HOSEA 8:8 - Biblia Ilagho Jiboie Kwa Wandu Wose

⁸ Israeli oofwanana na wandu wa iro mbari; ooka aghadi kwawo sa nyungu ibarikie.

HOSEA 8:8 Referans Kwoze

JEREMIA 22:28

Welee, umundu Jehoiakini waakaia sa nyungu imenyekie ibarikie, chombo chisetalwagha ni mndungi? Kwaki ukumbilo noko chiaimweri na wana wake cha isanga wisejiichi?

JEREMIA 51:34

Wandu wa Sioni ndewighambe, “Nebukadnezari mzuri wa Babuloni wameria kudija, wamerie kudifasha-fasha; wadibonyere diwoneke sa kilambo kiduu wadimilie sa are; waghudishiro ni kuboa kodu, na kudidaika.

WAROMA 9:22

Ni huwo koni ikaie kwa Mlungu. Odekunda kuwonyera machu ghake, na kubonya ndighi rake rimanyike. Ela orekoghe na irumaghio ibaa, ukirumaghianya na waja werewikiloghe kwa wundu ghwa machu ghake; awo weretanyiroghe wipate kutoteshwa.

EZEKIELI 36:3

funya wulodi kughambe, Ini Bwana MLUNGU naghamba huwu, Kwa kukaia, ee, angu werekubonyereghe kukawoneka mduu, wikakufasha-fasha kufuma kula chia, hata kukawuya mali ya iro mbari rose ra wandu, wikikughora kisha-kisha wandunyi,

KILILO CHA JEREMIA 2:16

Wamaiza wako wose wakudema sare na kukuzighana kwa lumenyo. Wachunua memu yawo na kuzoma wikighamba, “Dameria kughunona. Wakema, iji nijo ituku derejisuwirieghe, idana dajipata, dajiwona.”

KILILO CHA JEREMIA 2:5

BWANA waitoteshere Israeli sa m'maiza; wabonyere ngome rake rose riwuye maghacho; wawiredia wandu wa Juda wasi ghusesiagha.

KILILO CHA JEREMIA 2:2

BWANA wanonie kula muzi ghwa Israeli kuseko wughoma. Wavuchue ngome ra wandu wa Juda kwa machu ghake; ukainja ishima ja mawuzuri na wabonyi nguma waro.

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

JEREMIA 48:38

Aighu ya nyumba rose ra Moabu na viwachenyi varo ni kililo kiduu, angu namerie kum'bara Moabu sa chombo chisetalwagha ni mndungi.

ISAYA 30:14

Kughwa kwaro kuchakaia karakara na chombo cha mvimbi chabarika na ndighi, hata lusoweke luwigha lodima kudwa maka gha modo, angu lodaya machi kiriwenyi.”

2 WAZURI 18:11

Mzuri wa Ashuru ukawidwa Waisraeli wunyika cha Ashuru, na kuwiwika Hala, kaavui na Moda ghwa Habori, isanga ja Gozani na andenyi ya mizi ya Wamedi.

WUKUMBUSO 28:64

Nao uchamsaghisa aghadi ya wandu wose ndoenyi ii chia na ii chia; na aho mchaidumikia milungu mizima ya midi na ya magho, iyo msereiichighi hata weke ndeyo.

WUKUMBUSO 28:25

“BWANA ucham'bonya msimo ni wamaiza wenyu; mchatumia chiaimweri mkighenda kulwa nawo, na kukimbia imbiri yawo msaghisikie chia rose; nenyo mchashinua mawuzuri ghose gha ndoenyi.

WALAWI 26:33

Nani nichamredia wuda na kumsaghisa aghadi ya mbari zima. Isanga jenyu jichawuya kireti, na mizi yenyu ichawuya maghacho.

JEREMIA 25:34

“Inyo vilongozi, walisha wa wandu wapo, kemenyi kwa lwaka. Lilenyi na kukung'arisha terinyi; ngelo yameria kuvika mpate kubwaghwa, nenyo mchabarwa sa chombo chighokie.

KILILO CHA JEREMIA 5:2

Mali redu ranekelo waghenyi; waghenyi waawuyakaia andenyi ya nyumba redu.

KILILO CHA JEREMIA 4:2

Wadawana wa Sioni werekoghe wa zoghori mbaa kodu sa dhahabu, ela idana wawuyabonywa sa nyungu ra wongo, kazi ya mikonu ya mvimbi.