Iji mndumu wabonya nguma aighu ya wadamu kwa hachi, ukibonya nguma uko andenyi ya kuobua kwa Mlungu,

2 SAMUELI 5:9

Nyuma ya Daudi kuwada ugho muzi, ukaghuwanga “Muzi ghwa Daudi.” Niko Daudi ukaagha ugho muzi chia rose kufuma Milo hata kondenyi.

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.