HOSEA 7:5 - Biblia Ilagho Jiboie Kwa Wandu Wose

⁵ Ituku ibaa ja mzuri odu, wabaa werewongerieghe kwa divei ibirie hata wikadaika, na mzuri ukarangana nawo.

HOSEA 7:5 Referans Kwoze

ISAYA 28:1

Ni bugha kwa wuzuri ghukukasire ghwa Israeli! Wubaa ghwaro ghwaawuyaida sa kirumbu cha mboi chiko vongonyi kwa vilongozi viwongiagha. Wakukasa kwa kukushinga marumba vongonyi kwawo, ela waawuyabwaghwa ni chofi.

WAEFESO 5:18

Msakewongia kwa divei, angu aho koko na kunoneka; ela mchulo ni Roho,

MARKO 6:21

Ela ngelo ifwane erevikieghe, iji Herode kwa ituku jake ja kuvalwa, orewibonyereghe ndima waghosi wake wa isanga, wabaa wa serikali na wandu wabaa wa Galilaya.

MATHAYO 14:6

Nao iji ituku ja kuvalwa kwake Herode javika, mwai wa Herodia ukavina imbiri ya wose, ukamrira Herode. Nao ukam'bonyera ilaghiro ja ighemi,

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

MAKATANISHO 20:1

Divei yadareda lumenyo, na chofi yadareda marashano; mundu uwadanagha nayo, ndene hikima.

MAKATANISHO 13:20

Mundu uwadanagha na wandu wa hikima, uchawuya mundu wa hikima; ela uo uwadanagha na wakelu uchavavirika.

ZABURI 69:12

Nadadedwa ni wandu wiseagha kidombo mwandunyi, na wawongeri wadanidunga chumbo rizamie.

ZABURI 1:1

Warasimilwa uo mundu usenughagha njama ra wawiwi, usebonyagha sa wakaung'a hata kukaia na wungara na wandu wemsholia Mlungu.

1 WAZURI 13:4

Mzuri uendasikira agho malagho gha mlodi, ukamloda ukighamba, “Mmbwadenyi uo mundu.” Nao mkonu ghwake ghukakelemia, ukalemwa ni kughukucha.

KUZOYA 40:20

Nao ituku ja kadadu mzuri orebonyereghe karamu ya kuvalwa kwake, ukawikaribisha wadumiki wake wose. Nao ukawifungua wadumiki wake, m'baa wa wanyoshi divei, na m'baa wa waochi mikate.

ISAYA 28:14

Sikirenyi ilagho ja BWANA inyo wandu mmenyagha; inyo muwibonyeragha nguma wandu wiko Jerusalemu!

HOSEA 7:3

BWANA waghamba, “Wandu wadamkalia mzuri na wabaa wake kwa kutumia njama rawo mbiwi.