HOSEA 9:2 - Biblia Ilagho Jiboie Kwa Wandu Wose

² Ela kafwani koni ndemchaakaia na viro vekata na mavuda; ndemchaakaia na divei ingi.

HOSEA 9:2 Referans Kwoze

HOSEA 2:9

Kwa huwo, ngelo ya makuwido nichamuima viro, na ngelo ya zabibu nichamuima divei nichamsoka nguwo ra sufu na kitani, iro rerefinikireghe wuduu ghwake.

HAGAI 2:16

Mundu ukaghenda zighana msigo ghwa viro vake ukisuwiria kupata vipimo mirongo misanu, uapata mirongo iwi.

HAGAI 1:9

“Morekoghe mkisuwiria kupata vindo vingi, ela mkaapata vitinieri; hata iji mwavireda mzinyi, ngaviduka na mbeo noko. Mwamanyire ni kwaki nibonyere huwo? Ni angu Hekalu yapo iduagha ighacho, ingelo kula umu onyu waawuyabonya malagho gha nyumbenyi kwake.

HOSEA 2:12

Nichainja mizabibu na mitini yake, iyo orekoghe ukighamba wei wakundwa wake wedemneka kwa wundu ghowidumikia. Nichaighalua mizabibu na matunda ghake ghiwue kireti.

KUZOYA 50:10

Hata iji werevikieghe lwala loelia viro lwa Atadi, luko kimonu cha Jordani, wikalila kililo kibaa cha wasi, na Josefu ukabonya ifwa aho kwa wundu ghwa ndee matuku mfungade.

HOSEA 2:11

Nichainja kuboilwa kwake kose ndima rake, ndima ra kula mori na Sabato rake, na ndima rose rake riwikilo ra dini.

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.