HOSEA 8:5 - Biblia Ilagho Jiboie Kwa Wandu Wose

⁵ Naawuyazamilwa ni mlimu ghwa ngache ya dhahabu ghutaswagha ni wandu wa muzi ghwa Samaria, neeka na machu mabaa aighu yawo; ichadwa ngelo ing'ane wada ima witane nayo?

HOSEA 8:5 Referans Kwoze

HOSEA 10:5

Wandu wikaiagha muzi ghwa Samaria wichaobua na kulila kwa wundu ghwa mlimu ghwa ngache ya dhahabu ghwa Beth-aveni. Wandu awo chiaimweri na wakohani wighudumikiagha wichalila kwa kuwona wubaa ghwaro seji ghwainjwa.

JEREMIA 13:27

Namerie kughuwona wuchafu ghwako; kulaka kwako, na bea rizamie, na wumalaya ghuchumbie, aighu mighondinyi na mbuwenyi. Ni bugha kwako ee Jerusalemu! Kudua mchafu kuseoghoshero hata lii?”

MAKATANISHO 1:22

“Inyo wakelu, mkaia wakelu hata lii? Mseka hikima kwa lumenyo hata lii? Wakelu wizamilwa ni kumanya hata lii?

MABONYO GHA WADUMI 7:41

Matuku agho, wikabonya fwana ya ngache, wikaghufunyira mlimu kizongona na kuboilwa ni kazi ra mikonu yawo.

HOSEA 8:6

Ni wufundi ghwa Muisraeli umu ubonyere ugho mlimu ghuseko mlungu putu. Njau ya dhahabu yawuyataswa Samaria ichabarwa-barwa.

JEREMIA 4:14

Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

ISAYA 45:20

BWANA waghamba, “Kwanyikenyi munisoghodere kaavui, inyo masighariko gha iro mbari ra wandu; awo widukagha iyo milimu yawo ya midi, na kulomba milimu isedimagha kukira, ndewiwadie kumanya kungi.

WUKUMBUSO 32:22

Nichajokwa ni machu sa lumu lwa modo nani nichakora kula kilambo ndoenyi. Ghuchasea hata Andu kwa Wafu, na kumeria miri ya mghondi.

ZABURI 19:13

Kunilindie nisebonye kaung'a ra kidali, hata risenibonyere nguma. Niko nichaakaia mloli putu, na kukaia kula na wuwiwi ghwa kaung'a.

JEREMIA 48:13

Niko aho Moabu uchafushwa waya ni mlungu ghwake Kemoshi, seji wandu wa Israeli werefushiroghe waya ni Betheli ugho mlungu wereghurumirieghe.

HOSEA 13:2

Na idana waawuyachuria kubonya kaung'a kwa kukubonyera weni milimu ichanilo wiitase; milimu iyo ibonyero kwa feza; kazi ibonyero kwa wuya ghwa mdamu. Nawo waghamba, “Funyenyi vizongona kwa ihi milimu.” Ikaia wada wandu wisusugha mlimu ghwa njau!

AMOSI 8:14

Awo wandu wighemagha kwa milimu ya Samaria, wikighamba, ‘Kwa mlungu ghwa Dani’ angu ‘Kwa mlungu ghwa Beer-sheba’ wandu awo wichaghwa hata ndewiichaawuka sena.”

2 MALAGHO GHA NGELO 13:8

“Na idana mwaawuyaghesha wei mwadima kusimana na wuzuri ghwa BWANA ghuko mikonunyi kwa wana wa Daudi, angu wei kedi muko wengi na angu wei Jeroboamu um'bonyere milungu ya fwana ra ngache ra dhahabu.

HOSEA 10:8

Andu kwa ighu kwa wulaghe-laghe, korebonyeroghe kwa wundu ghwa Israeli kutasa milimu kuchanonwa. Kuchabukwa ni minjwa na mtaranganga, nayo ichazoghua na kufinikira madhabahu rawo. Wandu wichaizera mighondi mibaa na mitini, “Dighuenyi mudifinikire.”

MIKA 1:7

Milimu yake ya zoghori ichabarwa-barwa; kula kilambo cherenekeloghe malaya gha hekalunyi chichakorwa, na fwana raro rose richawuya kitungu cha tungasi. Samaria yakuzaisire agho malagho, kwa wundu ghwa iyo mizango yake mingi. Idana wamaiza wake wichaiduka, wiendebonya wumalaya ghwa hekalunyi andu kuzima.”