ISAYA 16:1 - Biblia Ilagho Jiboie Kwa Wandu Wose

¹ Wandu wa Moabu, dumenyi wana wa ng'ondi wikaie kodi kufuma Sela, kwa uo ubonyagha nguma Jerusalemu mkiidia kireti.

ISAYA 16:1 Referans Kwoze

ISAYA 10:32

Idime jeni wamaiza wichalala Nobu, nawo wichaghuzaruma Mghondi ghwa Sioni, ugho mghondi ghwa Jerusalemu.

2 WAZURI 3:4

Mzuri Mesha wa Moabu orekoghe mundu ofugha ng'ondi; nao ukakaia ukilipa kwa mzuri wa Israeli wana wa ng'ondi elfu ighana jimweri, na mafuri gha bauru elfu ighana jimweri kula mwaka.

2 WAZURI 14:7

Amazia ukabwagha Waedomu elfu ikumi aho Vololo ya Chumbi, ukawada muzi ghwa Sela wudenyi, ukaghuwanga Joktheeli, nagho ghwaduagha ghukiwangwa huwo hata linu.

2 SAMUELI 8:2

Niko ukawisima wandu wa Moabu, ukawirarisha wafungwa andoenyi zaria-zaria na kubwagha zaria iwi ra wandu kwa kula zaria idadu. Wamoabu wikawuya wadumiki wa Daudi, wikakaia wikilipa kodi kwake.

ISAYA 42:11

Kireti na mizi yose iko aho ndeiwusire chwaka rawo kumkasa BWANA, wandu wose wikaiagha mizi ya Kedari, na awo wikaiagha Sela, ndewibore kwa kuboilwa; ndewiwusire chwaka rawo na kukasa aighu mighondinyi.

EZRA 7:17

“Kutumie pesa iro nicha. Kughuo njau, bauru, na wana wa ng'ondi, chiaimweri na mafunyo ghawo gha viro na mafunyo gha kunywa; kuvifunye aighu ya madhabahu gha Hekalu iko Jerusalemu.

MIKA 4:8

Na oho, ee Jerusalemu, andu Mlungu orekoghe ukichereshera wandu wake sa mlisha uko mnarenyi, nichakubonya kukaie muzi m'baa ghwa wuzuri ghonyu sa kala.

EZEKIELI 45:16

Wandu wa isanga wose wichafunya mafunyo agha kwa m'baa wa isanga ja Israeli.