HOSEA 9:6 - Biblia Ilagho Jiboie Kwa Wandu Wose

⁶ Iji wasi ghwacha na wandu kusasarika, Misri ichawikwanya wipate kurikilwa Memfisi. Vilambo vawo va zoghori va feza na andu kose mizi yawo erekoghe, ichabukwa ni masaka na minjwa.

HOSEA 9:6 Referans Kwoze

HOSEA 10:8

Andu kwa ighu kwa wulaghe-laghe, korebonyeroghe kwa wundu ghwa Israeli kutasa milimu kuchanonwa. Kuchabukwa ni minjwa na mtaranganga, nayo ichazoghua na kufinikira madhabahu rawo. Wandu wichaizera mighondi mibaa na mitini, “Dighuenyi mudifinikire.”

ISAYA 5:6

Nichaisigha inoneke putu, mizabibu ndeichaaboiswa hata kulimilwa; nayo ichabukwa ni isaka na minjwa. Nichalaghira mawingu ghisenyeshe vua ingi aighu yake sena.”

HOSEA 9:3

Wandu wa Israeli ndewichaakaia isangenyi ja BWANA, ela wichawuya cha Misri na kuja vindo viseelie aho Ashuru.

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

HOSEA 7:16

Wanisighie na kuighalukia milungu isewadie ndighi; wakaia sa ndana ikomekie isedimagha kusuwirilwa. Wabaa wawo wichabwaghwa wudenyi angu wikukasire, na Wamisri wichawiseka.”

ISAYA 7:23

“Ngelo iyo, andu korekoghe na miwalwa ya mizabibu elfu imweri, erekoghe ikipata pesa shekeli elfu imweri, kuchabuka mndungua na minjwa.

HOSEA 11:11

Wichacha shwa-shwa sa nyonyi kufuma Misri, wichacha sa mbughi kufuma Ashuru, nani nichawireda mizinyi kwawo, ini BWANA naghamba.”

HOSEA 7:13

“Ni bugha kwawo! Wanileghie na kunisigha. Wichatoteshwa. Kumangu nawikombua ela waawuyanitasa icho kisha.

ISAYA 34:13

Minjwa na mndandangoma ichazoghua aighu ya ngome rawo, nako kuchakailwa ni mizozo na nyagha.

ISAYA 32:13

Mbuwa ra wandu wapo rabukilo ni minjwa na mndandangoma, ee, mrililie na nyumba renyu rerechuloghe ni kuboilwa andenyi ya muzi ghwa maseko.

ISAYA 27:12

Ngelo iyo, BWANA uchachana na kuela wandu wake sa ngano, kufuma Moda ghwa Eufrate hata kamoda ka Misri; nenyo mchakwanywa umweri umweri, ee wandu wa Israeli.

ISAYA 19:13

Wabaa wa muzi ghwa Soani wawuya wakelu, na wabaa wa Memfisi weekalikia; awandu weni wiko sa magho gha mbembenyi kwa mbari yawo, walaghasha Misri chia.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

MAKATANISHO 24:31

ngawona, mbuwa yose ibukilo ni minjwa; eechulwa ni isaka yose, na wurigha ghwaro ghwa magho ghooghwa andonyi.

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

2 WAZURI 13:7

Mndungi wa ijeshi ja Jehoahazi nderesigharikieghe, ela wajoki farasi mirongo misanu, magare ikumi na masikari gheghenda na maghu elfu ikumi; kwa kukaia awo wazima werekoghe wose watoteshwa ni mzuri wa Siria, kwa kuwifasha-fasha sa teri.

1 SAMUELI 13:6

Waisraeli wiendawona kukaia wangia andenyi ya mashaka mabaa, angu werekoghe wamarwa chia rose, wikakuvisa wamu mbangenyi, na wamu mirumenyi, na maghonyi na makaburinyi na visimenyi visewadie machi.

JEREMIA 2:16

Na kuchumba, wandu wa Memfisi na Tahpanesi wamerie kubara chongo chake lughuma.

JEREMIA 42:22

Kwa huwo manyenyi loli angu mchabwaghwa wudenyi, na kwa njala, na kwa saka izamie, andenyi ya ijo isanga mwawuyakaia na bea eghendajikaia.”

JEREMIA 44:1

BWANA oreghorieghe nani aighu ya Wayahudi wose werekoghe wikikaia andenyi ya isanga ja Misri, aho Migdoli, na Tahpanesi, na Memfisi na andenyi ya isanga ja Misri ya Lughu.

JEREMIA 46:14

“Ghorienyi mizi ya Misri na Migdoli; sena mmanyishe mizi ya Memfisi na Tahpanesi; wizerenyi, ‘Kuwikenyi kimusi nicha, angu kula kindo chichamerelwa ni wuda.’

JEREMIA 46:19

Funganyenyi misigo enyu mpate kubarika, inyo mkaiagha Misri; kwa kukaia Memfisi ichawuya ighacho, inoneke isechaakailwa ni wandu.

EZEKIELI 30:13

Bwana MLUNGU waghamba huwu, “Nichainona milimu, na kuinja fwana riko Memfisi; ndekuchaakaia na m'baa ungi sena isanga ja Misri, kwa huwo nichangira kiture aho.

EZEKIELI 30:16

Nani nichaikora Misri, na Pelusiumu ichakaia andenyi ya wasi m'baa; Thebesi ichanonwa na mawurigha gharo kuchikanywa.

HOSEA 2:6

Kwa huwo nichaikabia chia yake isanju ja minjwa, nani nichaagha wurigha ghoditanya, usedime kuwona chia rake sena.

HOSEA 7:11

Israeli ooka sa mbughi isena akili; wandu wake wiammbanga Misri uchewitesia, sena ii chia wiakimbiria cha Ashuru.

ZEFANIA 1:11

Lilenyi inyo wandu mkaiagha Mota, kwa kukaia wandu wose wa biashara wikaiagha aho wikipima feza wameria kubwaghwa.

WALAWI 26:33

Nani nichamredia wuda na kumsaghisa aghadi ya mbari zima. Isanga jenyu jichawuya kireti, na mizi yenyu ichawuya maghacho.

JEREMIA 44:12

Awo wandu wa Juda wisigharikie, nao wikakufunya kucha cha Misri wipate kukaia aha, nichawibonya witotesho wose ahaeni isangenyi ja Misri. Wichafwa wudenyi, na kwa njala, kufuma mtini wawo hata m'baa wawo; nawo wichawoneka sa kilambo cha kisha, cheshinikilwa, chiwasirilo njowe, na chesholelwa.

JEREMIA 44:13

Nichawikaba awo wikaiagha isanga ja Misri, sa iji koni nerewikabieghe awo werekoghe Jerusalemu, kwa wuda na kwa njala, na kwa saka izamie;