ISAYA 1:25 - Biblia Ilagho Jiboie Kwa Wandu Wose

²⁵ Nichammbwada kwa mkonu ghwapo, na kumuoghosha sa chuma; nichamuelesha seji chuma chieleshwagha kwa modo; na kuinja wuwiwi ghonyu ghose.

ISAYA 1:25 Referans Kwoze

MALAKI 3:3

Uchacha kutanya sa mundu ueleshagha feza. Mdumwa wa BWANA uchawielesha wakohani sa mchani vuma ueleshagha feza na dhahabu wipate kumfunyira mafunyo ghiboie.

JEREMIA 9:7

Kwa huwo BWANA wa majeshi waghamba huwu: “Olenyi nichawielesha sena niwitime; da nibonya ilaghoki kwa wundu ghwa wandu wapo?

ISAYA 4:4

ingelo BWANA uchaaoghosha wuchafu ghwa wandu wa Sioni, na bagha idikie Jerusalemu kwa roho ya kutanya, na roho ya modo.

ISAYA 1:22

Feza yako yawurie ya duu, divei yako eeranganywa na machi.

ZEFANIA 3:11

Ngelo iyo, ndemchaafushwa waya wei morenileghieghe. Nichainja wandu wose werekukasagha na kukuduka, nenyo ndemchaanilegha sena aighu ya mghondi ghwapo ghwa wueli.

EZEKIELI 22:22

Sa iji feza isaghishwagha kwa modo ghubirie, na inyo wori mchasaghishwa andenyi ya muzi ghwa Jerusalemu, nenyo mchamanya machu ghapo aighu yenyu.”

EZEKIELI 20:38

Nichawiinja awo wandu wisesikiragha na awo winibonyeragha kaung'a, wifume aghadi konyu; nichawifunya isangenyi iji werejikaieghe kiwughenyi, ela ndewichaangia andenyi ya isanga ja Israeli. Aho niko mchaamanya kukaia ini ne BWANA.

JEREMIA 6:29

Mpuputo ghwaawuyafuria modo kwa ndighi mbaa, kuinja risasi, ela iyo kazi eelesha yaawuyabonywa duu, kwa kukaia awa wandu weeranganywa na wawiwi.

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

EZEKIELI 22:20

Na sa iji koni wandu wikwanyagha feza, na shaba, na chuma, na risasi na ibamba na kuvingira iwiwinyi ja modo, na kughupuputa hata visaghe, niko koni nichaamkwanya kwa machu na kwa lubio lwapo nipate kumsaghisa.

WUKUMBUSO 32:43

“Suti muwikume wandu wa BWANA inyo mbari, wadawikaba awo wose wiwibwaghagha. Wadalipa kisasi kwa wamaiza wake na kuleka kaung'a ra wandu wake.”

ZABURI 119:119

Wawiwi wose wa ndoenyi kwadawitala sa wuchafu, kwa huwo naikunde memu yako.

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

EZEKIELI 22:19

Kwa huwo, ini Bwana MLUNGU naghamba huwu: Kwa kukaia inyo mmbose moofwanana na wuchafu ghwa feza yaeleshwa, olenyi nichamkwanya andenyi ya muzi ghwa Jerusalemu.

JEREMIA 9:6

Ndewilekagha makorongo, na makalio. Nawo walegha kunimanya ini, waghamba BWANA.