ISAYA 15:1 - Biblia Ilagho Jiboie Kwa Wandu Wose

¹ Ughu ni wulodi aighu ya Moabu. Kwa kukaia mizi ya Ari na Kiri yamerelo kwa kio chimweri, kwa huwo isanga ja Moabu jeesia.

ISAYA 15:1 Referans Kwoze

ISAYA 11:14

Ela wichawadana na kuwingiria Wafilisti wiko cha magharibi; wichawikaba na kuwidwa wunyika wandu wa mashariki. Wichawikaba na kuwisima wandu wa Edomu na Moabu, na Waamoni wichakuwika aisi yawo.

MITALO 21:28

Angu modo ghwafumie Heshboni, lumu lwa modo lukafuma mzinyi kwa Sihoni. Ghorekorieghe Ari muzi ghwa Moabu, na awo wabaa wa ighu wa Arnoni.

ISAYA 25:10

BWANA uchaghulindia ughu mghondi, na wandu wa Moabu wichawadilwa sa nyasi andenyi ya kina cha mboleo.

ISAYA 16:11

Kwa huwo niaililia Moabu na muzi ghwa Kir-heresi.

ISAYA 16:7

Wandu wa Moabu wichalila, kula umu wawo uchalilia isanga jake, kwa wundu ghwa wasi mungi ghosowa mikate ya reizini ya Kir-haresethi.

ISAYA 14:28

Mwaka ghuja Mzuri Ahazi orefueghe, malagho ghereredeloghe huwu,

JEREMIA 9:26

Nichawikaba wandu wa Misri, na wa Juda, na wa Edomu, na wana wa Amoni, na wandu wa Moabu, na wandu wose wikaiagha kireti widumbuagha maridia ghawo virodi; wandu awa wose ndewishamishiro, na wandu wa Israeli wori ndewishamishiro ngolonyi kwawo.”

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

2 WAZURI 3:25

Wikaighusha mizi yawo, na kukumba magho andenyi ya kula mbuwa erekoghe inorie, hata magho ghikachua. Wikariwa ndoria rose ra machi, na kudema midi yose iboie; ghikaasigharika magho ghiekeri aho isanga ja Kir-haresethi. Wandu wekumba vikuza wikaghumara ugho muzi na kughuwada.

WUKUMBUSO 2:18

‘Idime mchaida mwano ghwa Wamoabu aja Ari;

WUKUMBUSO 2:9

BWANA ukanizera ‘Msakewisumbua Wamoabu hata msakelwa nawo, angu sichaamneka ndoe ingi yawo muiwuse, kwa kukaia Ari namerie kuineka kivalwa cha Loti ikaie yawo.’”

ISAYA 25:12

na BWANA uchaghusha mawurigha gha ngome rawo ghiko ighu, na kughighusha andoenyi hata terinyi.

WUKUMBUSO 2:19

iji mwalighisa kuvika mwano ghwa kivalwa cha Amoni, msakewisumbua hata msakelwa nawo angu sichaamneka ndoe ingi yawo muiwuse, kwa kukaia namerie kuineka kivalwa cha Loti.’”

ISAYA 16:6

Wandu wa Juda wikatumbulia, “Dasikire seji wandu wa Moabu wikukasire; daichi seji wikudukie na kukuwona, ela kukuduka kwawo ni kwa duu.”