HOSEA 9:12 - Biblia Ilagho Jiboie Kwa Wandu Wose

¹² Hata ngera walela wana, nichawiinja ungi usekaie moyo. Ngawisigha awa wandu, wichachelwa ni maza rizamie.”

HOSEA 9:12 Referans Kwoze

HOSEA 7:13

“Ni bugha kwawo! Wanileghie na kunisigha. Wichatoteshwa. Kumangu nawikombua ela waawuyanitasa icho kisha.

HOSEA 9:16

Wandu wa Israeli weeka sa mudi ghuomie miri, ndewichaava matunda ghangi. Hata wikava, nichawibwagha wana wawo wiwikunde.”

WUKUMBUSO 32:25

Wuda ghuchareda kifwa achienyi, na nyumbenyi kuchakaia na kiture, wadawana na wai wichafwa, ndewichaafuya wughoma mwana uongagha chiaimweri na mghosi.

WUKUMBUSO 31:17

Ituku ijo, nichajokwa ni machu aighu yawo, nani nichawisigha na kughaluka noko nisewiwone; nawo wichatoteshwa. Ngelo iyo, wichapatwa ni mawiwi mengi na kusumbuka, hata wivikie kumanya kukaia waapatwa ni agha mawiwi angu ini Mlungu wawo sikwanye nawo.

HOSEA 9:13

BWANA, naawuyawona wana wawo wikidiwa na kubwaghwa.

KILILO CHA JEREMIA 2:20

Zighana ee BWANA kupime: Kwabonyere mndungi huwu jingi? Ni hachi waka wije wana wawo aweni werewilindiagha? Welee, ni hachi wakohani na walodi wibwagho andenyi ya Hekalu yako?

JEREMIA 15:7

Nameria kuwiela na lungo, mbengenyi ra isanga; nabwaghie wana wawo, na kuwitotesha wandu wapo, kwa kukaia ndeweresighieghe chia rawo mbiwi.

AYUBU 27:14

Wana wake wikachurikia, wichabwaghwa wudenyi; kivalwa chake ndechichaakaia na vindo vikate.

2 WAZURI 17:23

hata BWANA ukameria kuwiinja Israeli usewiwoneghe sa iji koni orewighorieghe kwa memu ya wadumiki wake walodi. Niko Waisraeli wikakaia wibarishiro isangenyi jawo hata idime.

2 WAZURI 17:18

Niko BWANA ukawawa loli loli kwa wundu ghwa Israeli, ukawiinja wifume usewiwoneghe, wikaasigharika mbari ya Juda iekeri.

1 SAMUELI 16:14

Nao Roho wa BWANA orekoghe wamsigha Sauli, na roho mbiwi ikadumwa ni BWANA kumsumbua.

WATANYI 4:16

Baraka ukanugha agho magare na ijo ijeshi hata Haroshethi ya wandu wa mbari zima. Ijeshi jose ja Sisera jikabwaghwa kwa lufu, hata nderesigharikieghe mndungi.

WUKUMBUSO 28:32

Wana wako wa womi na wa waka wichanekwa wandu wazima kukiwona, na oho kuchawizighanira dime dii hata kusilo kukikunda kuwiwona, kusedimagha kuwitesia na ilagho jingi.

MITALO 26:65

Angu BWANA odewizera kukaia “Wichafuya kireti.” Kwa huwo mndungi wawo nderekoghe wasigharika, ela Kalebu mwana wa Jefune na Joshua mwana wa Nuni.

JEREMIA 6:8

Malagho agho ndeghikufundishe ee Jerusalemu nisechetana na oho; na kukubonya kuwuye mduu, isanga jisekailwagha ni wandu.”

MALAKI 2:12

BWANA ndewiinje awo wibonyere huwo wifume wungara ghwa Israeli, hata wisekaie na wungara sena ghwa ivo vizongona viredwagha kwa BWANA-Uwadie-Ndighi-Rose.

MITALO 14:34

Mchaduka msigo ghwa ikosa jenyu kwa miaka mirongo ina kara kara na seji moreghendieghe mkajizighana isanga kwa matuku mirongo ina; kula ituku mwaka mlazi, nenyo mchamanya seji nizamilo!

WUKUMBUSO 28:18

“Wana wako wichawadwa ni njowe, na mavalo gha mbuwa yako, na ng'ombe rako, hata wana wa ng'ondi rako.

KILILO CHA JEREMIA 2:22

Kwakaribishire kiture cha kwapo seji kukaribishagha wandu ndimenyi. Ndekuwadie mndungi ufufunukie ituku kujokelo ni machu. Wabwaghie wana wapo aweni niwilelie kwa lukundo.